ಇಸ್ರೇಲ್‌ ಮಾಜಿ ಪ್ರಧಾನಿ ಏರಿಯಲ್‌ ಶರೋನ್‌ ನಿಧನ

7

ಇಸ್ರೇಲ್‌ ಮಾಜಿ ಪ್ರಧಾನಿ ಏರಿಯಲ್‌ ಶರೋನ್‌ ನಿಧನ

Published:
Updated:
ಇಸ್ರೇಲ್‌ ಮಾಜಿ ಪ್ರಧಾನಿ ಏರಿಯಲ್‌ ಶರೋನ್‌ ನಿಧನ

ಜೆರುಸಲೇಂ (ಪಿಟಿಐ): ಇಸ್ರೇಲ್‌ನ ಮಾಜಿ ಪ್ರಧಾನಿ ಏರಿಯಲ್‌ ಶರೋನ್‌ (85) ಶನಿವಾರ ನಿಧನರಾದರು.



ಪಾರ್ಶ್ವವಾಯುವಿಗೆ ತುತ್ತಾಗಿದ್ದ ಅವರು ಎಂಟು ವರ್ಷ­ಗಳಿಂದ ಟೆಲ್‌ ಅವೀವ್‌ ನಗರ ಬಳಿಯ ಆಸ್ಪತ್ರೆಯೊಂದ­ರಲ್ಲಿ ಕೋಮಾ ಸ್ಥಿತಿಯಲ್ಲಿದ್ದರು. ಇಸ್ರೇಲ್‌ನ 11ನೇ ಪ್ರಧಾನಿ ಆಗಿದ್ದ ಶರೋನ್‌ ಕೊನೆಯು­ಸಿರೆಳೆ­ಯುವಾಗ ಅವರ ಕುಟುಂಬದ ಸದಸ್ಯರು ಆಸ್ಪತ್ರೆ­ಯಲ್ಲಿ­ದ್ದರು. ಜ. 1ರಿಂದ ಅವರ ಆರೋಗ್ಯ ಬಿಗಡಾಯಿಸಿದ ನಂತರ  ಪುತ್ರ­ರಾದ ಒಮ್ರಿ ಮತ್ತು ಗಿಲಾಡ್‌ ಶರೋನ್‌ ಜತೆಗಿದ್ದರು ಎಂದು ‘ಜೆರುಸಲೇಂ ಪೋಸ್ಟ್‌’ ವರದಿ ಮಾಡಿದೆ.



ಇಸ್ರೇಲ್‌ನ ಪ್ರಧಾನಿ ಕಚೇರಿಯು ಶೆರೋನ್‌ ಅವರ ಅಂತ್ಯಕ್ರಿಯೆಯನ್ನು ಸರ್ಕಾರಿ ಗೌರವಗಳೊಂದಿಗೆ ನಡೆಸಲಿದೆ. ಜಗತ್ತಿನ ಈಗಿನ ಹಾಗೂ ಮಾಜಿ ನಾಯ­ಕರು ಅಂತ್ಯಸಂಸ್ಕಾರದಲ್ಲಿ ಭಾಗಿ­ಯಾಗುವ ನಿರೀಕ್ಷೆ ಇದೆ. ಶೆರೋನ್‌ ಅವರ ಅಂತ್ಯ­ಕ್ರಿಯೆ ದಕ್ಷಿಣ ಇಸ್ರೇಲ್‌ನ ನೆಗೆವ್‌ನಲ್ಲಿ ನಡೆಯಲಿದೆ. 2000ರಲ್ಲಿ ಮೃತಪಟ್ಟಿದ್ದ ಅವರ ಪತ್ನಿಯ ಸಮಾಧಿ ಬಳಿಯಲ್ಲಿಯೇ ಅಂತ್ಯ­ಸಂಸ್ಕಾರ ನಡೆಯಲಿದೆ.



ಇಸ್ರೇಲ್‌ ಸ್ವಾತಂತ್ರ್ಯ ಪಡೆದ ನಂತರ  ನಡೆದ ಯುದ್ಧಗಳಿಗೆ ಶೆರೋನ್‌ ನೀಡಿದ ಕೊಡುಗೆಗಳಿಂದ ಅವರು ದೇಶದಲ್ಲಿ  ‘ಮಿ. ಸೆಕ್ಯೂರಿಟಿ’ ಎಂದೇ ಗುರುತಿಸಿ­ಕೊಳ್ಳು­ತ್ತಿದ್ದರು. ಆದರೆ, ಅರಬ್‌ ಜಗತ್ತು ಅವರನ್ನು  ‘ಸಾಬ್ರಾ ಮತ್ತು ಷಟಿಲಾದ ಕಟುಕ’ ಎಂದು ಸಂಭೋದಿಸುತ್ತಿತ್ತು. 1982ರಲ್ಲಿ ಶರೋನ್‌ ರಕ್ಷಣಾ ಸಚಿವರಾಗಿದ್ದಾಗ ಲೆಬನಾನ್‌ ಮೇಲೆ ಇಸ್ರೇಲ್‌ ದಾಳಿ ನಡೆಸಿತ್ತು. ಈ ದಾಳಿಯ ರೂವಾರಿ ಶೆರೋನ್‌ ಆಗಿ­ದ್ದರು. ಈ ಆಕ್ರಮಣದ ಸಂದರ್ಭ­ದಲ್ಲಿ ಬೈರೂತ್‌ನ ಎರಡು ನಿರಾಶ್ರಿತ ಶಿಬಿರ­ಗಳಾದ ಸಾಬ್ರಾ, ಷಟಿಲಾ­ಗಳಲ್ಲಿದ್ದ ನೂರಾರು ಪ್ಯಾಲೆಸ್ಟ್ಯೆನಿ­ಯ­ರನ್ನು ಲೆಬನಾನಿನ ಕ್ರಿಶ್ಚಿಯನ್‌ ಭಯೋ­ತ್ಪಾದಕರ ನೆರವಿನೊಂದಿಗೆ ಇಸ್ರೇಲ್‌ ಹತ್ಯೆ ಮಾಡಿತ್ತು.



18 ವರ್ಷಗಳ ನಂತರ ಶರೋನ್‌ ದೇಶದ ಪ್ರಧಾನಿಯಾಗಿ ಆಯ್ಕೆ­ಯಾ­ದರು. ‘ಭದ್ರತೆ ಮತ್ತು ನಿಜವಾದ ಶಾಂತಿ’ ಸ್ಥಾಪಿಸುವ ಪ್ರಮಾಣ ಕೈಗೊಂಡಿದ್ದ ಅವರು ಎರಡನೇ ಬಾರಿ ಪಾರ್ಶ್ವವಾಯುವಿಗೆ ತುತ್ತಾಗುವವರೆಗೆ  ಅಧಿಕಾರದಲ್ಲಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry