ಇ-ಮೇಲ್ ಸಂಗ, ಉತ್ಪಾದಕತೆಗೆ ಭಂಗ!

ಭಾನುವಾರ, ಮೇ 19, 2019
32 °C

ಇ-ಮೇಲ್ ಸಂಗ, ಉತ್ಪಾದಕತೆಗೆ ಭಂಗ!

Published:
Updated:

ಲಂಡನ್ (ಪಿಟಿಐ): ಉದ್ಯೋಗಿಗಳು ಪ್ರತಿದಿನ ತಮ್ಮ ಕೆಲಸದ ಅವಧಿಯಲ್ಲಿ  ಸರಾಸರಿ ಎರಡೂವರೆ ಗಂಟೆಗಳ ಕಾಲವನ್ನು ಇ-ಮೇಲ್ ಬರೆಯುವುದಕ್ಕಾಗಿಯೇ ಅನಗತ್ಯವಾಗಿ ವ್ಯಯಿಸುತ್ತಿರುವ ಸಂಗತಿ ಸಮೀಕ್ಷೆಯೊಂದರಿಂದ ಗೊತ್ತಾಗಿದೆ.



ಮೆಕೆನ್ಸಿ ಗ್ಲೋಬಲ್ ಇನ್‌ಸ್ಟಿಟ್ಯೂಟ್ ಜನಮತ ಸಂಗ್ರಹದಿಂದ ಇದನ್ನು ಲೆಕ್ಕ ಹಾಕಿದ್ದು, ಉದ್ಯೋಗಿಗಳ ಕಂಪ್ಯೂಟರ್ ಬಳಕೆ ರೀತಿಯಲ್ಲಿ ಕೆಲವು ಬದಲಾವಣೆಗಳನ್ನು ಸಲಹೆ ಮಾಡಿದೆ. ಇದನ್ನು ಅಳವಡಿಸಿಕೊಂಡಿದ್ದೇ ಆದರೆ ಸಿಬ್ಬಂದಿಯ ಉತ್ಪಾದಕತೆ ಶೇ 25ರಷ್ಟು ಅಧಿಕವಾಗುತ್ತದೆಂದು ಅದು ಅಭಿಪ್ರಾಯಪಟ್ಟಿದೆ.



ಒಟ್ಟು 46 ಗಂಟೆಗಳ ಒಂದು ವಾರದ ಕೆಲಸದ ಅವಧಿಯಲ್ಲಿ ಬಹುಪಾಲು ಉದ್ಯೋಗಿಗಳ ಶೇ 25ಕ್ಕೂ ಹೆಚ್ಚು ಸಮಯ ಕೆಲಸದ ಬದಲಿಗೆ, ಅನಗತ್ಯವಾಗಿ ಇ-ಮೇಲ್‌ಗಳನ್ನು ಕಳುಹಿಸುವುದು, ಇ-ಮೇಲ್‌ಗಳನ್ನು ನೋಡುವುದು, ಇ-ಮೇಲ್‌ಗಳನ್ನು ಕ್ರೋಡೀಕರಿಸುವುದು ಇತ್ಯಾದಿಗಳಿಗಾಗಿಯೇ ಬಳಕೆಯಾಗುತ್ತಿದೆ. ಅಂದರೆ, ಕಚೇರಿಯ ನೌಕರರು ವರ್ಷವೊಂದರಲ್ಲಿ ಸರಾಸರಿ  81 ಕೆಲಸದ ದಿನಗಳನ್ನು ಇ ಮೇಲ್‌ಗಾಗಿಯೇ ವ್ಯಯಿಸುತ್ತಾರೆ ಎಂದು ಅದು ವಿವರಿಸಿದೆ.



`ತಮ್ಮ ಕಚೇರಿಯಲ್ಲೇ ಇರುವ ಸಹೋದ್ಯೋಗಿಗಳಿಗೆ ಇ-ಮೇಲ್ ಮಾಡುವ ಬದಲಿಗೆ, ಅವರೊಡನೆ ಖುದ್ದು ಮಾತನಾಡುವುದು ಸೂಕ್ತ. ಇದರಿಂದ ಸಮಯ ಉಳಿಯುತ್ತದೆ. ಮುಖಾಮುಖಿ ಮಾತನಾಡುವಾಗ, ಧ್ವನಿ- ಮುಖ ಚಹರೆ- ಆಂಗಿಕ ಚಲನೆ- ಇವೆಲ್ಲವೂ ಮನಸ್ಸಿಗೆ ನಾಟುತ್ತವೆ. ಕಂಪ್ಯೂಟರನ್ನೇ ಸಂವಹನ ಮಾಧ್ಯಮವನ್ನಾಗಿ ಮಾಡಿಕೊಂಡರೆ ಸಂವಹನದ ಈ ಸೂಕ್ಷ್ಮಗಳನ್ನೆಲ್ಲಾ ನಾವು ಕಳೆದುಕೊಂಡಂತೆಯೇ ಸರಿ~ ಎಂದು ಅದು ಹೇಳಿದೆ.



ಕೆಲವೊಮ್ಮೆ ಇ-ಮೇಲ್ ವಿನಾಕಾರಣ ಸಂಘರ್ಷವನ್ನೂ ಹುಟ್ಟು ಹಾಕಬಲ್ಲದು. ಮುಖಾಮುಖಿ ಮಾತನಾಡಿದರೆ ಚುಟುಕಾಗಿ, ಸುಲಭವಾಗಿ ಹೇಳಬಹುದಾದ ಸಂಗತಿಗಳನ್ನು ಇ-ಮೇಲ್‌ನಲ್ಲಿ ಸುದೀರ್ಘವಾಗಿ ವಿವರಿಸಬೇಕಾಗುತ್ತದೆ ಎಂದೂ ಸಮೀಕ್ಷೆಯಲ್ಲಿ ಹೇಳಲಾಗಿದೆ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry