ಮಂಗಳವಾರ, ಅಕ್ಟೋಬರ್ 15, 2019
28 °C

ಎಕ್ಯುಕೆಬಿ: ಜಾಗತಿಕ ಉಗ್ರ ಸಂಘಟನೆ

Published:
Updated:

ವಾಷಿಂಗ್ಟನ್ (ಐಎಎನ್‌ಎಸ್):  ಇರಾಕ್ ಮತ್ತು ಇರಾನ್ ನಡುವೆ ಕಾರ್ಯನಿರ್ವಹಿಸುತ್ತಿರುವ  ಅಲ್ ಖೈದಾ ಖುರ್ದಿಷ್ ಬೆಟಾಲಿಯನ್ಸ್ (ಎಕ್ಯುಕೆಬಿ) ಸಂಘಟನೆಯನ್ನು ಅಮೆರಿಕ ಸರ್ಕಾರವು `ವಿಶೇಷವಾಗಿ ನಿಯೋಜಿತಗೊಂಡಿರುವ ಜಾಗತಿಕ ಉಗ್ರ ಸಂಘಟನೆ~ ಎಂದು ಘೋಷಿಸಿದ್ದು, ಅದು ಅಮೆರಿಕ ನೀಡುವ ಶಿಕ್ಷೆಗೆ ಅರ್ಹವಾಗುತ್ತದೆ ಎಂದು ಹೇಳಿದೆ.



`ಅದೊಂದು ಉಗ್ರ ಸಂಘಟನೆ ಎಂದು  ಗೊತ್ತುಪಡಿಸಿರುವುದರಿಂದ,  ಅಮೆರಿಕದ ವ್ಯಾಪ್ತಿಯಲ್ಲಿ ಎಕ್ಯುಕೆಬಿ ಹೊಂದಿರುವ ಆಸ್ತಿಪಾಸ್ತಿಗಳು ಮುಟ್ಟುಗೋಲಿಗೆ ಅರ್ಹವಾಗಿವೆ. ಈ ಸಂಘಟನೆಯೊಂದಿಗೆ ದೇಶದ ನಾಗರಿಕರು ಯಾವುದೇ ರೀತಿಯ ವ್ಯವಹಾರ ನಡೆಸುವುದಕ್ಕೆ ನಿರ್ಬಂಧ ಹೇರಲಾಗಿದೆ. ಈ ಕ್ರಮವು ಆ ಸಂಘಟನೆಗೆ ಪೂರೈಕೆಯಾಗುವ ಹಣಕಾಸು ಮತ್ತು ಇತರ ನೆರವುಗಳಿಗೆ ಕಡಿವಾಣ ಹಾಕಲಿದೆ~ ಎಂಬ ಅಮೆರಿಕದ ವಿದೇಶಾಂಗ ಇಲಾಖೆ ಹೇಳಿಕೆ ಉಲ್ಲೇಖಿಸಿ ಕ್ಸಿನ್‌ಹುವಾ ವರದಿ ಮಾಡಿದೆ.

Post Comments (+)