ಏಕರೂಪ ಸಿಇಟಿಗೆ ಮಹಾರಾಷ್ಟ್ರ ಒಪ್ಪಿಗೆ

ಜಲ್ನಾ (ಪಿಟಿಐ): ಮಹಾರಾಷ್ಟ್ರ ಸರ್ಕಾರ 2013ನೇ ಶೈಕ್ಷಣಿಕ ವರ್ಷದಿಂದ ರಾಜ್ಯದಲ್ಲಿರುವ ಐಐಟಿ ಮತ್ತು ಎನ್‌ಐಟಿಗಳು ಸೇರಿದಂತೆ ಎಲ್ಲಾ ಎಂಜಿನಿಯರಿಂಗ್ ಕಾಲೇಜುಗಳ ಸೀಟುಗಳ ಪ್ರವೇಶಕ್ಕೆ ಏಕರೂಪ ಮಾದರಿಯ ಸಿಇಟಿ ಸಾಮಾನ್ಯ ಪರೀಕ್ಷೆ ನಡೆಸಲು ನಿರ್ಧರಿಸಿದೆ.



ಕೇಂದ್ರದ ಧನಸಹಾಯ ಪಡೆಯುವ ಎಲ್ಲಾ ಎಂಜಿನಿಯರಿಂಗ್ ಕಾಲೇಜುಗಳ ಪ್ರವೇಶಕ್ಕೆ ಏಕರೂಪ ಮಾದರಿ ಸಿಇಟಿ ಪರೀಕ್ಷೆ ನಡೆಸಬೇಕೆಂಬ ಕೇಂದ್ರ ಮಾನವ ಸಂಪನ್ಮೂಲ ಸಚಿವ  ಕಪಿಲ್ ಸಿಬಲ್ ಅವರ  ಸಲಹೆಯ ಮೇರೆಗೆ ಈ ಪ್ರಸ್ತಾವನೆಯನ್ನು ಸಿದ್ಧಪಡಿಸಲಾಗಿದ್ದು, ಈ ಕುರಿತು ಸದ್ಯದಲ್ಲೇ ರಾಜ್ಯ ಸಚಿವ ಸಂಪುಟದಲ್ಲಿ ಚರ್ಚಿಸಿ ಒಪ್ಪಿಗೆ ಪಡೆಯಲಾಗುವುದು~ ಎಂದು ತಾಂತ್ರಿಕ ಶಿಕ್ಷಣ ಸಚಿವ ರಾಜೇಶ್ ತೋಪೆ ಮಂಗಳವಾರ ತಿಳಿಸಿದ್ದಾರೆ.