ಶುಕ್ರವಾರ, ಫೆಬ್ರವರಿ 26, 2021
26 °C

ಏರ್ ಇಂಡಿಯಾ ನಿಲುವು ಬದಲು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಏರ್ ಇಂಡಿಯಾ ನಿಲುವು ಬದಲು

ನವದೆಹಲಿ (ಪಿಟಿಐ): ದೇಶದ ವಾಯುಯಾನ ಕ್ಷೇತ್ರಕ್ಕೆ ಸಂಬಂಧಿಸಿದ ‘5/20’ ನಿಯಮ ಕುರಿತು ಸರ್ಕಾರಿ ಸ್ವಾಮ್ಯದ ಏರ್‌ ಇಂಡಿಯಾ (ಎಐ) ಇದೀಗ ತನ್ನ ಈ ಮೊದಲಿನ ನಿಲುವು ಬದಲಿಸಿದೆ.



ಈ ನಿಯಮವನ್ನು ಜಾರಿಗೆ ತರುವಾಗ ರಾಷ್ಟ್ರೀಯ ಹಿತಾಸಕ್ತಿಯನ್ನು  ಗಮನದಲ್ಲಿ ಇಟ್ಟುಕೊಳ್ಳುವಂತೆ ‘ಎಐ’  ಅಭಿಪ್ರಾಯಪಟ್ಟಿದೆ. ನಾಗರಿಕ ವಿಮಾನಯಾನ ಸಚಿವಾಲಯಕ್ಕೆ ತನ್ನ  ಬದಲಾದ ನಿಲುವನ್ನು ತಿಳಿಸಿದೆ.  ಇದಕ್ಕೂ ಮೊದಲು ಏರ್ ಇಂಡಿಯಾ, ದೇಶದ ಕೆಲ ಖಾಸಗಿ ವಿಮಾನಯಾನ ಸಂಸ್ಥೆಗಳ ಜತೆ ಸೇರಿ ‘5/20’ ನಿಯಮ ಪಾಲನೆಯಲ್ಲಿ ಯಥಾಸ್ಥಿತಿ ಕಾಯ್ದುಕೊಳ್ಳುವಂತೆ ಒತ್ತಾಸಿತ್ತು.



ಹೊಸ ಅಧ್ಯಕ್ಷರಾಗಿ  ಅಶ್ವನಿ ಲೋಹಾನಿ  ಅಧಿಕಾರ ಸ್ವೀಕರಿಸಿದ ನಂತರ ಸಂಸ್ಥೆಯ ಈ ಮುಂಚಿನ ನಿಲುವು ಬದಲಾಗಿದೆ.

ಹೊಸದಾಗಿ ಅಸ್ತಿತ್ವಕ್ಕೆ ಬಂದಿರುವ ಖಾಸಗಿ ವಿಮಾನ ಯಾನ ಸಂಸ್ಥೆಗಳಾದ ಏರ್‌ ಏಷ್ಯಾ ಇಂಡಿಯಾ ಮತ್ತು ವಿಸ್ತಾರಾ ‘5/20’ ನಿಯಮ ರದ್ದತಿಗೆ ಸರ್ಕಾರದ ಮೇಲೆ ಪ್ರಭಾವ ಬೀರುತ್ತಿವೆ.



‘5/20’ ನಿಯಮಾವಳಿ ಪ್ರಕಾರ, ಐದು ವರ್ಷ ಪೂರೈಸದ ಹಾಗೂ ಕನಿಷ್ಠ 20 ವಿಮಾನ ಹೊಂದಿರದ ವಿಮಾನಯಾನ ಕಂಪೆನಿಗಳಿಗೆ ಅಂತಾರಾಷ್ಟ್ರೀಯ ಹಾರಾಟಕ್ಕೆ ಅನುಮತಿಇರುವುದಿಲ್ಲ. ಅಂತರರಾಷ್ಟ್ರೀಯ ಮಾರ್ಗದಲ್ಲಿ ದೇಶಿ  ವಿಮಾನ ಯಾನ ಸಂಸ್ಥೆಗಳ ಸೇವೆ ವಿಸ್ತರಣೆಗೆ ಈ ನಿಯಮ ತೊಡಕಾಗಿ ಪರಿಣಮಿಸಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.