ಒಂದಲ್ಲ, ಎರಡು `ದೇವ ಕಣ'?

7

ಒಂದಲ್ಲ, ಎರಡು `ದೇವ ಕಣ'?

Published:
Updated:

ಲಂಡನ್ (ಪಿಟಿಐ): ಭೂಮಂಡಲದ ಉಗಮಕ್ಕೆ ಕಾರಣ ಎನ್ನಲಾದ ಮಹಾಸ್ಫೋಟ( ಬಿಗ್‌ಬ್ಯಾಂಗ್) ರಹಸ್ಯವನ್ನು ಭೇದಿಸಲು ನಡೆಸಲಾದ ಪ್ರಯೋಗದಲ್ಲಿ ಈ ಮೊದಲು ಒಂದು `ದೇವಕಣ' (ಹಿಗ್ಸ್ ಬೋಸಾನ್)ಪತ್ತೆ ಹಚ್ಚಿದ್ದಾಗಿ ಹೇಳಿದ್ದ ವಿಜ್ಞಾನಿಗಳು  ಈಗ, `ನಾವು ಪತ್ತೆ ಹಚ್ಚಿದ್ದು ಒಂದಲ್ಲ, ಎರಡು ದೇವ ಕಣಗಳನ್ನು' ಎಂದು ಹೇಳಿಕೊಂಡಿದ್ದಾರೆ.



`ಜಿನೀವಾ ಬಳಿ 27 ಕಿ.ಮೀ ಆಳದ ಸುರಂಗ ಪ್ರಯೋಗಾಲಯದಲ್ಲಿ ಕೃತಕವಾಗಿ ಸೃಷ್ಟಿಸಿದ ಮಹಾಸ್ಫೋಟದಲ್ಲಿ 2 ದೇವ ಕಣಗಳು ಬಿಡುಗಡೆಯಾಗಿರುವ ಸಾಧ್ಯತೆ ಇದೆ' ಎಂದು ಯೂರೋಪ್ ಪರಮಾಣು ಸಂಶೋಧನಾ ಸಂಸ್ಥೆ       (ಸಿಇಆರ್‌ಎನ್) ತಿಳಿಸಿದೆ.



`ಮೊದಲು ಪತ್ತೆಯಾಗಿದ್ದ ಒಂದು ನಿರ್ದಿಷ್ಟ ದ್ರವ್ಯರಾಶಿಯ ದೇವ ಕಣದ ಜತೆಯಲ್ಲಿಯೇ ಅದಕ್ಕಿಂತ ಸ್ವಲ್ಪ ಹೆಚ್ಚು ದ್ರವ್ಯರಾಶಿ ಹೊಂದಿದ ಮತ್ತೊಂದು ಅಪರಿಚಿತ ಕಣ ಪತ್ತೆಯಾಗಿತ್ತು.



ಅದು ಮತ್ತೊಂದು `ದೇವ ಕಣ' ಇರಬಹುದು' ಎಂದು ಸಿಇಆರ್‌ಎನ್ ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾಗಿ `ಡೈಲಿ ಮೇಲ್' ವರದಿ ಮಾಡಿದೆ.



ವಿಜ್ಞಾನಿಗಳು ಎರಡು ದೇವಕಣಗಳ ಅಸ್ತಿತ್ವದ ಕುರಿತು ಉದ್ಭವಿಸಿರುವ ಸಂಶಯಗಳನ್ನು ನಿವಾರಿಸುವ ಪ್ರಯತ್ನದಲ್ಲಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry