ಒಬಾಮ ಪ್ರಚಾರ ಕಚೇರಿಗೆ ಗುಂಡು (ಸಂಕ್ಷಿಪ್ತ ಸುದ್ದಿ:)

7

ಒಬಾಮ ಪ್ರಚಾರ ಕಚೇರಿಗೆ ಗುಂಡು (ಸಂಕ್ಷಿಪ್ತ ಸುದ್ದಿ:)

Published:
Updated:

ಒಬಾಮ ಪ್ರಚಾರ ಕಚೇರಿಗೆ ಗುಂಡು



ವಾಷಿಂಗ್ಟನ್ (ಪಿಟಿಐ):  ಅಪರಿಚಿತರು ಹಾರಿಸಿದ ಗುಂಡೊಂದು ಅಮೆರಿಕದ ಕೊಲೆರೆಡೊ ರಾಜ್ಯದ ಡೆನ್ವರ್‌ನಲ್ಲಿರುವ ಅಧ್ಯಕ್ಷ ಒಬಾಮ ಅವರ ಚುನಾವಣಾ ಪ್ರಚಾರ ಕಚೇರಿಯ ಕಿಟಕಿಗೆ ತಗುಲಿದೆ ಎಂದು ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ.



ಈ ಘಟನೆ ಶುಕ್ರವಾರ ಸಂಭವಿಸಿದೆ ಎಂದಿರುವ ಡೆನ್ವರ್ ಪೊಲೀಸರು ಘಟನೆಯಲ್ಲಿ ಯಾರೂ ಗಾಯಗೊಂಡಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಘಟನೆಯ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ. ಕೊಲೆರೆಡೊದಲ್ಲಿ ಒಬಾಮ ಅವರ ಚುನಾವಣಾ ಪ್ರಚಾರಕ್ಕಾಗಿ 30 ಕಚೇರಿಗಳಿವೆ.



ಹೆಲಿಕಾಪ್ಟರ್ ದುರಂತ: 3 ಬಲಿ




ವಾಷಿಂಗ್ಟನ್ (ಐಎಎನ್‌ಎಸ್): ಅಮೆರಿಕದ ಟೆಕ್ಸಾಸ್ ರಾಜ್ಯದ ವಾಯುವ್ಯ ಭಾಗದಲ್ಲಿರುವ ಕೆಂಡಲ್ ಪ್ರಾಂತ್ಯದಲ್ಲಿ ಸಂಭವಿಸಿದ ಹೆಲಿಕಾಪ್ಟರ್ ಅಪಘಾತದಲ್ಲಿ ಮೂವರು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.



ಅಪಘಾತ: ಮೂವರ ಸಾವು




ಮಾಸ್ಕೊ (ಎಪಿ): ಉಕ್ರೇನ್‌ನ ಕಪ್ಪು ಸಮುದ್ರದ ಬಳಿ ಸಂಭವಿಸಿದ ವಿಮಾನ ಅಪಘಾತದಲ್ಲಿ ಮೂರು ಮಂದಿ ನೌಕಾ ಸಿಬ್ಬಂದಿ ಮೃತಪಟ್ಟಿದ್ದಾರೆ ಎಂದು ಶನಿವಾರ ರಷ್ಯಾದ ರಕ್ಷಣಾ ಸಚಿವಾಲಯ ಹೇಳಿದೆ.ರಷ್ಯಾದ ನೌಕಾಪಡೆಗೆ ಸೇರಿದ ಬೆರಿಹೇವ್ ಬಿಇ-12 ದ್ವಿ ಎಂಜಿನ್ ಟರ್ಬೊಪ್ರಾಪ್ ವಿಮಾನ ಉಕ್ರೇನ್‌ನ ಕ್ರಿಮೀನ್ ಪೆನ್ನಿಸ್ಯುಲ ನೆಲೆಯ ಬಳಿ ಅಪಫಾತಕ್ಕೊಳಗಾಗಿದೆ.

 

ವಿಮಾನದಲ್ಲಿದ್ದ ನಾಲ್ವರು ನೌಕಾ ಸಿಬ್ಬಂದಿ ಪೈಕಿ ಮೂವರು ಮೃತಪಟ್ಟಿದ್ದು, ಬದುಕುಳಿದಿರುವವನ ಸ್ಥಿತಿ ಗಂಭೀರವಾಗಿದೆ ಎಂದು ಸಚಿವಾಲಯ ತಿಳಿಸಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry