ಒಳನಾಡಿನ ಜಲಮಾರ್ಗ: ಹೂಡಿಕೆ ಅಗತ್ಯ

7

ಒಳನಾಡಿನ ಜಲಮಾರ್ಗ: ಹೂಡಿಕೆ ಅಗತ್ಯ

Published:
Updated:
ಒಳನಾಡಿನ ಜಲಮಾರ್ಗ: ಹೂಡಿಕೆ ಅಗತ್ಯ

ಮುಂಬೈ (ಪಿಟಿಐ):  ದೇಶದ ಒಳನಾಡಿನ ಜಲಮಾರ್ಗಗಳಲ್ಲಿ ಬಂಡವಾಳ ಹೂಡಿಕೆಗೆ ಉತ್ತೇಜನ ನೀಡುವ ಅಗತ್ಯವಿದೆ ಎಂದು ಹೇಳಿರುವ ಪ್ರಧಾನಿ ಮನಮೋಹನ್ ಸಿಂಗ್, ಅಭಿವೃದ್ಧಿ ಪ್ರಕ್ರಿಯೆ ಸಮಗ್ರವಾಗಿರಲು ಉತ್ತಮ ಸಾರಿಗೆ ಸೌಲಭ್ಯ ನಿರ್ಣಾಯಕವಾದುದು ಎಂದು ಅಭಿಪ್ರಾಯ ಪಟ್ಟಿದ್ದಾರೆ.



`ಈಶಾನ್ಯ ರಾಜ್ಯಗಳಂತಹ ತೀರಾ ಒಳ ಪ್ರದೇಶಗಳಲ್ಲಿರುವ ಜಲಮಾರ್ಗಗಳಲ್ಲಿ ಬಂಡವಾಳ ಹೂಡುವುದಕ್ಕೆ ನಾವು ಉತ್ತೇಜನ ನೀಡಬೇಕಿದೆ~ ಎಂದು ಪ್ರಧಾನಿ ಮನಮೋಹನ್ ಸಿಂಗ್ ಅವರು. ಭಾರತೀಯ ಹಡಗು ನಿಗಮದ ಸ್ವರ್ಣಮಹೋತ್ಸವದ ಸಮಾರೋಪ ಸಮಾರಂಭದಲ್ಲಿ ಶನಿವಾರ ಹೇಳಿದರು.



`ಆರ್ಥಿಕ ಅಭಿವೃದ್ಧಿಯ ವೇಗವನ್ನು ಹೆಚ್ಚಿಸುವುದಕ್ಕೆ ಮಾತ್ರವಲ್ಲದೇ, ನಮ್ಮ ಅಭಿವೃದ್ಧಿ ಪ್ರಕ್ರಿಯೆಗಳು ಹೆಚ್ಚು ಅಂತರ್ಗತವಾಗಿರುವುದಕ್ಕೆ ಸಾರಿಗೆ ಸೌಲಭ್ಯ ಅತ್ಯಂತ ನಿರ್ಣಾಯಕವಾಗಿದೆ~ ಎಂದೂ ಅವರು ಪ್ರತಿಪಾದಿಸಿದರು.



ದೇಶದ ಕರಾವಳಿ ಭಾಗದ ಹಡಗು ಸರಕು ಸಾಗಣೆ ಮತ್ತು ಒಳನಾಡಿನ ಜಲಮಾರ್ಗಗಳ ಕುರಿತು ನಾವು ಗಂಭೀರವಾಗಿ ಚಿಂತನೆ ನಡೆಸಬೇಕು~ ಎಂದ ಅವರು, `ಸರ್ಕಾರಿ ಮತ್ತು ಖಾಸಗಿ ಸಹಭಾಗಿತ್ವದಲ್ಲಿ ಬಂದರು ವಲಯದ ವಿಸ್ತರಣೆಯ ವೇಗವನ್ನು ಇನ್ನಷ್ಟು ತ್ವರಿತಗೊಳಿಸುವ ಅಗತ್ಯವಿದೆ~ ಎಂದೂ ಹೇಳಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry