ಓದಿನಿಂದ ಜ್ಞಾನಾರ್ಜನೆ: ನಟ ಪುನೀತ್ ರಾಜ್‌ಕುಮಾರ್

7

ಓದಿನಿಂದ ಜ್ಞಾನಾರ್ಜನೆ: ನಟ ಪುನೀತ್ ರಾಜ್‌ಕುಮಾರ್

Published:
Updated:

ಬೆಂಗಳೂರು: `ಪುಸ್ತಕ ಓದುವುದು ಒಳ್ಳೆಯ ಹವ್ಯಾಸ. ಇದರಿಂದ ಜ್ಞಾನ ಬೆಳೆಯುತ್ತದೆ' ಎಂದು ನಟ ಪುನೀತ್ ರಾಜ್‌ಕುಮಾರ್ ಅಭಿಪ್ರಾಯಟ್ಟರು.



ಜೈ ಕೋ ಬುಕ್ ಹೌಸ್ ಹಾಗೂ ಸಪ್ನ ಬುಕ್ ಹೌಸ್ ಸಹಯೋಗದೊಂದಿಗೆ ನಗರದಲ್ಲಿ ಶುಕ್ರವಾರ ನಡೆದ ಗೌರಿ ಜಯರಾಂ ಅವರ `ವೈಸ್ ಎನಫ್ ಟು ಬಿ ಫೂಲಿಶ್' ಪುಸ್ತಕವನ್ನು ಬಿಡುಗಡೆ ಮಾಡಿ ಅವರು ಮಾತನಾಡಿದರು.



`ನನಗೆ ಪುಸ್ತಕ ಓದುವ ಅಂತಹ ಹವ್ಯಾಸವೇನೂ ಇಲ್ಲ. ಆದರೆ, ಚೆನ್ನಾಗಿರುವ ಕೆಲವು ಪುಸ್ತಕಗಳನ್ನು ಓದಿದ್ದೇನೆ. ನನ್ನ ಹೆಂಡತಿಗೆ ಪುಸ್ತಕ ಓದುವ ಹವ್ಯಾಸವಿದೆ' ಎಂದು ತಮ್ಮ ಅನಿಸಿಕೆ ಹಂಚಿಕೊಂಡರು.



`ಲೇಖಕಿ ಗೌರಿ ಜಯರಾಂ ಅವರು ಬರೆದಿರುವ ಪುಸ್ತಕ ಕನ್ನಡದಲ್ಲಿಯೂ ಅನುವಾದವಾಗಲಿ. ಕನ್ನಡದ ಓದುಗರಿಗೂ ಈ ಪುಸ್ತಕ ತಲುಪುವಂತಾಗಲಿ' ಎಂದು ಆಶಯ ವ್ಯಕ್ತಪಡಿಸಿದರು.



ಲೇಖಕಿ ಗೌರಿ ಜಯರಾಂ ಅವರು ಕೃತಿಯ ಕುರಿತು ಮಾತನಾಡಿ, `ಕೃತಿಯು ಭಾರತೀಯ ಹುಡುಗಿಯ ಜೀವನವನ್ನು ಆಧರಿಸಿದೆ. ಅವಳು ಬದುಕಿನಲ್ಲಿ ಎದುರಿಸುವ ಸವಾಲುಗಳು, ಅನಿರೀಕ್ಷಿತವಾದ ತಿರುವುಗಳನ್ನು ಸಹಜವೆಂಬಂತೆ ಬಿಂಬಿಸಲಾಗಿದೆ' ಎಂದರು.



`ಸ್ವಾತಂತ್ರ್ಯಕ್ಕಾಗಿ ಅವಳ ಹೋರಾಟ, ಸಾಧನೆಯ ನಡುವಿನ ಅವಳ ತೊಳಲಾಟ, ಅವಳ ಜೀವನದ ಗುರಿ ಸಾಧಿಸಲು ಅವಳು ಪಡುವ ಕಷ್ಟದ ಕುರಿತು ಬರೆಯಲಾಗಿದೆ' ಎಂದು ಹೇಳಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry