ಕದ್ದಾಲಿಕೆ: ರಾ ಮನವಿ ತಿರಸ್ಕರಿಸಿದ ಏರ್‌ಟೆಲ್

7

ಕದ್ದಾಲಿಕೆ: ರಾ ಮನವಿ ತಿರಸ್ಕರಿಸಿದ ಏರ್‌ಟೆಲ್

Published:
Updated:

ನವದೆಹಲಿ (ಪಿಟಿಐ):  ದೂರವಾಣಿ ಕರೆ ಮಾಡಿದವರಿಗೆ ಗೊತ್ತಾಗದಂತೆ ಕಾನೂನುಬದ್ಧವಾಗಿಯೇ  ಆಲಿಸಲು  ಅವಕಾಶ ನೀಡುವಂತೆ ಕೋರಿ ವಿವಿಧ ಭದ್ರತಾ ಸಂಸ್ಥೆಗಳಿಂದ ಸಾಕಷ್ಟು ಬೇಡಿಕೆಗಳು ಬಂದಿರುವ ಹಿನ್ನೆಲೆಯಲ್ಲಿ, ದೇಶದ ಪ್ರಮುಖ ದೂರಸಂಪರ್ಕ ಸೇವಾ ಸಂಸ್ಥೆ ಏರ್‌ಟೆಲ್, ರಾಷ್ಟ್ರದ ಪ್ರಮುಖ ಬಾಹ್ಯ ಬೇಹುಕಾರಿಕಾ ಸಂಸ್ಥೆ `ರಾ~ದ ಮನವಿಯನ್ನು ನಯವಾಗಿಯೇ ತಿರಸ್ಕರಿಸಿದೆ.



ಕೆಲವು ದೂರವಾಣಿ ಕರೆಗಳನ್ನು ನ್ಯಾಯಸಮ್ಮತವಾಗಿ ಆಲಿಸಲು ಅವಕಾಶ ನೀಡುವಂತೆ ಸಂಶೋಧನಾ ಮತ್ತು ವಿಶ್ಲೇಷಣಾ ವಿಭಾಗವು (ಆರ್‌ಎಡಬ್ಲ್ಯು- `ರಾ~) ಭಾರ್ತಿ ಏರ್‌ಟೆಲ್‌ಗೆ ಮನವಿ ಮಾಡಿತ್ತು.



ಆದರೆ, ಇತರ ಭದ್ರತಾ ಸಂಸ್ಥೆಗಳೂ ಇದೇ ರೀತಿಯ ಮನವಿಗಳನ್ನು ಸಲ್ಲಿಸಿರುವ ಹಿನ್ನೆಲೆಯಲ್ಲಿ, ಆದ್ಯತೆಯ ಮೇರೆಗೆ ದೂರವಾಣಿ ಸಂಖ್ಯೆಗಳ ಆಲಿಕೆಗೆ ಅವಕಾಶ ನೀಡಲಾಗುವುದು. ನಿಮ್ಮ ಸರದಿ ಆನಂತರ ಬರಲಿದೆ ಎಂದು ಏರ್‌ಟೆಲ್ `ರಾ~ಗೆ ತಿಳಿಸಿದೆ.



ಏರ್‌ಟೆಲ್ ನೀಡಿರುವ ಪ್ರತಿಕ್ರಿಯೆಯನ್ನು ವಿರೋಧಿಸಿ, ಜಂಟಿ ಕಾರ್ಯದರ್ಶಿ ಶ್ರೇಣಿಯ `ರಾ~ ಅಧಿಕಾರಿ ಅರುಣ್ ಕೆ.ಸಿನ್ಹಾ ಅವರು ದೂರಸಂಪರ್ಕ ಇಲಾಖೆಗೆ ಪತ್ರ  ಬರೆದ್ದ್ದಿದಾರೆ. ದೇಶದ ಭದ್ರತೆ ವಿಷಯದಲ್ಲಿ ಏರ್‌ಟೆಲ್‌ನ ವರ್ತನೆ ಸ್ವೀಕಾರಾರ್ಹವಲ್ಲ ಎಂದು ದೂರಿದ್ದಾರೆ.



ನಿರ್ದಿಷ್ಟ ದೂರವಾಣಿಗಳನ್ನು ಪ್ರತಿಬಂಧಿಸುವ ಸಂಬಂಧ ಇಲಾಖೆಯ ಸೂಚನೆಯನ್ನು ಏರ್‌ಟೆಲ್ ಪಾಲಿಸುತ್ತಿಲ್ಲ ಎಂದು ಪತ್ರದಲ್ಲಿ ದೂರಲಾಗಿದೆ.



`ರಾ~ ಮುಂದಿಟ್ಟಿರುವ ಬೇಡಿಕೆ  ಈಡೇರಿಸುವುದು ಮಾತ್ರವಲ್ಲದೇ, ಬೇಹುಗಾರಿಕಾ ಸಂಸ್ಥೆಗೆ ಪ್ರತಿಕ್ರಿಯೆ ನೀಡಿದ ನಂತರದ ಬೆಳವಣಿಗೆಗಳ ಕುರಿತಂತೆ ವಿವರಣೆ ನೀಡುವಂತೆಯೂಏರ್‌ಟೆಲ್‌ಗೆ ದೂರಸಂಪರ್ಕ ಇಲಾಖೆ ಸೂಚಿಸಿತ್ತು.



ಈ  ಬಗ್ಗೆ ಪ್ರತಿಕ್ರಿಯಿಸಲು ಭಾರ್ತಿ ಏರ್‌ಟೆಲ್ ನಿರಾಕರಿಸಿದೆ. `ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ವಿಷಯಗಳ ಬಗ್ಗೆ ನಾವು ಯಾವುದೇ ಪ್ರತಿಕ್ರಿಯೆ ನೀಡುವುದಿಲ್ಲ~ ಎಂದು ಕಂಪೆನಿಯ ವಕ್ತಾರರೊಬ್ಬರು ಹೇಳಿದ್ದಾರೆ.



ದೇಶದಾದ್ಯಂತ ವಿವಿಧ ರಾಜ್ಯಗಳಲ್ಲಿ ಒಟ್ಟು 9,500 ದೂರವಾಣಿಗಳ ಕರೆಗಳನ್ನು ನ್ಯಾಯಸಮ್ಮತವಾಗಿ ಆಲಿಸಲಾಗಿದೆ. ಇವುಗಳಲ್ಲಿ 4,500 ದೂರವಾಣಿ ಕರೆಗಳನ್ನು ಆಗಸ್ಟ್ ತಿಂಗಳೊಂದರ್ಲ್ಲಲೇ ಆಲಿಸಲಾಗಿತ್ತು.

ಇವುಗಳಲ್ಲಿ  ಕೇವಲ ಹತ್ತು ದೂರವಾಣಿಗಳ ಮೇಲೆ ಮಾತ್ರ `ರಾ~ ನಿಗಾ ವಹಿಸಿದೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry