ಕನಕಗಿರಿ: ದೇಗುಲ ಅಭಿವೃದ್ಧಿಗೆ ಆಗ್ರಹ

6

ಕನಕಗಿರಿ: ದೇಗುಲ ಅಭಿವೃದ್ಧಿಗೆ ಆಗ್ರಹ

Published:
Updated:

ಕನಕಗಿರಿ: ಕನಕಾಚಲಪತಿ ದೇವಸ್ಥಾನ ಈವರೆಗೂ ಅಭಿವೃದ್ಧಿ ಕಂಡಿಲ್ಲ ಎಂದು ಇಲ್ಲಿನ ರಾಜೀವಗಾಂಧಿ ಯುವಶಕ್ತಿ ಸಂಘದ ಅಧ್ಯಕ್ಷ ಆನಂದ ಭತ್ತದ ದೂರಿದರು.



ದೇವಸ್ಥಾನಕ್ಕೆ ಭೇಟಿ ನೀಡಿದ ಸಮಯದಲ್ಲಿ ಅವರು ತಹಶೀಲ್ದಾರ್‌ ಎಂ.ಗಂಗಪ್ಪನವರಿಗೆ ಮನವಿಪತ್ರ ನೀಡಿ ಅವರು ಮಾತನಾಡಿದರು.



ದೇಗುಲದಲ್ಲಿ ಮೂಲಸೌಲಭ್ಯಗಳ ಕೊರತೆ ಇದೆ. ಅಧಿಕಾರಿಗಳು, ಜನಪ್ರತಿನಿಧಿಗಳು ಈ ಕಡೆಗೆ ನಿರ್ಲಕ್ಷ್ಯ ತೋರಿದ್ದಾರೆ ಎಂದರು.

ದೇವಸ್ಥಾನದ ಆದಾಯ ಹೆಚ್ಚಳವಾಗಿದರೂ ಭಕ್ತರಿಗೆ ಸರಿಯಾದ ಸೌಲಭ್ಯಗಳಿಲ್ಲ. ಅಧಿಕಾರಿಗಳು ಕಾಣಿಕೆ ಪೆಟ್ಟಿಗೆ ಹಣವನ್ನು ಬ್ಯಾಂಕ್‌ ಖಾತೆಗೆ ಜಮಾ ಮಾಡಲು ಬರುತ್ತಾರೆ. ಆದರೆ, ಸೌಲಭ್ಯ ಒದಗಿಸಲು ಅಲ್ಲ ಟೀಕಿಸಿದರು.



ದಾಸೋಹ ಭವನ, ಸ್ನಾನಗೃಹ, ಶುದ್ಧ ಕುಡಿಯುವ ನೀರಿನ ಸೌಲಭ್ಯ ಒದಗಿಸಬೇಕು, ಸಿಸಿ ಕ್ಯಾಮೆರಾ ಅಳವಡಿಸಿ, ಕಾವಲುಗಾರರನ್ನು ನೇಮಿಸಬೇಕು ಎಂದು ಆಗ್ರಹಿಸಿದರು.



ಗ್ರಾಮ ಪಂಚಾಯಿತಿ ಸದಸ್ಯ ತಿಪ್ಪಣ್ಣ ಮಡಿವಾಳರ, ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ನಿರ್ದೇಶಕ ರಮೇಶರೆಡ್ಡಿ ಮಾತನಾಡಿದರು.



ಸಂಘದ ಉಪಾಧ್ಯಕ್ಷ ಷಣ್ಮಖ ಕಮಲಾಪುರ, ಮಾಜಿ ಉಪಾಧ್ಯಕ್ಷ ಸಂತೋಷ ಹಾದಿಮನಿ, ಪ್ರಮುಖರಾದ ಗೋಪಿನಾಥ ಭಾಂಡಗೆ, ರವಿ ಬೋಂದಾಡೆ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry