ಶನಿವಾರ, ಮಾರ್ಚ್ 6, 2021
19 °C

ಕಲಿಯೋಣ ಬನ್ನಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕಲಿಯೋಣ ಬನ್ನಿ

ಎಲೆಕ್ಟ್ರಾನಿಕ್ ಗ್ಯಾಜೆಟ್‌ಗಳು ಈ ಕಾಲದ ಮಕ್ಕಳ ಬದುಕಿನ ಅವಿಭಾಜ್ಯ ಅಂಗವಾಗಿಬಿಟ್ಟಿವೆ. ತಂದೆ ಅಥವಾ ತಾಯಿಯ ಮೊಬೈಲ್ ಫೋನ್ ಅಥವಾ ಟ್ಯಾಬ್‌ಗಳು ಹೆಚ್ಚು ಬಳಕೆಯಾಗುವುದು ಮಕ್ಕಳ ಕೈಯಲ್ಲಿ. ಕಂಪ್ಯೂಟರ್ ಆದಿಯಾಗಿ ಮನೆಯಲ್ಲಿರುವ ಎಲ್ಲಾ ಎಲೆಕ್ಟ್ರಾನಿಕ್ ಉಪಕರಣಗಳ ನಿಜ ಮಾಲೀಕತ್ವ ಹೆಚ್ಚಿನ ಸಂದರ್ಭಗಳಲ್ಲಿ ಮಕ್ಕಳದ್ದೇ ಆಗಿರುತ್ತದೆ.



ಈ ಹಿನ್ನೆಲೆಯಲ್ಲಿ ಮಕ್ಕಳ ಬೆಳವಣಿಗೆಗೆ ಇದು ಪೂರಕವೇ ಅಥವಾ ಮಾರಕವೇ ಎಂಬ ಚರ್ಚೆ ಚಾಲನೆಯಲ್ಲಿದೆ. ಇದು ಕೇವಲ ತಂತ್ರಜ್ಞಾನದ ಜೊತೆಗಿನ ಸಂಬಂಧವಷ್ಟೇ ಅಲ್ಲ. ತಂತ್ರಜ್ಞಾನದ ಮೂಲಕ ಮಕ್ಕಳಿಗೆ ಸಿಕ್ಕಿರುವ ಸಾಮಾಜಿಕ ಮಾಧ್ಯಮಗಳಂಥ ಹೊಸ ಸಂಪರ್ಕ ಮಾಧ್ಯಮಗಳ ಕುರಿತೂ ಈ ಚರ್ಚೆ ಮುಂದುವರಿಯುತ್ತಿದೆ. ಸಂಬಂಧಗಳನ್ನು ಮಕ್ಕಳು ಗ್ರಹಿಸುವ ಮತ್ತು ಅವುಗಳನ್ನು ಕಟ್ಟಿಕೊಳ್ಳುವ ಬಗೆ ಹೇಗೆ ಎಂಬುದರ ಕುರಿತು ಹೊಸ ಜ್ಞಾನ ಶಾಖೆಗಳೇ ಸೃಷ್ಟಿಯಾಗಿವೆ.



ಮೇಲು ನೋಟಕ್ಕೆ ಬಹಳ ಸರಳವಾಗಿ ಕಾಣಿಸುವ ಈ ಎಲ್ಲಾ ಬೆಳವಣಿಗೆಗಳನ್ನು ಒಟ್ಟಾಗಿ ಗ್ರಹಿಸಿ ಅರ್ಥ ಮಾಡಿಕೊಳ್ಳುವುದು ಎಲ್ಲರಿಗೂ ಕಷ್ಟ ಎನಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಮಕ್ಕಳನ್ನೂ ತಂತ್ರಜ್ಞಾನವನ್ನೂ ಮತ್ತು ಅದರ ಪರಿಣಾಮವನ್ನು ಗ್ರಹಿಸಿ ಪ್ರತಿಕ್ರಿಯಿಸುವುದಕ್ಕೆ ಅಗತ್ಯವಿರುವ ಕೋರ್ಸ್ ಒಂದನ್ನು ‘ದ ಓಪನ್ ಯೂನಿವರ್ಸಿಟಿ’ ರೂಪಿಸಿದೆ.

ಯಾವುದೇ ಶುಲ್ಕವಿಲ್ಲದ ಈ ಕೋರ್ಸ್ ಹೊಸ ಕಾಲದ ಎಲ್ಲಾ ಪಾಲಕರಿಗೂ ಅಗತ್ಯ. ತಂತ್ರಜ್ಞಾನದ ಪರಿಣಾಮಗಳ ಕುರಿತ ವೈಜ್ಞಾನಿಕ ಅರಿವು ಅವರ ಮಕ್ಕಳ ಬೆಳವಣಿಗೆಯಲ್ಲಿ ಬಹಳ ಮಹತ್ವದ ಪಾತ್ರ ವಹಿಸುತ್ತದೆ. ಈ ಕೋರ್ಸ್ ಫೆಬ್ರುವರಿ ಒಂದರಿಂದ ಆರಂಭವಾಗಲಿದೆ. ಇದಕ್ಕೆ ಸೇರುವುದಕ್ಕಾಗಿ ಈ ಕೊಂಡಿಯನ್ನು ಬಳಸಬಹುದು: https://goo.gl/8DBNT5

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.