ಕಲ್ಲಿದ್ದಲು ಗಣಿಗಾರಿಕೆ

7

ಕಲ್ಲಿದ್ದಲು ಗಣಿಗಾರಿಕೆ

Published:
Updated:

ನವದೆಹಲಿ/ ಹೈದರಾಬಾದ್ (ಪಿಟಿಐ): ಸರ್ಕಾರದ ಗಣಿ ನೀತಿಯು ರಾಷ್ಟ್ರದ ಜೀವವೈವಿಧ್ಯವನ್ನು ನಾಶ ಮಾಡುತ್ತಿದೆ ಎಂದು ಆಪಾದಿಸಿರುವ ಗ್ರೀನ್‌ಪೀಸ್ ಸಂಘಟನೆಯು, ಅರಣ್ಯ ಪ್ರದೇಶದಲ್ಲಿ ಕಲ್ಲಿದ್ದಲು ಗಣಿಗಾರಿಕೆಗೆ ಅನುಮತಿ ನೀಡುವ ಪ್ರಸ್ತಾವವನ್ನು ಪುನರ್ ಪರಿಶೀಲಿಸಬೇಕು ಎಂದು ಸರ್ಕಾರವನ್ನು ಒತ್ತಾಯಿಸಿದೆ.



193 ರಾಷ್ಟ್ರಗಳ ಪ್ರತಿನಿಧಿಗಳ ಪಾಲ್ಗೊಳ್ಳಲಿರುವ ವಿಶ್ವಸಂಸ್ಥೆಯ 11ನೇ ಜೀವವೈವಿಧ್ಯ ಸಮಾವೇಶ ಹೈದರಾಬಾದ್‌ನಲ್ಲಿ ಸೋಮವಾರ ಆರಂಭವಾಗಲಿದ್ದು, ಅದಕ್ಕೆ ಮುನ್ನಾದಿನ ಸಂಘಟನೆಯು ಈ ಧ್ವನಿ ಎತ್ತಿದೆ. ಈ ಮಹತ್ವದ ಸಮಾವೇಶವು ಅ.19ರವರೆಗೆ ನಡೆಯಲಿದೆ.



ಸಮಾವೇಶದ ಸಂದರ್ಭದಲ್ಲಿ ಹೈದರಾಬಾದ್‌ನಲ್ಲಿ ಪ್ರತಿಭಟನೆಗಳನ್ನು ನಡೆಸಿ ಸರ್ಕಾರದ ತಪ್ಪು ನೀತಿಗಳನ್ನು ಬಯಲು ಮಾಡುವುದಾಗಿ ಗ್ರೀನ್‌ಪೀಸ್ ವಕ್ತಾರರು ಇದೇ ಸಂದರ್ಭದಲ್ಲಿ ಸ್ಪಷ್ಟಪಡಿಸಿದ್ದಾರೆ. ಮಧ್ಯ ಭಾರತವೊಂದರಲ್ಲೇ 13 ಕಲ್ಲಿದ್ದಲು ಗಣಿಗಳಿಂದಾಗಿ 11 ಲಕ್ಷ ಹೆಕ್ಟೇರ್‌ಗಳಷ್ಟು ಅರಣ್ಯಕ್ಕೆ ಧಕ್ಕೆಯಾಗಲಿದೆ. ಇದರಿಂದ 14,000 ಆದಿವಾಸಿಗಳು ಮನೆ- ಮಠ ಕಳೆದುಕೊಂಡು ಸಂತ್ರಸ್ತರಾಗಲಿದ್ದಾರೆ  ಎಂದು ಸಂಘಟನೆ ದೂರಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry