ಗುರುವಾರ , ಆಗಸ್ಟ್ 13, 2020
25 °C

ಕವಿತೆ:ಪಾಪ

ಡಾ. ಎಚ್.ಎಸ್. ಅನುಪಮಾ Updated:

ಅಕ್ಷರ ಗಾತ್ರ : | |

ಕವಿತೆ:ಪಾಪ

ಓ ದೇವರೇ,

ಉಸಿರಾಡುವ ರೊಬಾಟುಗಳ

ಸೃಷ್ಟಿಸಬಾರದು

ಸೃಷ್ಟಿಸಿದರೂ

ಅದರ ಪುಟ್ಟ ತಲೆಯೊಳಗೆ

ಮಿದುಳು ಇಡಬಾರದು

ಇಟ್ಟರೂ

ಗರಿಗೆದರುವ ಮನಸ

ಮೊಳೆಸಬಾರದು

ಮೊಳೆತರೂ

ಹೃದಯ ಗೂಡು

ಅನುಕ್ಷಣ ಮಿಡಿಯಬಾರದು

ಮಿಡಿದರೂ

ಸೆಟೆದ ಬೆನ್ನುಹುರಿ

ನೇರ ನಿಲಬಾರದು..

ಕಣ್ಣುಕಿವಿಮೂಗು ಇರಬಾರದು

ಇದ್ದರೂ

ಹೊಳೆವ ಚರ್ಮ ತಗಡಿಗೆ 

ಸ್ಪರ್ಶ ತಿಳಿಯಬಾರದು

ಕೈ ಕಾಲು ಕಿವಿ ಚರ್ಮ

ಮಿದುಳು ಹೃದಯ ಮನಸು

ಬೆನ್ನುಹುರಿ..

ಬೇಕೋ ಬೇಡವೋ ಕೇಳದೇ ಇಟ್ಟೆ 

ಬಾಯಿ ಕೊಟ್ಟು 

ದನಿ ನೀಡಲೇಕೆ ಮರೆತೆ?

ಚಲನೆಯ ಪಾಠ ಹೇಳಿದವ 

ರೆಕ್ಕೆ ಕರುಣಿಸಲೇಕೆ ಮರೆತೆ?

ಓ ದೇವರೇ..

ನಿನ್ನ ಪಾಪ ತೊಳೆಯಲಾಗದು

ಮರೆವಿನ ಗುನ್ನೆಗೆ ಶಿಕ್ಷೆ ಮಾಫಿಯಾಗದು

ಆದರೂ

ಹೊಟ್ಟೆಯೊಳಗೊಂದು ಪುಟ್ಟ ಚೀಲವನಿಟ್ಟು

ಬ್ರಹ್ಮಾಂಡದ ಬೀಜ ಹೆರಲು ಬಿಟ್ಟೆಯಲ್ಲ?!

ನಿನ್ನನ್ನು ಕ್ಷಮಿಸಿದ್ದೇವೆ

ಹೋಗು..

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.