ಕಾಂಪೌಂಡ್ ತೆರವಿಗೆ ಸ್ಥಳೀಯರ ವಿರೋಧ

ತುಮಕೂರು: ಪಾಂಡುರಂಗ ನಗರದ ಕ್ರೈಸ್ತ ಪಾದ್ರಿಗಳಿಗೆ ಸೇರಿದ ಕಾಂಪೌಂಡ್‌ಅನ್ನು ನಗರಸಭೆ ಯಾವುದೇ ನೋಟಿಸ್ ನೀಡದೆ ಏಕಾಏಕಿ ತೆರವುಗೊಳಿಸಿರುವುದನ್ನು ಕ್ರೈಸ್ತ ಸಮುದಾಯವು ತೀವ್ರವಾಗಿ ಖಂಡಿಸಿದೆ.



ನೊಂದ ವಿಧವೆಯರು ಹಾಗೂ ಬಡವರ ಅನುಕೂಲಕ್ಕಾಗಿ ನಿರ್ಮಿಸಿದ್ದ ವಿಶ್ರಾಂತಿ ಗೃಹಗಳ ಕಾಂಪೌಂಡ್ ತೆರವುಗೊಳಿಸಲಾಗಿದೆ. ಸ್ಥಳದಲ್ಲಿ ಹಾಜರಿದ್ದ ಸಹಾಯಕ ಕಾರ್ಯಪಾಲಕ ಎಂಜಿನಿಯರ್ ಪ್ರಕಾಶ್ ಅವರನ್ನು ನಿವಾಸಿಗಳು ತೆರವುಗೊಳಿಸದಂತೆ ಕೇಳಿಕೊಂಡರು ಸಹ ಸ್ಪಂದಿಸಲಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.



ಸುಮಾರು ರೂ. 80 ಸಾವಿರ ನಷ್ಟವಾಗಿದ್ದು, ಕಾಂಪೌಂಡ್ ನಿರ್ಮಾಣಕ್ಕೆ ತಗಲುವ ವೆಚ್ಚವನ್ನು ನಗರಸಭೆ ಭರಿಸಬೇಕೆಂದು ಎಂದು ಒತ್ತಾಯಿಸಿದ್ದಾರೆ.