ಭಾನುವಾರ, ಮೇ 16, 2021
28 °C

ಕಾಕೋಲತ್ ಜಲವೈಭವ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕಾಕೋಲತ್ ಜಲವೈಭವ

ಕಾಕೋಲತ್ ಎಂದು ವಿಚಿತ್ರವಾಗಿ ಧ್ವನಿಸುವ ಈ ಜಲಪಾತದ ಸೊಗಸು ಅನುಪಮವಾದದ್ದು. ಪೌರಾಣಿಕ ಹಿನ್ನೆಲೆಯೂ ಈ ಜಲಪಾತಕ್ಕಿದೆ. ಸಮುದ್ರ ಮಟ್ಟದಿಂದ 160 ಅಡಿ ಎತ್ತರದಲ್ಲಿ ಇರುವ ಈ ಸುಂದರ ಜಲಪಾತ ಬಿಹಾರದ ನಾವಡಾ ಜಿಲ್ಲೆಯಲ್ಲಿದೆ. 150ರಿಂದ 160 ಅಡಿ ಎತ್ತರದಿಂದ ಬೀಳುವ ಈ ನೀರಧಾರೆಯ ಅಂದವನ್ನು ಸುತ್ತಲೂ ಹರಡಿರುವ ಹಸಿರು ಗಿರಿಶೃಂಗಗಳು ಹೆಚ್ಚಿಸಿವೆ.



ನಾವಡಾದಿಂದ 33 ಕಿ.ಮೀ ದೂರ ಇರುವ ಮತ್ತು ಗೋವಿಂದಪುರದ ಬಳಿ ಬರುವ ಕಾಕೋಲತ್ ಬೆಟ್ಟ ಸಾಲಿನಲ್ಲಿ ಈ ಜಲಧಾರೆ ಕಾಣಸಿಗುತ್ತದೆ. ಜಲಪಾತದ ಕೆಳಗೆ ದೊಡ್ಡ ನೈಸರ್ಗಿಕ ಜಲಾಶಯ ನಿರ್ಮಾಣವಾಗಿದೆ. ಮಳೆಗಾಲದಲ್ಲಿ ಧುಮ್ಮಿಕ್ಕಿ ಹರಿಯುವ ಇದು ಪೌರಾಣಿಕವಾಗಿ ಬಹಳ ಮಹತ್ವ ಪಡೆದ ಸ್ಥಳ. ಈ ಸ್ಥಳಪುರಾಣ ಯುಗಯುಗಳಿಗೆ ಹರಡಿಕೊಂಡಿದೆ.



ತೇತ್ರಾಯುಗದಲ್ಲಿ ಶಾಪಗ್ರಸ್ತನಾದ ರಾಜನೊಬ್ಬ ಸರ್ಪದ ರೂಪದಲ್ಲಿ ಕಾಕೋಲತ್‌ನಲ್ಲಿ ನೆಲೆಸಿದ್ದನಂತೆ. ದ್ವಾಪರಯುಗದಲ್ಲಿನ ಪಾಂಡವರು ತಮ್ಮ ವನವಾಸದ ಅವಧಿಯಲ್ಲಿ ಎದುರಾದ ಆ ರಾಜನಿಗೆ ಈ ಕಾಕೋಲತ್ ಜಲಪಾತದಲ್ಲಿ ಸ್ನಾನ ಮಾಡಲು ಹೇಳಿದರು. ನೀರಿನಲ್ಲಿ ಮುಳುಗೆದ್ದ ತಕ್ಷಣ ಅವನ ಶಾಪವಿಮೋಚನೆಯಾಯಿತು. ಇದು ಪುರಾಣದ ಕಥೆ. ಈಗಲೂ ಈ ನೀರಿನಲ್ಲಿ ಮುಳುಗೆದ್ದರೆ ಮುಂದೆಂದೂ ಸರ್ಪದ ಜನ್ಮ ಬರುವುದಿಲ್ಲ ಎಂಬ ನಂಬಿಕೆ ಇದೆ.



ಅಂದಹಾಗೆ, ಬೈಸಾಕಿ ಮತ್ತು ಸಂಕ್ರಾಂತಿ ಹಬ್ಬದ ಸಮಯದಲ್ಲಿ ಇಲ್ಲಿಗೆ ಬರುವ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗುತ್ತದೆ.

    

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.