ಶುಕ್ರವಾರ, ಅಕ್ಟೋಬರ್ 18, 2019
28 °C

ಕಾಮನ್‌ವೆಲ್ತ್ ಕ್ರೀಡಾಕೂಟ ಅವ್ಯವಹಾರ ; ದಂಡನಾ ಕ್ರಮಕ್ಕೆ ಸಿದ್ಧತೆ

Published:
Updated:

ನವದೆಹಲಿ (ಪಿಟಿಐ): ಕಾಮನ್‌ವೆಲ್ತ್  ಕ್ರೀಡಾಕೂಟದ (ಸಿಡಬ್ಲುಜಿ) ಗುತ್ತಿಗೆ ನೀಡಿಕೆಯಲ್ಲಿ ನಡೆದಿದೆ ಎನ್ನಲಾದ ಸುಮಾರು 185 ಕೋಟಿ ರೂಪಾಯಿ ವಿದೇಶಿ ವಿನಿಮಯ ಉಲ್ಲಂಘನೆ ಹಾಗೂ ಅಕ್ರಮ ಹಣ ವರ್ಗಾವಣೆಗೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯವು ದಂಡನಾ ಕ್ರಮಕ್ಕೆ ಮುಂದಾಗಿದೆ.



500 ಕೋಟಿ ರೂಪಾಯಿ ಮೌಲ್ಯದ ಸಿಡಬ್ಲುಜಿ ಗುತ್ತಿಗೆಯಲ್ಲಿ ನಿಮಯ ಉಲ್ಲಂಘನೆ ಮಾಡಿದ ಆರೋಪದ ಮೇಲೆ ನಿರ್ದೇಶನಾಲಯವು, ನೋಟಿಸ್ ನೀಡಲು ಸಜ್ಜಾಗಿದೆ. ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (ಫೆಮಾ) ಉಲ್ಲಂಘನೆ ಮಾಡಿದ್ದಕ್ಕಾಗಿ ಈಗಾಗಲೇ ಸಂಸ್ಥೆಯು ವಿವಿಧ ಗುತ್ತಿಗೆ ಕಂಪೆನಿಗಳು ಹಾಗೂ ಸಂಸ್ಥೆಗಳ ವಿರುದ್ಧ ಆರ್‌ಬಿಐನಿಂದ ಮಾಹಿತಿ ಸಂಗ್ರಹಿಸಿದೆ ಎಂದು ಮೂಲಗಳು ತಿಳಿಸಿವೆ.



ಫೆಮಾ ಉಲ್ಲಂಘನೆ ಆರೋಪದ ಮೇಲೆ ಸಿಂಗಪುರ ಮೂಲದ ಪಿಕೊ ಇವೆಂಟ್ ಮಾರ್ಕೆಟಿಂಗ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ (ಪೆಮಿ) ಹಾಗೂ ಅದರ ಮೂವರು ನಿರ್ದೇಶಕರಿಗೆ ನೋಟಿಸ್ ಜಾರಿ ಮಾಡಲಾಗುತ್ತಿದೆ.

ಆದರೆ ತನಿಖೆಯ ವಸ್ತುಸ್ಥಿತಿ ಬಗ್ಗೆ ಜಾರಿ ನಿರ್ದೇಶನಾಲಯದ ಉಪ ನಿರ್ದೇಶಕ ಹಾಗೂ ಸಿಡಬ್ಲುಜಿ ತನಿಖಾ ಅಧಿಕಾರಿ ರಾಜೇಶ್ವರ್ ಸಿಂಗ್ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದ್ದಾರೆ.



ಈ ಸಂಬಂಧ ಈಗಾಗಲೇ ನಿರ್ದೇಶನಾಲಯವು ದೇಶದ `ವಿದೇಶಿ ವಿನಿಮಯ ಕಾಯ್ದೆ~ ನ್ಯಾಯಮಂಡಳಿಗೆ ದೂರು ದಾಖಲಿಸಿದೆ.

 

Post Comments (+)