ಕೆಂಪು ಬಣ್ಣದಲ್ಲಿ ಮಿಂದೆದ್ದ ಕೋಟೆ ಜನತೆ

ಬಾಗಲಕೋಟೆ: ಸಾಂಪ್ರದಾಯಿಕ ಹೋಳಿ ಹಬ್ಬದ ಎರಡನೇ ದಿನದ ಬಣ್ಣದಾಟ ಜೋರಾಗಿ ನಡೆಯಿತು. ಎಲ್ಲಿ ನೋಡಿದರಲ್ಲಿ ಕೆಂಪು ಬಣ್ಣ ಬಳಿದುಕೊಂಡ ಮುಖಗಳೇ ಎದ್ದು ಕಾಣುತ್ತಿದ್ದವು. ಎರಡನೇ ದಿನದ ಪರಸ್ಪರ ಬಣ್ಣ ಎರಚಾಟ ಮನಮೋಹಕವಾಗಿತ್ತು.



ನಗರಸಭೆ ಸದಸ್ಯ ಮಂಜು ಏಳೆಮ್ಮಿ ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿಯವರ ವೇಷ ಧರಿಸಿ ಗಮನಸೆಳೆದರು. ಬಣ್ಣದಾಟದ ಮೆರವಣಿಗೆಯಲ್ಲಿ ಮೋದಿಯವರ ಧರಿಸುವ ಕನ್ನಡಕ, ಪೇಟಾ, ಪೈಜಾಂ ಹಾಕಿಕೊಂಡ ವೇಷ ಆಕರ್ಷಕವಾಗಿತ್ತು.