ಕೆಲ ಶಿಫಾರಸುಗಳಿಗೆ ಕೆಎಸ್‌ಸಿಎ ವಿರೋಧ

ಬೆಂಗಳೂರು: ‘ಮೂರು ವರ್ಷಗಳ ಅಧಿಕಾರವಧಿ ಮುಗಿದ ಬಳಿಕ ಮತ್ತೆ ಕ್ರಿಕೆಟ್‌ ಆಡಳಿತಕ್ಕೆ ಬರುವಂತಿಲ್ಲ. ನಡುವೆ ಅಂತರ ಇರಬೇಕು’ ಎನ್ನುವ ನಿವೃತ್ತ ನ್ಯಾಯಮೂರ್ತಿ ಲೋಧಾ ನೇತೃತ್ವದ ಸಮಿತಿಯ ಶಿಫಾರಸಿಗೆ ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ (ಕೆಎಸ್‌ಸಿಎ) ವಿರೋಧ ವ್ಯಕ್ತಪಡಿಸಿದೆ.



ಸೋಮವಾರ  ಆಯೋಜಿಸಿದ್ದ ಸಭೆಯಲ್ಲಿ ಈ ಲೋಧಾ ಸಮಿತಿ ವರದಿ ಕುರಿತು ಚರ್ಚೆ ನಡೆಯಿತು.



‘ಲೋಧಾ ಸಮಿತಿ ಮಾಡಿರುವ ಬಹುತೇಕ ಶಿಫಾರಸುಗಳನ್ನು ಅಳವಡಿಸಿ ಕೊಳ್ಳಲು ನಿರ್ಧರಿಸಲಾಗಿದೆ. ಕೆಲ ಶಿಫಾರಸುಗಳಿಗಷ್ಟೇ ವಿರೋಧವಿದೆ’ ಎಂದು  ಕೆಎಸ್‌ಸಿಎ ವಕ್ತಾರ  ವಿನಯ್‌ ಮೃತ್ಯುಂಜಯ ಅವರು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದ್ದಾರೆ.