ಕೈದಿಗಳ ಯೋಗಕ್ಷೇಮ ವಿಚಾರಣೆ

ಕೊಲಂಬೊ (ಪಿಟಿಐ): ಕಳೆದ ಶುಕ್ರವಾರ ವೆಲಿಕಾಡಾ ಜೈಲಿನಲ್ಲಿ ನಡೆದ ಘರ್ಷಣೆಯಲ್ಲಿ 27 ಕೈದಿಗಳು ಸತ್ತು 40 ಜನರಿಗೆ ಗಾಯವಾಗಿರುವ ಹಿನ್ನೆಲೆಯಲ್ಲಿ ಜೈಲಿನಲ್ಲಿರುವ  ಭಾರತೀಯರ ಯೋಗಕ್ಷೇಮ ವಿಚಾರಿಸಲು ಭಾರತದ ಅಧಿಕಾರಿಗಳು ಜೈಲಿಗೆ ಭೇಟಿ ನೀಡಿದ್ದರು.



ವೆಲಿಕಾಡಾ ಜೈಲಿನಲ್ಲಿ ಶಿಕ್ಷೆಗೆ ಒಳಗಾದ 33 ಮಂದಿ ಮತ್ತು ವಿಚಾರಣೆ ಎದುರಿಸುತ್ತಿರುವ ಐದು ಮಂದಿ  ಭಾರತೀಯರು ಇದ್ದಾರೆ. ಅವರ ಯೋಗಕ್ಷೇಮವನ್ನು ನಮ್ಮ ಅಧಿಕಾರಿಗಳು ವಿಚಾರಿಸಿಕೊಂಡು ಬಂದಿದ್ದಾರೆ ಎಂದು ಶ್ರೀಲಂಕಾದಲ್ಲಿಯ ಭಾರತದ ರಾಯಭಾರ ಕಚೇರಿಯ ಮೂಲಗಳು ತಿಳಿಸಿವೆ.