ಮಂಗಳವಾರ, ಮಾರ್ಚ್ 9, 2021
23 °C

ಕೊಡಗು-ದ.ಕ: ರಕ್ಷಿತಾರಣ್ಯದಲ್ಲಿ ನಕ್ಸಲರು ಪತ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೊಡಗು-ದ.ಕ: ರಕ್ಷಿತಾರಣ್ಯದಲ್ಲಿ ನಕ್ಸಲರು ಪತ್ತೆ

ಸುಬ್ರಹ್ಮಣ್ಯ: ದಕ್ಷಿಣ ಕನ್ನಡ ಮತ್ತು ಕೊಡಗು ಜಿಲ್ಲೆಗಳ ಗಡಿಭಾಗವಾದ ಸುಳ್ಯ ತಾಲ್ಲೂಕಿನ ಕಿರಿಭಾಗ ಮತ್ತು ಕಡಮಕಲ್ಲು ರಕ್ಷಿತಾರಣ್ಯದ ಸುಟ್ಟತ್ ಮಲೆಯ ಹರಳು ಕಲ್ಲು ದಂಧೆ ನಡೆಯುತ್ತಿದ್ದ ಸ್ಥಳದ ಸಮೀಪ ಮಡಿಕೇರಿ ಅರಣ್ಯ ವ್ಯಾಪ್ತಿಗೆ ಸೇರಿದ ಮೀಸಲು ಅರಣ್ಯದಲ್ಲಿ ಶುಕ್ರವಾರ ಹಗಲು ಗಸ್ತಿನಲ್ಲಿದ್ದ ಸುಳ್ಯ-, ಸುಬ್ರಹ್ಮಣ್ಯ ವಲಯದ ಅರಣ್ಯ ಸಿಬ್ಬಂದಿಗೆ ಆರು ಶಂಕಿತ ನಕ್ಸಲರು ಕಂಡುಬಂದಿದ್ದಾರೆ.



ಬಂದೂಕು ಹಿಡಿದುಕೊಂಡಿದ್ದ ಇವರು ನಕ್ಸಲ್ ತಂಡದ ಸದಸ್ಯರು ಎಂದು ಅರಣ್ಯ ಸಿಬ್ಬಂದಿ ಗುರುತಿಸಿದ್ದಾರೆ. ತಂಡದಲ್ಲಿದ್ದ ಆರು ಮಂದಿಯಲ್ಲಿ ಇಬ್ಬರು ಮಹಿಳೆಯರು ಇದ್ದರು ಎಂದು ಅವರು ಹೇಳಿದ್ದಾರೆ.



ಈ ಮಧ್ಯೆ, ಅವರು ನಕ್ಸಲೀಯರೇ ಅಥವಾ ನಕ್ಸಲೀಯರ ಮುಖವಾಡ ಧರಿಸಿ ಹರಳು ಕಲ್ಲು ದಂಧೆಗೆ ತೊಡಗಿದ ತಂಡದವರೇ ಎಂಬ ಸ್ಪಷ್ಟ ಮಾಹಿತಿ ಲಭಿಸಿಲ್ಲ. ಅರಣ್ಯ ಸಿಬ್ಬಂದಿ ಪ್ರಕಾರ ಇದು ನಕ್ಸಲ್ ತಂಡವೇ ಆಗಿರುವ ಸಾಧ್ಯತೆ ಹೆಚ್ಚಿದೆ.



ಶೋಧ ಕಾರ್ಯಾಚರಣೆ

ಶಂಕಿತ ನಕ್ಸಲರ ಸುಳಿವಿನ ಹಿನ್ನೆಲೆಯಲ್ಲಿ ಈ ಭಾಗದಲ್ಲಿ ನಕ್ಸಲ್‌ ನಿಗ್ರಹ ಪಡೆಯ (ಎಎನ್‌ಎಫ್‌) ಸಿಬ್ಬಂದಿ ಶನಿವಾರದಿಂದ ಶೋಧ ಕಾರ್ಯಾಚರಣೆ ಚುರುಕುಗೊ­ಳಿಸಿದ್ದಾರೆ. ಮತ್ತೆ ಈ ಭಾಗದಲ್ಲಿ ನಕ್ಸಲ್ ಚಟುವಟಿಕೆ ಹೆಜ್ಜೆಗಳು ಕಾಣಿಸಿಕೊಂಡಿರುವುದರಿಂದ ಸ್ಥಳೀಯರು ಆತಂಕಗೊಂಡಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.