ಕೊಳಚೆ ನಿವಾಸಿಗಳ ನಿರ್ಲಕ್ಷ್ಯ: ಆರೋಪ

ಗದಗ:  ಸ್ಲಂ ಜನಾಂಗವನ್ನು ಸರ್ಕಾರ ನಿರ್ಲಕ್ಷಿಸುತ್ತಿದೆ. ಜನಾಂಗಕ್ಕೆ ಸರ್ಕಾರದ ಯಾವುದೇ ಯೋಜನೆಗಳು ಸರಿಯಾಗಿ ತಲುಪುತ್ತಿಲ್ಲ ಎಂದು ಕೊಳಚೆ ನಿವಾಸಿ ಗಳ ಹಿತರಕ್ಷಣಾ ಸಮಿತಿ ಉಪಾಧ್ಯಕ್ಷ ಅಶೋಕ ಕುಡತಿನ್ನಿ ವಿಷಾದಿಸಿದರು.



ಸ್ಥಳೀಯ ಸ್ಲಂ ಜನಾಂದೋಲನ, ಸ್ಲಂ ಯುವ ಸಮಿತಿ ಹಾಗೂ ಜಿಲ್ಲಾ ಕೊಳಚೆ ನಿವಾಸಿಗಳ ಸಂಯುಕ್ತ ಆಶ್ರಯದಲ್ಲಿ ಇತ್ತೀಚೆಗೆ ಏರ್ಪಡಿಸಿದ್ದ ಸ್ಲಂ ಮಕ್ಕಳ ದಸರಾ ಕ್ರೀಡಾಕೂಟದ ಸಮಾರೋಪ ಸಮಾರಂಭದಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.



ಸ್ಲಂ ಮಕ್ಕಳು ಶಿಕ್ಷಣದಿಂದ ವಂಚಿತ ರಾಗುತ್ತಿದ್ದಾರೆ. ಪ್ರತಿಯೊಬ್ಬ ಸ್ಲಂ ಮಗುವಿಗೂ ಉತ್ತಮ ಗುಣ ಮಟ್ಟದ ಶಿಕ್ಷಣ ದೊರೆ ಯುವಂತಾಗ ಬೇಕು. ಮಕ್ಕಳಲ್ಲಿರುವ ಪ್ರತಿಭೆಯನ್ನು ಗುರುತಿಸಿ ಅವರಿಗೆ ಕ್ರೀಡಾಕೂಟ ಏರ್ಪಡಿಸುವ ಮೂಲಕ ಪ್ರತಿಭೆಯನ್ನು ರಾಜ್ಯ, ರಾಷ್ಟ್ರಮಟ್ಟಕ್ಕೆ ಪರಿಚಯಿಸುವ ಕೆಲಸವಾಗಬೇಕು ಎಂದರು.



ಸ್ಲಂ ಮಹಿಳಾ ಘಟಕದ ಅಧ್ಯಕ್ಷೆ ಉಮಾದೇವಿ ಕಾತರಕಿ ಮಾತನಾಡಿ, ಪ್ರತಿಯೊಬ್ಬ ವಿದ್ಯಾರ್ಥಿಯು ಕ್ರೀಡೆಯಲ್ಲಿ ಭಾಗವಹಿಸಿ ಪ್ರತಿಭೆ ತೋರಿಸಬೇಕು. ಸ್ಲಂ ಜನರು ಒಗ್ಗಟ್ಟಾಗಿ ಸರ್ಕಾರದ ಯೋಜನೆಗಳನ್ನು ಪಡೆದು, ಸದುಪಯೋಗ ಪಡಿಸಿಕೊಳ್ಳಬೇಕು ಎಂದರು.



ಮಂಜುನಾಥ ಮುಳಗುಂದ ಮಾತನಾಡಿದರು. ತಿಪ್ಪವ್ವ ಮುಟಗಾರ, ರವಿ ಬೆಳಮಕರ, ದೇವಪ್ಪ ಭರಮಣ್ಣ ವರ, ಯಲ್ಲಪ್ಪ ರಾಮಗಿರಿ, ರಾಮು ಬಳ್ಳಾರಿ, ಅಬ್ಬು ಮಕಾನದಾರ, ನಾಗರಾಜ ಬಣಕಾರ, ಮೃತ್ಯುಂಜಯ ದೊಡ್ಡಮನಿ, ಇಮ್ತಿಯಾಜ್ ಮಾನ್ವಿ ಹಾಜರಿದ್ದರು. ಸಂತೋಷ ಬಣಕಾರ ಸ್ವಾಗತಿಸಿ ದರು. ಸ್ಲಂ ಯುವ ಸಮಿತಿ ಅಧ್ಯಕ್ಷ ಶರೀಫ್ ಬಿಳೆಯಲಿ ನಿರೂಪಿಸಿದರು.