ಮಂಗಳವಾರ, ಮೇ 24, 2022
26 °C

ಕ್ಯಾನ್ಸರ್ ಪತ್ತೆಗೆ ಸಕ್ಕರೆ ಆಸರೆ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲಂಡನ್ (ಪಿಟಿಐ): ಮಾರಣಾಂತಿಕ ಕ್ಯಾನ್ಸರ್ ಗಡ್ಡೆಯನ್ನು ಸಕ್ಕರೆ ಸಹಾಯದಿಂದ ಎಂ.ಆರ್.ಐ ಸ್ಕ್ಯಾನ್ ಮೂಲಕ ಸುಲಭವಾಗಿ ಪತ್ತೆ ಹಚ್ಚಬಹುದಾದ ನೂತನ ವಿಧಾನವೊಂದನ್ನು ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ.



ಯೂನಿವರ್ಸಿಟಿ ಕಾಲೇಜ್ ಲಂಡನ್‌ನ (ಯುಸಿಎಲ್) ವಿಜ್ಞಾನಿಗಳು ಈ ವಿಧಾನ ಪತ್ತೆಹಚ್ಚಿದ್ದಾರೆ. `ಗ್ಲೂಕೋಸ್ ಕೆಮಿಕಲ್ ಎಕ್ಸ್‌ಚೇಂಜ್ ಸ್ಯಾಚುರೇಷನ್ ಟ್ರಾನ್ಸ್‌ಫರ್' (ಗ್ಲೂಕೊ- ಸಿಇಎಸ್‌ಟಿ) ಹೆಸರಿನ ಈ ನೂತನ ವಿಧಾನವು ಅತ್ಯಂತ ಸರಳ ಮತ್ತು ಸುರಕ್ಷಿತ ಎಂದು ತಜ್ಞರು ಹೇಳಿಕೊಂಡಿದ್ದಾರೆ.



ಉನ್ನತ ಮಟ್ಟದ ವಿಕಿರಣಶೀಲ ಪರೀಕ್ಷೆಗಳಿಗೆ ಪರ್ಯಾಯವಾಗಿರುವ ಈ ವಿಧಾನವು, ಎಂ.ಆರ್.ಐ ಸ್ಕ್ಯಾನರ್‌ನ್ನು ಸೂಕ್ಷ್ಮಗ್ರಾಹಿಗೊಳಿಸುವ ಮೂಲಕ ಕ್ಯಾನ್ಸರ್ ಗಡ್ಡೆಯ ಚಿತ್ರಗಳನ್ನು ಪ್ರಕಾಶಮಾನವಾಗಿ ಕಾಣುವಂತೆ ಮಾಡುತ್ತದೆ. ಅಲ್ಲದೇ, ಕ್ಯಾನ್ಸರ್‌ನ ವಿವರಗಳನ್ನು ಅತ್ಯುತ್ತಮವಾಗಿ ಒದಗಿಸಬಲ್ಲದು ಎಂದು ಸಂಶೋಧಕರು ತಿಳಿಸಿದ್ದಾರೆ.



ಅತ್ಯಂತ ಸರಳವಾದ ಈ ವಿಧಾನವು ಬಡ ರೋಗಿಗಳು ಭವಿಷ್ಯದಲ್ಲಿ ಕ್ಯಾನ್ಸರ್ ಪರೀಕ್ಷೆಗಾಗಿ ಅತ್ಯಂತ ದುಬಾರಿ ಆಸ್ಪತ್ರೆಗಳಿಗೆ ತೆರಳುವ ಅನಿವಾರ್ಯತೆ ತಪ್ಪಿಸಿ, ಸ್ಥಳೀಯ ಆಸ್ಪತ್ರೆಯಲ್ಲೇ ಪರೀಕ್ಷೆ ಮಾಡಿಸಿಕೊಳ್ಳವ ಸಾಧ್ಯತೆ ಹೆಚ್ಚಿಸಿದೆ ಎಂದು ಹೇಳಲಾಗಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.