ಗುರುವಾರ , ಮೇ 26, 2022
31 °C

ಕ್ಯೂಬಾ: ಸಮಸ್ಯೆಗಳ ನಡುವೆಯೂ ಲವಲವಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ‘ಸಮಾಜವಾದಿ ವ್ಯವಸ್ಥೆ ಹೊಂದಿರುವ ಕ್ಯೂಬಾ ದೇಶದಲ್ಲಿ ಬಡತನ ಇದೆ, ಅನೇಕ ಸಮಸ್ಯೆಗಳಿವೆ, ಕೆಲವೆಡೆ ತಾರತಮ್ಯವೂ ಇದೆ. ಆದರೆ ಅಲ್ಲಿನ ಜನ ಬಹಳ ಲವಲವಿಕೆಯಿಂದಿದ್ದಾರೆ. ಹಾಡುತ್ತ, ಕುಣಿಯುತ್ತ ಬದುಕನ್ನು ಅನುಭವಿಸುತ್ತಿದ್ದಾರೆ.’



ಶಿಕ್ಷಣ ತಜ್ಞ ಡಾ.ಜಿ. ರಾಮಕೃಷ್ಣ ಅವರು ಕ್ಯೂಬಾ ದೇಶದ ಇಂದಿನ ಪರಿಸ್ಥಿತಿಯನ್ನು ತಮ್ಮ ಮಾತುಗಳಲ್ಲಿ ಹಿಡಿದಿಟ್ಟ ಪರಿ ಇದು. ಭಾರತ ಕಮ್ಯುನಿಸ್ಟ್ ಪಕ್ಷ ಬೆಂಗಳೂರಿನಲ್ಲಿ ಶನಿವಾರ ಆಯೋಜಿಸಿದ್ದ ‘ದಕ್ಷಿಣ ಅಮೆರಿಕ ಮತ್ತು ಕ್ಯೂಬಾ ದೇಶಗಳಲ್ಲಿನ ರಾಜಕೀಯ, ಆರ್ಥಿಕ, ಸಾಮಾಜಿಕ ಸ್ಥಿತಿಗತಿಗಳ ಕುರಿತು ಸಂವಾದ’ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು ತಮ್ಮ ಕ್ಯೂಬಾ ಪ್ರವಾಸದ ಅನುಭವಗಳನ್ನು ಹಂಚಿಕೊಂಡರು.



ಅಲ್ಲಿನ ಸಮಾಜದಲ್ಲಿ ಕಷ್ಟ ಇರಬಹುದು, ಆದರೆ ಕಾನೂನು ಪಾಲನೆ, ಊರು-ನಗರಗಳನ್ನು ಅಚ್ಚುಕಟ್ಟಾಗಿಡುವ ವಿಷಯದಲ್ಲಿ ಅವರು ಮುಂದಿದ್ದಾರೆ. ಅಲ್ಲಿನ ಆರೋಗ್ಯ ವ್ಯವಸ್ಥೆ ಪ್ರಪಂಚದಲ್ಲಿಯೇ ಅತ್ಯುತ್ತಮವಾದುದು. ಇದನ್ನು ವಿಶ್ವಸಂಸ್ಥೆ ಕೂಡಾ ಒಪ್ಪಿಕೊಂಡಿದೆ. ಸುಮಾರು 40-50 ದೇಶಗಳಿಂದ ವೈದ್ಯಕೀಯ ವಿಜ್ಞಾನ ಓದಲು ವಿದ್ಯಾರ್ಥಿಗಳು ಕ್ಯೂಬಾಕ್ಕೆ ಬರುತ್ತಾರೆ ಎಂದರು.



‘ಹೊಸತು’ ಮಾಸಪತ್ರಿಕೆಯ ಕೆ.ಎಸ್. ಪಾರ್ಥಸಾರಥಿ ಮಾತನಾಡಿ, ‘ಕ್ಯೂಬಾ ದೇಶ ಅಮೆರಿಕದ ದಬ್ಬಾಳಿಕೆಯ ವಿರುದ್ಧದ ಹೋರಾಟಕ್ಕೆ ಸ್ಫೂರ್ತಿಯಾಗಿದೆ’ ಎಂದರು. ಸಿಪಿಐನ ರಾಜ್ಯ ಕಾರ್ಯದರ್ಶಿ ಸಿದ್ದನಗೌಡ ಪಾಟೀಲ್ ಮತ್ತಿತರಿದ್ದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.