ಬುಧವಾರ, ಜನವರಿ 29, 2020
27 °C

ಕ್ರಿಕೆಟ್: ಇಂಗ್ಲೆಂಡ್ ತಂಡದ ಮೇಲುಗೈ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅಬುಧಾಬಿ: ಎಡಗೈ ಸ್ಪಿನ್ನರ್ ಮಾಂಟಿ ಪನೇಸರ್ (44ಕ್ಕೆ3) ಅವರ ಪ್ರಭಾವಿ ಬೌಲಿಂಗ್ ನೆರವಿನಿಂದ ಇಂಗ್ಲೆಂಡ್ ತಂಡದವರು ಇಲ್ಲಿ ನಡೆಯುತ್ತಿರುವ ಪಾಕಿಸ್ತಾನ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ ಮೇಲುಗೈ ಸಾಧಿಸಿದ್ದಾರೆ.



ಶೇಕ್ ಜಾಯೇದ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಈ ಪಂದ್ಯದ ಮೂರನೇ ದಿನದಾಟದ ಅಂತ್ಯಕ್ಕೆ ಪಾಕ್ ತಂಡದವರು ತಮ್ಮ ಎರಡನೇ ಇನಿಂಗ್ಸ್‌ನಲ್ಲಿ 61 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 125 ರನ್ ಗಳಿಸಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ.



54 ರನ್‌ಗಳಿಗೆ 4 ವಿಕೆಟ್ ಕಳೆದುಕೊಂಡ ಈ ತಂಡಕ್ಕೆ ಅಜರ್ ಅಲಿ (ಬ್ಯಾಟಿಂಗ್ 46) ಹಾಗೂ ಅಸಾದ್ ಶಫೀಕ್ (ಬ್ಯಾಟಿಂಗ್ 35) ಆಸರೆಯಾಗಿದ್ದಾರೆ.



ಇದಕ್ಕೂ ಮೊದಲು ಇಂಗ್ಲೆಂಡ್ 70 ರನ್‌ಗಳ ಮುನ್ನಡೆ ಪಡೆಯಿತು. ಈ ತಂಡದವರು ತಮ್ಮ ಮೊದಲ ಇನಿಂಗ್ಸ್‌ನಲ್ಲಿ 112 ಓವರ್‌ಗಳಲ್ಲಿ 327 ರನ್ ಗಳಿಸಿದರು. ಸ್ಟುವರ್ಟ್ ಬ್ರಾಡ್ (ಔಟಾಗದೆ 58; 62 ಎಸೆತ, 6 ಬೌಂಡರಿ, 1 ಸಿಕ್ಸ್) ಈ ಮುನ್ನಡೆಗೆ ಕಾರಣರಾದರು. 



ಸಂಕ್ಷಿಪ್ತ ಸ್ಕೋರ್: ಪಾಕಿಸ್ತಾನ ಮೊದಲ ಇನಿಂಗ್ಸ್: 96.4 ಓವರ್‌ಗಳಲ್ಲಿ 257 ಹಾಗೂ 61 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 125 (ಅಜರ್ ಅಲಿ ಬ್ಯಾಟಿಂಗ್ 46, ಅಸಾದ್ ಶಫೀಕ್ ಬ್ಯಾಟಿಂಗ್ 35; ಮಾಂಟಿ ಪನೇಸರ್ 44ಕ್ಕೆ3); ಇಂಗ್ಲೆಂಡ್ ಮೊದಲ ಇನಿಂಗ್ಸ್: 112 ಓವರ್‌ಗಳಲ್ಲಿ 327 (ಸ್ಟುವರ್ಟ್ ಬ್ರಾಡ್ ಔಟಾಗದೆ 58; ಮೊಹಮ್ಮದ್ ಹಫೀಜ್ 54ಕ್ಕೆ3, ಸಯೀದ್ ಅಜ್ಮಲ್ 108ಕ್ಕೆ4, ಅಬ್ದುರ್ ರೆಹಮಾನ್ 67ಕ್ಕೆ2). 

 

ಪ್ರತಿಕ್ರಿಯಿಸಿ (+)