ಕ್ರಿಕೆಟ್: ರೋಹನ್ ಗಾವಸ್ಕರ್ ನಿವೃತ್ತಿ

7

ಕ್ರಿಕೆಟ್: ರೋಹನ್ ಗಾವಸ್ಕರ್ ನಿವೃತ್ತಿ

Published:
Updated:

ಕೋಲ್ಕತ್ತ (ಪಿಟಿಐ): ಭಾರತ ತಂಡದ ಮಾಜಿ ಆಟಗಾರ ರೋಹನ್ ಗಾವಸ್ಕರ್ ಸ್ಪರ್ಧಾತ್ಮಕ ಕ್ರಿಕೆಟ್‌ನಿಂದ ನಿವೃತ್ತಿಯಾದರು. ಕೊನೆಯ ಪ್ರಥಮ ದರ್ಜೆ ಪಂದ್ಯವನ್ನಾಡಿದ ಎರಡು ವರ್ಷಗಳ ಬಳಿಕ ಅವರು ಈ ನಿರ್ಧಾರ ಕೈಗೊಂಡಿದ್ದಾರೆ.



ಸುನಿಲ್ ಗಾವಸ್ಕರ್ ಪುತ್ರ ರೋಹನ್ 2004ರ ಜನವರಿ ಮತ್ತು ಸೆಪ್ಟೆಂಬರ್ ಅವಧಿಯಲ್ಲಿ 11 ಏಕದಿನ ಪಂದ್ಯಗಳನ್ನಾಡಿದ್ದರು. ಒಂದು ಅರ್ಧಶತಕದ ನೆರವಿನಿಂದ 18.87 ಸರಾಸರಿಯಲ್ಲಿ 151 ರನ್ ಕಲೆಹಾಕಿದ್ದರು. ಅವರು 2001 ಮತ್ತು 2002ರ ಅವಧಿಯಲ್ಲಿ ಬಂಗಾಳ ರಣಜಿ ತಂಡದ ನಾಯಕರಾಗಿದ್ದರು. ಕ್ರಿಕೆಟ್‌ನಿಂದ ನಿವೃತ್ತಿಯಾಗುವ ತಮ್ಮ    ನಿರ್ಧಾರವನ್ನು ಮಂಗಳವಾರ ಬಿಸಿಸಿಐ ಅಧ್ಯಕ್ಷ ಎನ್. ಶ್ರೀನಿವಾಸನ್‌ಗೆ ತಿಳಿಸಿದ್ದಾರೆ.



ಒಟ್ಟು 117 ಪ್ರಥಮ ದರ್ಜೆ ಪಂದ್ಯಗಳನ್ನಾಡಿರುವ ರೋಹನ್ 44.19ರ ಸರಾಸರಿಯಲ್ಲಿ 6938 ರನ್ ಪೇರಿಸಿದ್ದಾರೆ. 18 ಶತಕ ಹಾಗೂ 34 ಅರ್ಧಶತಕಗಳು ಇದರಲ್ಲಿ ಒಳಗೊಂಡಿವೆ. 212 ರನ್ ಅವರ ಗರಿಷ್ಠ ಮೊತ್ತ. 2009ರ ಡಿಸೆಂಬರ್‌ನಲ್ಲಿ ಉತ್ತರ ಪ್ರದೇಶ ವಿರುದ್ಧದ ರಣಜಿ ಟ್ರೋಫಿ ಸೂಪರ್ ಲೀಗ್ ಪಂದ್ಯ ಅವರ ಕೊನೆಯ ಪ್ರಥಮ ದರ್ಜೆ ಪಂದ್ಯವಾಗಿತ್ತು. ರೋಹನ್ ಐಪಿಎಲ್‌ನಲ್ಲಿ ಕೋಲ್ಕತ್ತ ನೈಟ್ ರೈಡರ್ಸ್ ತಂಡವನ್ನು ಪ್ರತಿನಿಧಿಸಿದ್ದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry