ಕ್ಲೌಡ್ ತಂತ್ರಜ್ಞಾನಕ್ಕೆ ಸುರಕ್ಷತೆ ಭೀತಿ

7

ಕ್ಲೌಡ್ ತಂತ್ರಜ್ಞಾನಕ್ಕೆ ಸುರಕ್ಷತೆ ಭೀತಿ

Published:
Updated:

ಸಾಮಾನ್ಯ ಗಣಕಯಂತ್ರದಲ್ಲಿ ಪಡೆಯಬಹುದಾದ ಎಲ್ಲ ಸೌಲಭ್ಯಗಳನ್ನು ವೆಬ್ ಬ್ರೌಸರ್ ಮೂಲಕ `ಬಾಡಿಗೆ~ ರೂಪದಲ್ಲಿ ಎಲ್ಲಿ ಬೇಕೆಂದರಲ್ಲಿ ಪಡೆಯಬಹುದಾದ `ಕ್ಲೌಡ್ ಕಂಪ್ಯೂಟಿಂಗ್~ ತಂತ್ರಜ್ಞಾನ ಅಂದುಕೊಂಡಷ್ಟು ಜನಪ್ರಿಯತೆ  ಗಳಿಸಿಲ್ಲ  ಎಂಬುದು `ವಿಪ್ರೊ~ ಮತ್ತು `ಟಿಎಲ್‌ಜಿ~ ಕಂಪೆನಿ ನಡೆಸಿದ ಸಮೀಕ್ಷೆಯಿಂದ ಸ್ಪಷ್ಟ.



`ಕ್ಲೌಡ್~ ತಂತ್ರಜ್ಞಾನ ನಿರ್ವಹಣೆ ದುಬಾರಿ ಮತ್ತು ಸುರಕ್ಷತೆ ಕುರಿತು ಅತಿಸಣ್ಣ, ಸಣ್ಣ ಮತ್ತು ಮಧ್ಯಮ ಪ್ರಮಾಣದ ಉದ್ಯಮ ಸಂಸ್ಥೆಗಳಿಗೆ (ಎಂಎಸ್‌ಎಂಇ) ಇನ್ನೂ ಅನುಮಾನ ಇರುವುದಿಂದ ಮಾರುಕಟ್ಟೆ ವಿಸ್ತರಣೆಗೆ ಹಿನ್ನಡೆ ಆಗಿದೆ.

 

ಮಾಹಿತಿ ತಂತ್ರಜ್ಞಾನ ಮೂಲಸೌಕರ್ಯ ಅಗತ್ಯವಿಲ್ಲದ ಈ ತಂತ್ರಜ್ಞಾನ ಇಡೀ ಉದ್ಯಮವನ್ನೇ ಬದಲಿಸಲಿದೆ ಎಂದು ಆರಂಭದಲ್ಲಿ ವಿಶ್ಲೇಷಿಸಲಾಗಿತ್ತು. ಆದರೆ, `ಕ್ಲೌಡ್~ ಬಗ್ಗೆ ಉದ್ಯಮ ಮತ್ತು ಸೇವಾ ವಲಯ ಅಷ್ಟೊಂದು ಆಸಕ್ತಿ ವ್ಯಕ್ತಪಡಿಸಿಲ್ಲ. 



 ಸಮೀಕ್ಷೆಗೆ ಒಳಪಟ್ಟ 100 ಕಂಪೆನಿಗಳಲ್ಲಿ ಶೇ 43ರಷ್ಟು ಕಂಪೆನಿಗಳು `ಕ್ಲೌಡ್~ ತುಂಬಾ ದುಬಾರಿ. ಈ ಸೌಲಭ್ಯಕ್ಕಾಗಿ ಹೂಡಿಕೆ ಮಾಡುವ ಮೊದಲು ಇನ್ನಷ್ಟು ಯೋಚಿಸುವ ಅಗತ್ಯ ಇದೆ ಎಂದಿವೆ.



ಕ್ಲೌಡ್ ತಂತ್ರಜ್ಞಾನ ನಿರ್ವಹಣೆಗೆ ಸಂಬಂಧಿಸಿದ ಲೋಪಗಳಿಂದ ಮಾರುಕಟ್ಟೆ ಪಾಲನ್ನು ಕಳೆದುಕೊಳ್ಳುವ ಭೀತಿ ಇದೆ ಎಂದು ಶೇ 40ರಷ್ಟು `ಎಂಎಸ್‌ಎಂಇ~ಗಳು ಹೇಳಿವೆ. ಶೇ 50ರಷ್ಟು ಕಂಪೆನಿಗಳು `ಸುರಕ್ಷತೆ~ ಬಗ್ಗೆ ಆತಂಕ ವ್ಯಕ್ತಪಡಿಸಿವೆ.



ಆದರೆ, ಮಾಹಿತಿ ತಂತ್ರಜ್ಞಾನ, ಮೂಲಸೌಕರ್ಯ  ಸೇರಿದಂತೆ ಹಲವು ವಲಯದ ಬೃಹತ್ ಕಂಪೆನಿಗಳು `ಕ್ಲೌಡ್~ ಸೇವೆ ವಿಸ್ತರಿಸಲು ಮುಂದೆ ಬಂದಿವೆ ಎಂದು `ವಿಪ್ರೊ~ ಸಂಸ್ಥೆಯ ತಾಂತ್ರಿಕ ಮುಖ್ಯಸ್ಥ ಅನುರಾಗ್ ಶ್ರೀವಾಸ್ತವ   ಅಭಿಪ್ರಾಯಪಟ್ಟಿದ್ದಾರೆ. 

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry