ಮಂಗಳವಾರ, ಅಕ್ಟೋಬರ್ 22, 2019
21 °C

ಕ್ವಾರ್ಟರ್ ಫೈನಲ್‌ಗೆ ಕೇರಳ

Published:
Updated:

ಧಾರವಾಡ: ಆತಿಥೇಯ ಕರ್ನಾಟಕ ತಂಡದ ಜೊತೆಗೆ ಕೇರಳ, ಪಂಜಾಬ್, ಬಿಹಾರ, ಆಂಧ್ರಪ್ರದೇಶ ಮತ್ತು ನವೋದಯ ವಿದ್ಯಾ ಸಂಸ್ಥೆಗಳು ಇಲ್ಲಿಯ ಪೊಲೀಸ್ ವಸತಿ ಶಾಲಾ ಮೈದಾನದಲ್ಲಿ ನಡೆದಿರುವ 57ನೇ ರಾಷ್ಟ್ರೀಯ 17 ವರ್ಷದೊಳಗಿನವರ ಕಬಡ್ಡಿ ಟೂರ್ನಿಯ ಬಾಲಕಿಯರ ವಿಭಾಗದಲ್ಲಿ ನಾಕೌಟ್ ಹಂತ ತಲುಪಿದವು.

ಕರ್ನಾಟಕದ ಬಾಲಕಿಯರು ತಮ್ಮ ಕೊನೆಯ ಲೀಗ್ ಪಂದ್ಯದಲ್ಲಿ 48-9 (32-3)ರಿಂದ ಚಂಡೀಗಡ ತಂಡದ ವಿರುದ್ಧ ಜಯ ಸಾಧಿಸಿದರು. ಕರ್ನಾಟಕದ ಪಲ್ಲವಿ ರಕ್ಷಣೆಯಲ್ಲಿ ಮಿಂಚಿದರೆ, ಸೌಮ್ಯ ದಾಳಿಯಲ್ಲಿ ವಿಕ್ರಮ ತೋರಿದರು. ಅಪೂರ್ವ ಆಲ್‌ರೌಂಡ್ ಆಟದಿಂದ ಗಮನಸೆಳೆದರು. ತಾನಾಡಿದ ಮೂರೂ ಪಂದ್ಯಗಳಲ್ಲಿ ಜಯ ಸಾಧಿಸಿದ ಕರ್ನಾಟಕ ತಂಡ ಆರು ಪಾಯಿಂಟ್‌ಗಳೊಂದಿಗೆ ಅಜೇಯವಾಗಿ ನಾಕೌಟ್ ಹಂತಕ್ಕೆ ನೆಗೆಯಿತು.

ದಿನದ ಇತರ ಲೀಗ್ ಪಂದ್ಯಗಳಲ್ಲಿ ಪಂಜಾಬ್ ತಂಡ 20-7 (6-2)ರಿಂದ ಛತ್ತೀಸ್‌ಗಡ ತಂಡದ ವಿರುದ್ಧವೂ; ಕೇರಳ ತಂಡ 28-8 (9-4)ರಿಂದ ಜಮ್ಮು-ಕಾಶ್ಮೀರ ತಂಡದ ಮೇಲೂ; ಹರಿಯಾಣ ತಂಡ 59-9 (20-2)ರಿಂದ ಗೋವಾ ತಂಡದ ವಿರುದ್ಧವೂ; ಮಹಾರಾಷ್ಟ್ರ ತಂಡ 57-9 (27-5)ರಿಂದ ದೆಹಲಿ ತಂಡದ ಮೇಲೂ; ಆಂಧ್ರ ಪ್ರದೇಶ ತಂಡ 39-25 (20-17)ರಿಂದ ನವೋದಯ ವಿದ್ಯಾ ಸಂಸ್ಥೆ ತಂಡದ ವಿರುದ್ಧವೂ ಜಯ ಸಾಧಿಸಿದವು.

ಬಾಲಕರ ವಿಭಾಗದಲ್ಲಿ ಒಡಿಶಾ ತಂಡ 41-9 (17-5)ರಿಂದ ಪಾಂಡಿಚೇರಿ ತಂಡವನ್ನು; ಗುಜರಾತ್ ತಂಡ 34-20 (20-5)ರಿಂದ ಕೇರಳ ತಂಡವನ್ನು; ತಮಿಳುನಾಡು ತಂಡ 52-8 (43-7)ರಿಂದ ಜಮ್ಮು-ಕಾಶ್ಮೀರ ತಂಡವನ್ನು; ಪಶ್ಚಿಮ ಬಂಗಾಲ ತಂಡ 37-27 (18-13)ರಿಂದ ಬಿಹಾರ ತಂಡವನ್ನು; ಉತ್ತರ ಪ್ರದೇಶ ತಂಡ 30-14 (16-7)ರಿಂದ ಚಂಡಿಗಡ ತಂಡವನ್ನು; ನವೋದಯ ವಿದ್ಯಾ ಸಂಸ್ಥೆ ತಂಡ 36-35 (17-26)ರಿಂದ ವಿದ್ಯಾಭಾರತಿ ತಂಡವನ್ನು ಪರಾಭವಗೊಳಿಸಿದವು.

ಚುನಾವಣಾ ಫಲಿತಾಂಶ 2019 | ಹರಿಯಾಣ ಮತ್ತು ಮಹಾರಾಷ್ಟ್ರ ವಿಧಾನಸಭೆ 2019 ಚುನಾವಣೆಗೆ ಸಂಬಂಧಿಸಿದ ಸಮಗ್ರ ಸುದ್ದಿ, ಮಾಹಿತಿ, ವಿಶ್ಲೇಷಣೆ ಇಲ್ಲಿ ಲಭ್ಯ.

ಮಹಾರಾಷ್ಟ್ರ ವಿಧಾನಸಭೆಯ ಫಲಿತಾಂಶಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ

ಹರಿಯಾಣ ವಿಧಾನಸಭೆಯ ಫಲಿತಾಂಶಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ

Post Comments (+)