ಖನಿಜ ವಿನಾಯಿತಿ ಅರ್ಜಿ ವಿಲೇವಾರಿಗೆ ಕೇಂದ್ರ ಸೂಚನೆ

7

ಖನಿಜ ವಿನಾಯಿತಿ ಅರ್ಜಿ ವಿಲೇವಾರಿಗೆ ಕೇಂದ್ರ ಸೂಚನೆ

Published:
Updated:

ನವದೆಹಲಿ (ಪಿಟಿಐ): ವಿವಿಧ ರಾಜ್ಯಗಳಲ್ಲಿನ ಖನಿಜ ವಿನಾಯಿತಿ ಅರ್ಜಿಗಳ ವಿಲೇವಾರಿಗಳಲ್ಲಿನ ನಿಧಾನಗತಿಯಿಂದ ಬೇಸರಗೊಂಡಿರುವ ಕೇಂದ್ರ ಸರ್ಕಾರ, ಅರ್ಜಿಗಳನ್ನು ನಿಗದಿತ ಅವಧಿಯೊಳಗೆ ಕಡ್ಡಾಯವಾಗಿ ವಿಲೇವಾರಿ ಮಾಡುವಂತೆ ಸೂಚಿಸಿದೆ.



ಸದ್ಯ ವಿವಿಧ ರಾಜ್ಯಗಳಲ್ಲಿ 65,337 ಖನಿಜ ವಿನಾಯಿತಿ ಅರ್ಜಿಗಳು ವಿಲೇ ವಾರಿಯಾಗದೆ ಹಾಗೇ ಉಳಿದು­ಕೊಂಡಿವೆ ಎಂದು ಗಣಿ ಸಚಿವಾಲಯ ತಿಳಿಸಿದೆ.



ಖನಿಜ ವಿನಾಯಿತಿ ಅರ್ಜಿಗಳು ಭಾರಿ ಪ್ರಮಾಣದಲ್ಲಿ ಬಾಕಿ ಉಳಿದಿವೆ. ಇದು ಎಲ್ಲ ಖನಿಜ ಸಮೃದ್ಧಿ ರಾಜ್ಯಗಳಲ್ಲಿ ಸಾಮಾನ್ಯವಾಗಿದೆ ಎಂದು ಸಚಿವಾಲಯ ಹೇಳಿದೆ. ಈ ನಿಟ್ಟಿನಲ್ಲಿ ಗಣಿ ಮತ್ತು ಖನಿಜ ಅಭಿವೃದ್ಧಿ  ನಿಯಂತ್ರಣ ಕಾಯಿದೆಯಲ್ಲಿನ  ನಿಬಂಧನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ರಾಜ್ಯಗಳಿಗೆ ಹೇಳಿದೆ.



ಈ ನಡುವೆ ಗಣಿ ಗುತ್ತಿಗೆಗೆ ಪರ ವಾನಗಿ ನೀಡುವುದು ಸಹ ಹಲವಾರು ಕಾರಣಗಳಿಂದ ನಿಧಾನವಾಗಿ ಸಾಗಿದೆ. ಹೊಸ ಗುತ್ತಿಗೆಗಳಿಗೆ ಪರವಾನಗಿ ನೀಡುವುದು ಅಕ್ರಮ ಗಣಿಗಾರಿಕೆಯಿಂದ ವಿಳಂಬವಾಗುತ್ತಿದೆ ಎನ್ನಲಾಗುತ್ತಿದೆ.



ಕಳೆದ ಹಣಕಾಸು ವರ್ಷದಲ್ಲಿ 20 ರಾಜ್ಯಗಳಲ್ಲಿ 99,000 ಅಕ್ರಮ ಗಣಿ ಪ್ರಕರಣಗಳು ವರದಿಯಾಗಿವೆ. 2011-12ರಲ್ಲಿ ಈ ಸಂಖ್ಯೆ 96,000 ಆಗಿದ್ದರೆ 2010-11 ರಲ್ಲಿ 78,000 ರಷ್ಟಿತ್ತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry