ಶನಿವಾರ, ಮೇ 15, 2021
22 °C

ಗಣಿ: ಬಳ್ಳಾರಿಯತ್ತ `ಎಸ್‌ಎಐಎಲ್' ನೋಟ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ(ಪಿಟಿಐ): ಬಳ್ಳಾರಿಯ ಈಶಾನ್ಯ ಬ್ಲಾಕ್‌ನಲ್ಲಿರುವ 140 ಹೆಕ್ಟೇರ್ ಪ್ರದೇಶದ ಕಬ್ಬಿಣದ ಅದಿರು ಗಣಿಯನ್ನು ಗುತ್ತಿಗೆ ಪಡೆಯಲು ಕೇಂದ್ರ ಸರ್ಕಾರದ ಒಡೆತನದ `ಭಾರತೀಯ ಉಕ್ಕು ಪ್ರಾಧಿಕಾರ'  (ಎಸ್‌ಎಐ ಎಲ್) ಆಸಕ್ತಿ ತೋರಿದ್ದು, ಶೀಘ್ರವೇ ಪರವಾನಗಿಗಾಗಿ ರಾಜ್ಯ ಸರ್ಕಾರದ ಜತೆ ಮಾತುಕತೆ ನಡೆಸಲಿದೆ ಎಂದು ಮೂಲಗಳು ತಿಳಿಸಿವೆ.



ಇಲ್ಲಿ ಹೊರತೆಗೆಯುವ ಕಬ್ಬಿಣದ ಅದಿರನ್ನು ಭದ್ರಾವತಿಯ ವಿಶ್ವೇಶ್ವರಯ್ಯ ಕಬ್ಬಿಣ ಮತ್ತು ಉಕ್ಕು ತಯಾರಿಕಾ ಘಟಕಕ್ಕೆ(ವಿಐಎಸ್‌ಎಲ್) ಪೂರೈಸಲು ಯೋಜಿಸಲಾಗಿದೆ ಎಂದು `ಎಸ್‌ಎಐಎಲ್'ನ ಹಿರಿಯ ಅಧಿಕಾರಿಯೊಬ್ಬರು ಸುದ್ದಿಸಂಸ್ಥೆಗೆ ಶುಕ್ರವಾರ ತಿಳಿಸಿದ್ದಾರೆ.



ಬಳ್ಳಾರಿಯಲ್ಲಿರುವ ಎಂಟು ಗಿರಿಶ್ರೇಣಿಯಲ್ಲಿ ಉತ್ತಮ ಕಬ್ಬಿಣ ಮತ್ತು ಮ್ಯಾಂಗನೀಸ್ ಅದಿರು ಲಭ್ಯವಿದೆ. ಈಶಾನ್ಯ ಬ್ಲಾಕ್ ಕೂಡ ಇದರಲ್ಲಿ ಒಂದು. 



ಸದ್ಯ `ಎಸ್‌ಎಐಎಲ್' ದಕ್ಷಿಣ ರಾಜ್ಯಗಳಲ್ಲಿ ಯಾವುದೇ ಕಬ್ಬಿಣ ಅದಿರು ಗಣಿ ಹೊಂದಿಲ್ಲ. ಈಶಾನ್ಯ ಬ್ಲಾಕ್‌ನಲ್ಲಿರುವ ಈ ಗಣಿಯಲ್ಲಿ 1 ಕೋಟಿ ಟನ್‌ಗಳಷ್ಟು ಅದಿರು ನಿಕ್ಷೇಪ ಇದೆ. ಇದನ್ನು ವಿಶೇಷವಾಗಿ `ವಿಐಎಸ್‌ಎಲ್'ನ ಬೇಡಿಕೆ ಪೂರೈಸಲು ಬಳಸಬಹುದು ಎಂದು ಮೂಲಗಳು ಹೇಳಿವೆ.



`ಎನ್‌ಎಂಡಿಸಿ' ನಂತರ ದೇಶದ ಎರಡನೇ ಅತಿ ದೊಡ್ಡ ಕಬ್ಬಿಣ ಅದಿರು ಗಣಿಗಾರಿಕೆ ಕಂಪೆನಿಯಾಗಿರುವ `ಎಸ್‌ಎಐಎಲ್' ವಾರ್ಷಿಕ 1.40 ಕೋಟಿ ಟನ್‌ಗಳಷ್ಟು ಉಕ್ಕು ತಯಾರಿಸುವ ಸಾಮರ್ಥ್ಯ ಹೊಂದಿದೆ. 2015-16ರ ವೇಳೆಗೆ ಉಕ್ಕು ತಯಾರಿಕೆ ಸಾಮರ್ಥ್ಯವನ್ನು 2.30 ಕೋಟಿ ಟನ್‌ಗಳಿಗೆ ಹೆಚ್ಚಿಸಿಕೊಳ್ಳುವ ಗುರಿಯನ್ನೂ ಹೊಂದಿದೆ.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.