ಗುರುವಾರ , ನವೆಂಬರ್ 21, 2019
27 °C
ಬಿಜೆಪಿ ಹೊಸ ಮಂತ್ರ

ಗುಜರಾತ್ ಮಾದರಿ ಸಾಕು, ಗೋವಾ ಮಾದರಿ ಬೇಕು

Published:
Updated:

ಪಣಜಿ (ಪಿಟಿಐ): ಸದಾ ಗುಜರಾತ್ ಮಾದರಿ ಮಂತ್ರ ಜಪಿಸುವ ಬಿಜೆಪಿ, ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಗೋವಾ ಮಾದರಿ ಅನುಸರಿಸಲು ಮುಂದಾಗಿದೆ.

`ಗೋವಾ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಬಿಜೆಪಿಯು, ಎಲ್ಲ ಧರ್ಮಗಳ ಮುಖಂಡರೊಂದಿಗೆ ಮಾತುಕತೆ ನಡೆಸಿ, ಸಂಘಟನೆ ಸಂಬಂಧ ಅವರ ಅಭಿಪ್ರಾಯ ಪಡೆದುಕೊಂಡಿತ್ತು. ಕೋಮುವಾದ ಪಕ್ಷವೆಂದೇ ಬಿಜೆಪಿಯನ್ನು ಬಿಂಬಿಸಲಾಗುತ್ತಿದೆ.



ಆದರೆ, ನಿಜವಾಗಿ ನಮ್ಮ ಪಕ್ಷ ಹಾಗಲ್ಲ. ರಾಷ್ಟ್ರೀಯತೆಯ ಪಕ್ಷವಾಗಿದೆ ಎನ್ನುವುದನ್ನು ಮನವರಿಕೆ ಮಾಡಿಕೊಡಲಾಗುವುದು. ಗೋವಾದಲ್ಲಿ ಅನುಸರಿಸಿದ ಈ ಮಾದರಿಯನ್ನು ಲೋಕಸಭಾ ಚುನಾವಣೆ ಸಂದರ್ಭದಲ್ಲಿ ಅನುಸರಿಸಲಾಗುವುದು ಎಂದು ಪಕ್ಷದ ರಾಷ್ಟ್ರೀಯ ಕಾರ್ಯದರ್ಶಿ ಆರತಿ ಮೆಹ್ರಾ ಬುಧವಾರ ಇಲ್ಲಿ ಸುದ್ದಿಗಾರರಿಗೆ ತಿಳಿಸಿದರು.



`ಪೂರ್ವಗ್ರಹಪೀಡಿತರಾಗಿ ಚುನಾವಣೆಯಲ್ಲಿ ಪಾಲ್ಗೊಳ್ಳದಂತೆ ಮನವರಿಕೆ ಮಾಡಿಕೊಡಲಾಗುವುದು' ಎಂದು ಅವರು ಹೇಳಿದರು.



ಕಳೆದ ವರ್ಷ ಗೋವಾ ವಿಧಾನಸಭೆಗೆ ನಡೆದ ಚುನಾವಣೆಯಲ್ಲಿ ಬಿಜೆಪಿಯು ರೋಮನ್ ಕೆಥೋಲಿಕ್ ಸಮುದಾಯಕ್ಕೆ ಸೇರಿದ ಎಂಟು ಜನರಿಗೆ ಪಕ್ಷದ ಟಿಕೆಟ್ ನೀಡಿತ್ತು.

ಇದರಿಂದಾಗಿ ಆ ಸಮುದಾಯದ ಬೆಂಬಲ ಗಳಿಸಿ, ಹೆಚ್ಚಿನ ಕ್ಷೇತ್ರಗಳಲ್ಲಿ ಜಯ ಸಾಧಿಸಿತ್ತು. ಇಡೀ ದೇಶದಾದ್ಯಂತ ಇದೇ ಸ್ಥಿತಿ ಇದೆ. ಆದ್ದರಿಂದ ಗೋವಾ ಮಾದರಿ ಅನುಸರಿಸಲಾಗುವುದು ಎಂದು ಅವರು ತಿಳಿಸಿದರು.

ಪ್ರತಿಕ್ರಿಯಿಸಿ (+)