ಶನಿವಾರ, ಮೇ 15, 2021
25 °C

ಗುಡಿ ಕೈಗಾರಿಕೆಯಿಂದ ಲಾಭ: ಭೀಮಸೇನಾ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೊಳ್ಳೇಗಾಲ: `ಮಹಿಳೆಯರು ಕೈಕಸಬು, ಗುಡಿಕೈಗಾರಿಕೆ ಪ್ರಾರಂಭಿಸುವ ಮೂಲಕ ಆರ್ಥಿಕ ಅಭಿವೃದ್ಧಿ ಕಂಡುಕೊಳ್ಳಬೇಕು~ ಎಂದು ಜಿಲ್ಲಾ ಪಂಚಾಯಿತಿ ಉಪ ಕಾರ್ಯದರ್ಶಿ ಗುಡೂರು ಭೀಮಸೇನಾ ತಿಳಿಸಿದರು.



ಪಟ್ಟಣದ ಗುರುಭವನದಲ್ಲಿ ಕಲ್ಕತ್ತಾ ನ್ಯಾಷನಲ್ ಸೆಣಬು ಮಂಡಳಿ, ಪಿ.ಎಸ್.ಎಸ್.ಗ್ರಾಮೀಣ ಸಂಸ್ಥೆ ಹಾಗೂ ಜನಸ್ಪಂದನ ಸೇವಾ ಸಂಸ್ಥೆಯ ಆಶ್ರಯದಲ್ಲಿ ಶುಕ್ರವಾರ ಮಹಿಳಾ ಸಂಘಗಳಿಗೆ ಏರ್ಪಡಿಸಿದ್ದ ಸೆಣಬಿನ ವಿವಿಧ ಉತ್ಪನ್ನಗಳ ತಿಳುವಳಿಕಾ ಕಾರ್ಯಕ್ರಮದಲ್ಲಿ ಮಾತನಾಡಿದರು.



ಕೇವಲ ಉಳಿತಾಯದಿಂದ ಮಹಿಳೆ ಯರ ಆರ್ಥಿಕ ಪ್ರಗತಿ ಅಸಾಧ್ಯ. ಸೆಣ ಬಿನ ವಿವಿಧ ಉತ್ಪನ್ನಗಳು ಸೇರಿದಂತೆ ಇತರೆ ಉತ್ಪನ್ನಗಳ ತಯಾರಿಕೆ ಕಡೆಗೆ ಮಹಿಳೆಯರು ಮುಖಮಾಡಬೇಕು ಎಂದು ಹೇಳಿದರು.



ವಿವಿಧ ಉತ್ಪನ್ನಗಳ ತಾಯಾರಿಕೆ ಮತ್ತು ಮಾರುಕಟ್ಟೆ ಬಗ್ಗೆ ಅನೇಕ ಸಂಘ ಸಂಸ್ಥೆ ಮೂಲಕ ಉತ್ತಮ ತರಬೇತಿ ಮಹಿಳಾ ಸಂಘಗಳಿಗೆ ದೊರೆಯುತ್ತಿದ್ದು, ಇಂತಹ ಸೌಲಭ್ಯ ಗಳನ್ನು ಮಹಿಳೆಯರು ಸದುಪ ಯೋಗಪಡಿಸಿಕೊಂಡು ಆರ್ಥಿಕವಾಗಿ ಸಬಲತೆಯನ್ನು ಹೊಂದಬೇಕು ಎಂದು ಕರೆನೀಡಿದರು.



ಕಾರ್ಯಕ್ರಮವನ್ನು ಜಿ.ಪಂ. ಉಪಾಧ್ಯಕ್ಷ ಸಿದ್ದರಾಜು ಉದ್ಘಾಟಿಸಿ, ಮಹಿಳೆಯರು ಸರ್ಕಾರದ ವಿವಿಧ ಯೋಜನೆಗಳ ಸೌಲಭ್ಯಗಳ ಬಗ್ಗೆ ತಿಳಿದುಕೊಂಡು ಅದನ್ನು ಸದುಪಯೋಗಪಡಿಸಿಕೊಳ್ಳಬೇಕು ಎಂದು ಹೇಳಿದರು.



ವಿಶೇಷ ಮಾರುಕಟ್ಟೆ ಸೌಲಭ್ಯ ಇರುವ ಸೆಣಬಿನ ವಿವಿಧ ಉತ್ಪನ್ನಗಳನ್ನು ಮಹಿಳೆಯರು ಮನೆಯಲ್ಲಿಯೇ ಕುಳಿತು ತಯಾರಿಸುವ ಮೂಲಕ ತಮ್ಮ ಆರ್ಥಿಕ ವ್ಯವಸ್ಥೆ ವೃದ್ಧಿಸಿಕೊಳ್ಳಬಹುದಾಗಿದೆ ಎಂದು ಜೂಟ್ ಮಾರ್ಕೆಟಿಂಗ್ ವ್ಯವಸ್ಥಾಪಕ ರಾಜಶೇಖರ್ ತಿಳಿಸಿದರು.



ಜೂಟ್ ಉತ್ಪನ್ನಗಳಿಗೆ ಲಭ್ಯವಿರುವ ಮಾರುಕಟ್ಟೆ ಸೌಲಭ್ಯಗಳು ಮತ್ತು ಮಹಿಳೆಯರು ಈ ಮಾರುಕಟ್ಟೆ ಸೌಲಭ್ಯ ಪಡೆದುಕೊಳ್ಳುವ ಬಗ್ಗೆ ಮಾಹಿತಿ ನೀಡಿದರು. ಭ್ರಷ್ಟಾಚಾರ ವಿರೋಧಿ ಆಂದೋಲನ ವೇದಿಕೆ, ಕರ್ನಾಟಕ ರಾಜ್ಯ ಅಧ್ಯಕ್ಷ ಎಚ್.ಎನ್. ನಂಜುಂಡರಾಜ್ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು.



ಚಾಮರಾಜನಗರ ಆದಿವಾಸಿಗಳ ಕ್ಷೇಮಾಭಿವೃದ್ಧಿ ಸಂಘದ ಡಾ. ಸುರೇಂದ್ರ, ಸಾಮಾಜಿಕ ನ್ಯಾಯ ಸ್ಥಾಯಿ ಸಮಿತಿ ಅಧ್ಯಕ್ಷ ಎನ್. ಮಹೇಶ್‌ಕುಮಾರ್, ಜಿ.ಪಂ. ಸದಸ್ಯೆ ಕೇತಮ್ಮ,ಪಿ.ಎಸ್.ಎಸ್. ಯೋಜನಾ ನಿರ್ದೇಶಕ ಶೇಷಪ್ರಸಾದ್, ಪರಶಿವ ಮೂರ್ತಿ, ಸೋಮಣ್ಣ, ಯರಿಯೂರು ನಾಗೇಂದ್ರ, ಕೃಷ್ಣಮೂರ್ತಿ, ಬಂಗಾರು ಇತರರು ಉಪಸ್ಥಿತರಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.