ಗೋವಾದಲ್ಲಿ ಬಿಜೆಪಿ ಜತೆ ಎಂಜಿಪಿ ಮೈತ್ರಿ

7

ಗೋವಾದಲ್ಲಿ ಬಿಜೆಪಿ ಜತೆ ಎಂಜಿಪಿ ಮೈತ್ರಿ

Published:
Updated:

ಪಣಜಿ (ಐಎಎನ್‌ಎಸ್): ಗೋವಾದಲ್ಲಿ ಆಡಳಿತಾರೂಢ ಕಾಂಗ್ರೆಸ್‌ನ ಅಂಗಪಕ್ಷವಾದ ಮಹಾರಾಷ್ಟ್ರವಾದಿ ಗೋಮಾಂತಕ ಪಕ್ಷ (ಎಂಜಿಪಿ) ಸರ್ಕಾರಕ್ಕೆ ನೀಡಿರುವ ಬೆಂಬಲವನ್ನು ಹಿಂದಕ್ಕೆ ಪಡೆದಿದ್ದು, ಬಿಜೆಪಿ ಜತೆ ಚುನಾವಣಾ ಮೈತ್ರಿ ಮಾಡಿಕೊಂಡಿದೆ.



ಎಂಜಿಪಿ ಜೊತೆ ಚುನಾವಣಾ ಮೈತ್ರಿ ಮಾಡಿಕೊಂಡಿರುವುದನ್ನು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ಗಡ್ಕರಿ  ಗೋವಾದಲ್ಲಿ ಭಾನುವಾರ ಘೋಷಣೆ ಮಾಡಿದರು.

  ಈ ಸಂದರ್ಭದಲ್ಲಿ ಜಂಟಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಗಡ್ಕರಿ, ಕಾಂಗ್ರೆಸ್ ವಿರೋಧಿ ಶಕ್ತಿ ಜೊತೆ ಸಹಜ ಒಪ್ಪಂದವಾಗಿದೆ ಎಂದು ನುಡಿದರು.



 ಒಪ್ಪಂದ ಪ್ರಕಾರ ಬಿಜೆಪಿ 31 ಕ್ಷೇತ್ರಗಳಲ್ಲಿ ಹಾಗೂ ಎಂಜಿಪಿ 8 ಕ್ಷೇತ್ರಗಳಲ್ಲಿ ಸ್ಪರ್ಧೆ ನಡೆಸಲಿದ್ದು, ಎರಡೂ ಪಕ್ಷಗಳು ಕುಂಭರ್‌ಜುವಾ ಕ್ಷೇತ್ರದಲ್ಲಿ ಪಕ್ಷೇತರ ಅಭ್ಯರ್ಥಿಯನ್ನು ಬೆಂಬಲಿಸಲಿವೆ.

ಎರಡೂ ಪಕ್ಷಗಳು (ಬಿಜೆಪಿ-ಎಂಜಿಪಿ) ಮೈತ್ರಿಗೆ ಸಂಬಂಧಿಸಿದಂತೆ ಕಳೆದ ಎರಡು ತಿಂಗಳಿನಿಂದ ಅನೇಕ ಸುತ್ತಿನ ಮಾತುಕತೆ ನಡೆಸಿದ್ದವು.



  `ರಾಜ್ಯದಲ್ಲಿ ಭ್ರಷ್ಟಾಚಾರ ಹೆಚ್ಚಾಗಿದ್ದು, ನಮ್ಮ ಪಕ್ಷ ಭ್ರಷ್ಟಾಚಾರವನ್ನು ವಿರೋಧಿಸಿತ್ತು. ಈ ಕಾರಣದಿಂದಲೇ ಸರ್ಕಾರಕ್ಕೆ ನೀಡಿರುವ ಬೆಂಬಲವನ್ನು ಹಿಂದಕ್ಕೆ ಪಡೆದಿದ್ದೇವೆ~ ಎಂದು ಎಂಜಿಪಿ ಗೋವಾ ಘಟಕದ ಅಧ್ಯಕ್ಷ ದೀಪಕ್ ಧವಲಿಕರ್ ತಿಳಿಸಿದರು. 



 ಎಂಜಿಪಿ ವತಿಯಿಂದ ಶೀಘ್ರವೇ ಚುನಾವಣಾ ಪ್ರಣಾಳಿಕೆ ಬಿಡುಗಡೆ ಮಾಡುವುದಾಗಿಯೂ ಅವರು ತಿಳಿಸಿದರು.

 `ಬಿಜೆಪಿ ಜತೆ ಗೋವಾದಲ್ಲಿ ಸ್ವಚ್ಚ ಮತ್ತು ಪರಿಣಾಮಕಾರಿ ಆಡಳಿತ ನೀಡುವುದು ನಮ್ಮ ಗುರಿ~ ಎಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry