`ಗ್ರಾಹಕರು ಹಕ್ಕು ಅರಿಯಲಿ'

7

`ಗ್ರಾಹಕರು ಹಕ್ಕು ಅರಿಯಲಿ'

Published:
Updated:

ಚಿಕ್ಕಮಗಳೂರು: ಗ್ರಾಹಕರು ತಮಗೆ ದೊರಕಿರುವ ಹಕ್ಕುಗಳ ಬಗ್ಗೆ ಹೆಚ್ಚು ತಿಳಿದುಕೊಂಡರೆ, ಆಗುವ ಶೋಷಣೆ ತಪ್ಪಿಸಬಹುದು ಎಂದು ಜಿಲ್ಲಾ ಗ್ರಾಹಕರ ವೇದಿಕೆ ಸದಸ್ಯ ಎಚ್.ಎಸ್.ರುದ್ರಪ್ಪ ಹೇಳಿದರು.



ಸೋಮವಾರ ನಗರದ ಟಿ.ಎಂ.ಎಸ್. ಶಾಲಾ ಸಭಾಂಗಣದಲ್ಲಿ ಏರ್ಪಡಿಸಿದ್ದ ರಾಷ್ಟ್ರೀಯ ಗ್ರಾಹಕರ ದಿನಾಚರಣೆ ಉದ್ಘಾಟಿಸಿ ಮಾತನಾಡಿದರು.



ಪ್ರತಿಯೊಂದು ದೇಶದ ಆರ್ಥಿಕತೆಯಲ್ಲಿ ಗ್ರಾಹಕನೇ ಕೇಂದ್ರಬಿಂದು. ಆದರೆ, ಆರ್ಥಿಕತೆ ಯಲ್ಲಿ ಗ್ರಾಹಕರ ಶೋಷಣೆ ನಿರಂತರವಾಗಿದೆ. ಈ ಹಿನ್ನೆಲೆಯಲ್ಲಿ 1986ರಲ್ಲಿ ಗ್ರಾಹಕರ ಹಕ್ಕುಗಳನ್ನು ರಕ್ಷಿಸಲು ಕಾಯ್ದೆ ಜಾರಿಗೆ ತರಲಾಯಿತು ಎಂದರು.



ಇಂದು ಪ್ರತಿಯೊಂದು ವಸ್ತುವಿನಲ್ಲೂ ನ್ಯೂನತೆಗಳು ಕಂಡುಬರುತ್ತಿದೆ. ಇಂದಿನ ಮಾರುಕಟ್ಟೆ ವ್ಯವಸ್ಥೆಯಲ್ಲೂ, ಪೈಪೋಟಿ ನಡೆಸಿ ಗ್ರಾಹಕರನ್ನು ವಂಚಿಸುವ ಪ್ರಕ್ರಿಯೆ ಕಂಡು ಬರುತ್ತಿದೆ. ಹೀಗಾಗಿ ಗ್ರಾಹಕರು ಪ್ರತಿಯೊಂದು ಖರೀದಿ ಅಥವಾ ಸೇವೆ ಪಡೆಯುವಾಗ ಅದಕ್ಕೆ ಸಂಬಂಧಪಟ್ಟ ದಾಖಲೆ ಪಡೆದುಕೊಳ್ಳಬೇಕು. ಇದರಿಂದ ಗ್ರಾಹಕರಿಗೆ ಖರೀದಿಯಲ್ಲಿನ ಶೋಷಣೆ ತಪ್ಪಿಸಬಹುದು ಎಂದು ಹೇಳಿದರು. ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ಇಲಾಖೆಯ ಉಪನಿರ್ದೇಶಕ ರತ್ನಾಕರ ನಾಯ್ಕ ಮತ್ತಿತರರು ಉಪಸ್ಥಿತರಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry