ಮಂಗಳವಾರ, ಫೆಬ್ರವರಿ 18, 2020
28 °C

ಚಿಂಪಾಂಜಿಗಳಿಗೂ ಅಡುಗೆ ಮೋಹ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನ್ಯೂಯಾರ್ಕ್‌ (ಐಎಎನ್ಎಸ್): ಆಲೂಗಡ್ಡೆ, ಸಿಹಿಗೆಣಸು ಸಿಕ್ಕಿದರೆ ಬಾಚಿಕೊಂಡು ತಿನ್ನುವ ಚಿಂಪಾಂಜಿಗಳು ಪಾಕಶಾಸ್ತ್ರ ಪ್ರವೀಣವಾಗುವ ಲಕ್ಷಣಗಳನ್ನೂ ಹೊಂದಿವೆ ಎಂದು ಅಧ್ಯಯನವೊಂದು ತಿಳಿಸಿದೆ.

ಬೆಂಕಿಯ ಸಹಾಯದಿಂದ ಅಡುಗೆ ತಯಾರಿಸುವ ಕಲೆ ‘ಮಂಗನಿಂದ ಮಾನವ’ ಎಂಬ ವಿಕಾಸವಾದದಲ್ಲಿ ಬೆಳೆದುಬಂತು. ಮನುಷ್ಯನಿಗಷ್ಟೇ ಕರಗತ­ವಾಗಿರುವ ಕಲೆಯಿದು. ಆದರೆ ಚಿಂಪಾಂಜಿಗಳ ಮೆದುಳಿನಲ್ಲೂ ಪಾಕಶಾಸ್ತ್ರ ಪ್ರಾವೀಣ್ಯಕ್ಕೆ ಬೇಕಾದ ಕೆಲವೊಂದು ಅಂಶಗಳು ಇವೆ. ಅವು­ಗಳನ್ನು ಪಳಗಿಸಿದರೆ ಅಥವಾ ತರಬೇತಿ ನೀಡಿದರೆ ಅವುಗಳೂ ಅಡುಗೆ ಮಾಡಬಲ್ಲವು ಎಂಬುದು ಇತ್ತೀಚಿನ ಅಧ್ಯಯನದಿಂದ ಪತ್ತೆಯಾಗಿದೆ ಎಂದು ಹಾರ್ವರ್ಡ್‌ ವಿಶ್ವವಿದ್ಯಾಲಯದ ವಿಜ್ಞಾನಿ ಫೆಲಿಕ್ಸ್‌ ವಾರ್ನ್‌ಕೆನ್‌ ಅವರು ಹೇಳಿದ್ದಾರೆ.

ಕೆಲವು ಚಿಂಪಾಂಜಿಗಳಿಗೆ ಸಿಹಿಗೆಣಸನ್ನು ತಿನ್ನಲು ಕೊಟ್ಟಾಗ ಅವುಗಳಲ್ಲಿ ಒಂದು ಚಿಂಪಾಂಜಿ ಅದನ್ನು ಅಡುಗೆ ಮಾಡುವ ಸಾಧನದ ಮೇಲೆ ಇರಿಸಿತಲ್ಲದೆ ಚೆನ್ನಾಗಿ ಬೆಂದ ನಂತರ ಅದನ್ನು ತಿಂದಿತು. ಅಪ್ಪಿತಪ್ಪಿ ಒಂದು ಚಿಂಪಾಂಜಿ ಹಾಗೆ ಮಾಡಿತು ಅಂದುಕೊಳ್ಳು­ವಷ್ಟ­ರಲ್ಲಿ ಇನ್ನೂ ಕೆಲವು ಚಿಂಪಾಂಜಿಗಳು ಹಾಗೇ ಮಾಡಿದ್ದು ಕಂಡುಬಂತು. ಇದು ನಮಗೆ ಅಧ್ಯಯನಕ್ಕೆ ಪ್ರೇರಣೆ ನೀಡಿತು ಎಂದು ಫೆಲಿಕ್ಸ್‌ ವಿವರಿಸಿ­ದ್ದಾರೆ. ಈ ಅಧ್ಯಯನ ವರದಿ ‘ರಾಯಲ್‌ ಸೊಸೈಟಿ ಬಿ’ ನಿಯತಕಾಲಿಕದಲ್ಲಿ ಪ್ರಕಟವಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)