ಚೀನಾ ಗಡಿ ವಿವಾದ: ಅಂತಿಮ ಹಂತದಲ್ಲಿ ಸಂಧಾನ ಮಾತುಕತೆ

7

ಚೀನಾ ಗಡಿ ವಿವಾದ: ಅಂತಿಮ ಹಂತದಲ್ಲಿ ಸಂಧಾನ ಮಾತುಕತೆ

Published:
Updated:

ನವದೆಹಲಿ (ಪಿಟಿಐ): ಶತಮಾನಗಳಷ್ಟು ಹಳೆಯದಾದ ನೆರೆಯ ಚೀನಾ ಜತೆಗಿನ ಗಡಿ ವಿವಾದಕ್ಕೆ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಆರಂಭಿಸಿರುವ ಸಂಧಾನ ಪ್ರಕ್ರಿಯೆ ಅಂತಿಮ ಹಂತದಲ್ಲಿದೆ ಎಂದು ರಕ್ಷಣಾ ಸಚಿವ ಎ.ಕೆ. ಆಂಟನಿ ಹೇಳಿದ್ದಾರೆ.



`ಬಹುತೇಕ ಜನರು ಉಭಯ ರಾಷ್ಟ್ರಗಳ ನಡುವಿನ ಗಡಿ ವಿವಾದ ಇನ್ನೂ ಬಗೆಹರಿದಿಲ್ಲ ಎಂದು ಭಾವಿಸಿದ್ದಾರೆ. ಆದರೆ, ಈ ದಿಸೆಯಲ್ಲಿ ಅನೇಕ ಸುತ್ತಿನ ಮಾತುಕತೆ ಮುಗಿದಿದ್ದು ಅಂತಿಮ ಹಂತದಲ್ಲಿವೆ~ ಎಂದು ತಿಳಿಸಿದರು.



ರಕ್ಷಣಾ ಇಲಾಖೆಯ ಲೆಕ್ಕಪತ್ರ ವಿಭಾಗದ ವಾರ್ಷಿಕೋತ್ಸವದಲ್ಲಿ ಭಾಗವಹಿಸಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿ, ಬೀಜಿಂಗ್ ಮತ್ತು ನವದೆಹಲಿಯಲ್ಲಿ ಈಗಾಗಲೇ ಎರಡೂ ರಾಷ್ಟ್ರಗಳ ವಿಶೇಷ ಪ್ರತಿನಿಧಿಗಳು 15ನೇ ಸುತ್ತಿನ ಮಾತುಕತೆ ನಡೆಸಿದ್ದಾರೆ. ತ್ವೇಷಮಯ ವಾತಾವರಣ ಕೊನೆಗಾಣಿಸಲು ಗಡಿ ವಿವಾದ ಇತ್ಯರ್ಥಗೊಳಿಸುವುದು ಅನಿವಾರ್ಯ ಎಂದು ಅಭಿಪ್ರಾಯಪಟ್ಟರು.



ಭಾರತ-ಚೀನಾ ಯುದ್ಧಕ್ಕೆ 50 ವರ್ಷಗಳು ತುಂಬಿದ ಹಿನ್ನೆಲೆಯಲ್ಲಿ ಮಾತನಾಡಿದ ಸೇನಾ ಮುಖ್ಯಸ್ಥ ಜನರಲ್ ಬಿಕ್ರಂ ಸಿಂಗ್,  `1962ರ ಪರಿಸ್ಥಿತಿಪುನರಾವರ್ತನೆಯಾಗಲು ಸಾಧ್ಯವಿಲ್ಲ. ವೈರಿಗಳು ನಮ್ಮ ಗಡಿಯನ್ನು ದಾಟಿ ಒಳಬರಲು ಬಿಡಲಾರೆವು~ ಎಂದು ಭರವಸೆ ನೀಡಿದರು. 



 ನಿವೃತ್ತ ಸೇನಾ ಸಿಬ್ಬಂದಿ ಪಿಂಚಣಿ ವಿತರಣೆ ವ್ಯವಸ್ಥೆಗೆ ಸಂಬಂಧಿಸಿದಂತೆ ಅನೇಕ ವರ್ಷಗಳಿಂದ ನೆನೆಗುದಿಗೆ ಬಿದ್ದಿರುವ `ಒಂದೇ ದರ್ಜೆ, ಒಂದೇ ಪಿಂಚಣಿ~ ಬೇಡಿಕೆಯನ್ನು ಮುಕ್ತ ಮನಸ್ಸಿನಿಂದ ಪರಿಶೀಲಿಸುವುದಾಗಿ ಎಂದು ಆಂಟನಿ ಹಾಗೂ ಸಿಂಗ್ ಭರವಸೆ ನೀಡಿದರು.  

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry