ಚೆಸ್: ಮೈಸೂರಿನ ಮಾನಸ ಚಾಂಪಿಯನ್

7

ಚೆಸ್: ಮೈಸೂರಿನ ಮಾನಸ ಚಾಂಪಿಯನ್

Published:
Updated:
ಚೆಸ್: ಮೈಸೂರಿನ ಮಾನಸ ಚಾಂಪಿಯನ್

ಮೈಸೂರು: ಆತಿಥೇಯ ಮೈಸೂರಿನ ಎಚ್.ಆರ್. ಮಾನಸ ಕರ್ನಾಟಕ ರಾಜ್ಯ ಚೆಸ್ ಸಂಸ್ಥೆಯ ಮೈಸೂರು ವಿಭಾಗದ ಆಶ್ರಯದಲ್ಲಿ ನಡೆದ ಮಹಿಳಾ ಚೆಸ್ ಚಾಂಪಿಯನ್‌ಷಿಪ್‌ನಲ್ಲಿ ಭಾನುವಾರ ಚಾಂಪಿಯನ್ ಆಗಿ ಹೊರಹೊಮ್ಮಿದರು.



ಕಾವೇರಿ ಶಾಲೆಯಲ್ಲಿ ನಡೆದ ಟೂರ್ನಿಯ ಏಳು ಸುತ್ತುಗಳಲ್ಲಿ ಆರೂವರೆ (6.5) ಅಂಕಗಳನ್ನು  ಗಳಿಸಿಕೊಂಡ ಮೈಸೂರಿನ ಹುಡುಗಿ, ಆರು ಅಂಕ ಗಳಿಸಿದ ಮಂಗಳೂರಿನ ಕೆ. ಮಾನಸ ಅವರನ್ನು ಹಿಂದಿಕ್ಕಿದರು. 14 ವರ್ಷದ ಎಚ್.ಆರ್. ಮಾನಸ ಐದನೇ ಸುತ್ತಿನಲ್ಲಿ ಕೆ. ಮಾನಸ ವಿರುದ್ಧದ ಪಂದ್ಯವನ್ನು ಡ್ರಾ ಮಾಡಿಕೊಂಡಿದ್ದರು. ಅಂತಿಮ ಸುತ್ತಿನಲ್ಲಿ ಮೈಸೂರಿನವರೇ ಆದ ಬಿ.ಎನ್. ಗಂಗಮ್ಮ ಅವರನ್ನು ಮಣಿಸಿ ವಿಜಯದತ್ತ ಸಾಗಿದರು.

ಈ ವರ್ಷ 19 ವರ್ಷದೊಳಗಿನ ಬಾಲಕಿಯರ ರಾಜ್ಯ ಚಾಂಪಿಯನ್‌ಷಿಪ್‌ನಲ್ಲೂ ಮಾನಸ ಗೆದ್ದಿದ್ದರು.



ಈ ಟೂರ್ನಿಯಲ್ಲಿ ಮೊದಲ ನಾಲ್ಕು ಸ್ಥಾನ ಪಡೆದ ಎಚ್. ಆರ್. ಮಾನಸ, ಕೆ. ಮಾನಸ, ಎಂ. ತುಳಸಿ ಮತ್ತು ಜೆ. ಜೀವಿತಾ ಅವರು ಜುಲೈ 25ರಂದು ತಿರುಚ್ಚಿಯಲ್ಲಿ ನಡೆಯಲಿರುವ ರಾಷ್ಟ್ರೀಯ ಮಹಿಳಾ ಚೆಸ್ ಚಾಂಪಿಯನ್‌ಷಿಪ್‌ನಲ್ಲಿ ಕರ್ನಾಟಕ ತಂಡವನ್ನು ಪ್ರತಿನಿಧಿಸಲು ಅರ್ಹತೆ ಪಡೆದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry