ಜಿಲ್ಲಾ ಕ್ರೀಡಾಂಗಣ, ಈಜುಕೊಳಕ್ಕೆ ಕಾಯಕಲ್ಪ

7

ಜಿಲ್ಲಾ ಕ್ರೀಡಾಂಗಣ, ಈಜುಕೊಳಕ್ಕೆ ಕಾಯಕಲ್ಪ

Published:
Updated:

ಬಾಗಲಕೋಟೆ: ಮೂಲ ಸೌಲಭ್ಯದ ಕೊರತೆಯಿಂದ ಕಳೆಗುಂದಿದ್ದ ನವನಗರದ ಜಿಲ್ಲಾ ಕ್ರೀಡಾಂಗಣ ಮತ್ತು ಉತ್ತರ ಕರ್ನಾಟಕದ ಏಕೈಕ ಅಂತರರಾಷ್ಟ್ರೀಯ ಈಜುಕೊಳಕ್ಕೆ ಕಾಯಕಲ್ಪ ನೀಡುವ ಕಾರ್ಯ ಭರದಿಂದ ಸಾಗಿದೆ.



ನವೀಕರಣದ ಕುರಿತು `ಪ್ರಜಾವಾಣಿ~ಗೆ ಮಾಹಿತಿ ನೀಡಿದ ಯುವಜನಸೇವಾ ಮತ್ತು ಕ್ರೀಡಾ ಇಲಾಖೆಯ ಸಹಾಯಕ ನಿರ್ದೇಶಕ ದೊಡ್ಡ ಬಸವರಾಜು, ಕ್ರೀಡಾಂಗಣದ ನವೀಕರಣಕ್ಕೆ ಶಾಸಕ ವೀರಣ್ಣ ಚರಂತಿಮಠ ಅವರು ಬಿಟಿಡಿಎಯಿಂದ ರೂ.15 ಲಕ್ಷ ವಿಶೇಷ ಅನುದಾನ ನೀಡಿದ್ದಾರೆ ಎಂದರು.



ರೂ. 5 ಲಕ್ಷ ವೆಚ್ಚದಲ್ಲಿ ಕ್ರೀಡಾಂಗಣದಲ್ಲಿರುವ ಕ್ರೀಡಾ ಭವನ, ಕಂಪೌಂಡ್, ಪ್ರೇಕ್ಷಕರ ಗ್ಯಾಲರಿಗೆ ಸುಣ್ಣ-ಬಣ್ಣ ಬಳಿಯಲಾಗುತ್ತಿದೆ.  ರೂ. 5 ಲಕ್ಷ ವೆಚ್ಚದಲ್ಲಿ ಸುಸಜ್ಜಿತವಾದ ಹಾಕಿ, ಫುಟ್‌ಬಾಲ್, ಕ್ರಿಕೆಟ್ ಪಿಚ್, ಕಬಡ್ಡಿ,  ಖೋಖೋ ಅಂಗಣ, 400 ಮೀಟರ್ ಓಟದ ಟ್ರ್ಯಾಕ್, ಮಕ್ಕಳಿಗೆ ಕ್ರಿಕೆಟ್ ಅಭ್ಯಾಸಕ್ಕಾಗಿ ಪ್ರತ್ಯೇಕ ಅಂಕಣ ಸಿದ್ಧಗೊಳ್ಳುತ್ತಿದೆ.



ಈಜುಕೊಳವನ್ನು ರೂ 5 ಲಕ್ಷ ವೆಚ್ಚದಲ್ಲಿ ನವೀಕರಣ ಮಾಡಲಾಗುತ್ತಿದೆ (ಪಾಳುಬಿದ್ದಿದ್ದ ಈಜುಕೊಳದ ಬಗ್ಗೆ `ಪ್ರಜಾವಾಣಿ~ಯಲ್ಲಿ ವರ್ಷದ ಹಿಂದೆ ನಗರಸಂಚಾರದಲ್ಲಿ ಗಮನಸೆಳೆಯುವ ವಿಶೇಷ ವರದಿ ಪ್ರಕಟಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು). ಈಜುಕೊಳವನ್ನು ರಾಮು ರಾಠೋಡ ಎಂಬುವವರಿಗೆ ಟೆಂಡರ್ ಮೂಲಕ ಎರಡು ವರ್ಷದ ಅವಧಿಗೆ ರೂ. ಒಂದು ಲಕ್ಷಕ್ಕೆ ಟೆಂಡರ್ ನೀಡಲಾಗಿದೆ.



ರೂ. 5 ಲಕ್ಷ ವೆಚ್ಚದಲ್ಲಿ ಕ್ರೀಡಾಂಗಣದ ಸುತ್ತ ಇರುವ ವಿದ್ಯುತ್ ಕಂಬಗಳನ್ನು ದುರಸ್ತಿಗೊಳಿಸಿ, ವಿದ್ಯುತ್ ಸಂಪರ್ಕ ಕಲ್ಪಿಸಲು ಮತ್ತು ಬಾಕಿ ಇರುವ ವಿದ್ಯುತ್ ಶುಲ್ಕವನ್ನು ಭರಿಸಲು ಬಳಸಲಾಗುತ್ತಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry