ಜಿಲ್ಲೆಯಾದ್ಯಂತ ಮಳೆಯ ಅಬ್ಬರ

ಸೋಮವಾರ, ಮೇ 27, 2019
24 °C

ಜಿಲ್ಲೆಯಾದ್ಯಂತ ಮಳೆಯ ಅಬ್ಬರ

Published:
Updated:

ಮಡಿಕೇರಿ: ಕೊಡಗು ಜಿಲ್ಲೆಯಲ್ಲಿ ಕಳೆದ ನಾಲ್ಕು ದಿನಗಳಿಂದ ಮಳೆಯ ಅಬ್ಬರ ಮುಂದುವರಿದಿದೆ. ಜಿಲ್ಲೆಯಲ್ಲಿ ಜೂನ್, ಜುಲೈ ತಿಂಗಳಲ್ಲಿ ಮುಂಗಾರು ಮಳೆ ಅತ್ಯಧಿಕ ಸುರಿಯುವುದು ಸಾಮಾನ್ಯ. ಅನಂತರ ಆಗಸ್ಟ್, ಸೆಪ್ಟೆಂಬರ್, ಅಕ್ಟೋಬರ್‌ನಲ್ಲಿ ಸಾಧಾರಣ ಮಳೆಯಾಗುತ್ತದೆ.



ಆದರೆ ವಾಯುಭಾರ ಕುಸಿತದ ಪರಿಣಾಮ ಜಿಲ್ಲೆಯಲ್ಲಿ ಮಳೆಯ ಆರ್ಭಟ ಮುಂದುವರಿದಿದ್ದು ಜೀವ ನದಿ ಕಾವೇರಿ ಮೈದುಂಬಿ ಹರಿಯುತ್ತಿದೆ. ತ್ರಿವೇಣಿ ಸಂಗಮ ಭಾಗಮಂಡಲದಲ್ಲಿ ಜನಜೀವನ ಅಸ್ತವ್ಯಸ್ತ ಗೊಂಡಿದೆ.



ಹೆಚ್ಚು ಮಳೆ: ಕೊಡಗು ಜಿಲ್ಲೆಯಲ್ಲಿ ಜನವರಿಯಿಂದ ಆಗಸ್ಟ್ ಅಂತ್ಯದ ವರೆಗೆ 2009ರಲ್ಲಿ 2094.21 ಮಿ.ಮೀ., 2010ರಲ್ಲಿ 1714.32 ಮಿ.ಮೀ. ಈ ವರ್ಷದಲ್ಲಿ 2178.04 ಮಿ.ಮೀ. ಮಳೆಯಾಗಿದೆ.

ಮಡಿಕೇರಿ ತಾಲ್ಲೂಕಿನಲ್ಲಿ ಜನವರಿ ಯಿಂದ ಆಗಸ್ಟ್ ಅಂತ್ಯದ ವರೆಗೆ 2009ರಲ್ಲಿ 2893.19 ಮಿ.ಮೀ., 2010 ರಲ್ಲಿ 2504.19 ಮಿ.ಮೀ., 2011ರಲ್ಲಿ 3033.26 ಮಿ.ಮೀ. ಮಳೆಯಾಗಿದ್ದು, ಈ ವರ್ಷ ಶೇ.112.83ರಷ್ಟು ಮಳೆಯಾಗಿದ್ದು, ವಾಡಿಕೆಗಿಂತ ಹೆಚ್ಚು ಮಳೆ ಆಗಿದೆ.



ಸೋಮವಾರಪೇಟೆ ತಾಲ್ಲೂಕಿನಲ್ಲಿ ಜನವರಿಯಿಂದ ಆಗಸ್ಟ್ ಅಂತ್ಯದವರೆಗೆ 2009ರಲ್ಲಿ 1418.38 ಮಿ.ಮೀ., 2010ರಲ್ಲಿ 1244.05 ಮಿ.ಮೀ., 2011ರಲ್ಲಿ 1458.72 ಮಿ.ಮೀ. ಮಳೆಯಾಗಿದ್ದು, ಈ ವರ್ಷ ಶೇ.83.03 ಮಿ.ಮೀ. ಮಳೆಯಾಗಿದೆ. 



ವಿರಾಜಪೇಟೆ ತಾಲ್ಲೂಕಿನಲ್ಲಿ ಜನವರಿಯಿಂದ ಆಗಸ್ಟ್ ಅಂತ್ಯದವರೆಗೆ 2009ರಲ್ಲಿ 1971.09 ಮಿ.ಮೀ., 2010ರಲ್ಲಿ 1394.71 ಮಿ.ಮೀ., 2011ರಲ್ಲಿ 2042.10 ಮಿ.ಮೀ. ಮಳೆಯಾಗಿದ್ದು, ಈ ವರ್ಷ ಶೇ.94. 88 ಮಿ.ಮೀ.ನಷ್ಟು ಮಳೆಯಾಗಿದೆ. 



ಅತಿವೃಷ್ಟಿಯಿಂದ ರೂ 3629.23 ಲಕ್ಷ ಹಾನಿ:- ಜೂನ್‌ನಿಂದ ಆಗಸ್ಟ್‌ವರೆಗೆ ಜಿಲ್ಲೆಯಲ್ಲಿ ಅತಿವೃಷ್ಟಿಯಿಂದ ಸುಮಾರು ರೂ 3629.23 ಲಕ್ಷ ನಷ್ಟ ಉಂಟಾಗಿದೆ ಎಂದು ಅಂದಾಜು ಮಾಡಲಾಗಿದೆ.



ಜೂನ್‌ನಿಂದ ಆಗಸ್ಟ್‌ವರೆಗೆ ಜಿಲ್ಲೆಯಲ್ಲಿ ಇಬ್ಬರು ಪ್ರಾಣ ಕಳೆದುಕೊಂಡಿದ್ದು, ಮೃತರ ಕುಟುಂ ಬಕ್ಕೆ ತಲಾ 1 ಲಕ್ಷ ಪರಿಹಾರ ನೀಡಲಾಗಿದೆ. ಸುಮಾರು 10 ಜಾನುವಾರುಗಳಿಗೆ ಪ್ರಾಣ ಹಾನಿಯಾಗಿದ್ದು, ಸುಮಾರು ರೂ 88 ಸಾವಿರ ನಷ್ಟವಾಗಿದ್ದು, ಈಗಾಗಲೇ  7 ಜಾನುವಾರು ಪ್ರಕರಣಗಳ ಕುಟುಂಬದವರಿಗೆ ರೂ 47 ಸಾವಿರ ಪರಿಹಾರ ವಿತರಿಸಲಾಗಿದೆ. 



ಜಿಲ್ಲೆಯಲ್ಲಿ 105 ವಾಸದ ಮನೆಗಳು ಅತಿವೃಷ್ಟಿಗೆ ಹಾನಿಯಾ ಗಿದ್ದು, ಸುಮಾರು ರೂ 15.57 ಲಕ್ಷ ನಷ್ಟವಾಗಿದೆ ಎಂದು ಅಂದಾಜಿಸ ಲಾಗಿದೆ. ಈಗಾಗಲೇ 92 ವಾಸದ ಮನೆಗಳ ಹಾನಿಗೆ ರೂ 21.15 ಲಕ್ಷ ಪರಿಹಾರ ಪಾವತಿಸಲಾಗಿದೆ. ಸುಮಾರು 3.2 ಹೆಕ್ಟೇರ್ ಪ್ರದೇಶದಲ್ಲಿ ಕೃಷಿ ಬೆಳೆ ಹಾನಿಯಾಗಿದ್ದು, ರೂ. 63 ಸಾವಿರ ನಷ್ಟು ನಷ್ಟವಾಗಿದೆ ಎಂದು ಅಂದಾಜಿಸಲಾಗಿದೆ.



ಒಟ್ಟಾರೆ ಅತಿವೃಷ್ಟಿಯಿಂದ ಜೂನ್‌ನಿಂದ ಆಗಸ್ಟ್‌ವರೆಗೆ ಜಿಲ್ಲೆಯಲ್ಲಿ ನಗರ ಸಭೆ ವ್ಯಾಪ್ತಿಯ ಪ್ರದೇಶದಲ್ಲಿ ರೂ 70.00 ಲಕ್ಷ ಮೊತ್ತದಷ್ಟು ನಷ್ಟವಾಗಿದೆ.



ಮೂರು ತಾ.ಪಂ. ವ್ಯಾಪ್ತಿಯ ಗ್ರಾಮೀಣ ರಸ್ತೆ, ಸೇತುವೆ, ಕಾಲುವೆ, ಕುಡಿಯುವ ನೀರು ಮತ್ತಿತ್ತರ ಹಾನಿ ರೂ 139.00 ಲಕ್ಷ, ಜಿ.ಪಂ. ವ್ಯಾಪ್ತಿಯಲ್ಲಿ ರೂ 2472.00 ಲಕ್ಷ ನಷ್ಟು, ಲೋಕೋಪಯೋಗಿ ಇಲಾಖೆ ವ್ಯಾಪ್ತಿಯಲ್ಲಿ ರೂ 762 ಲಕ್ಷ ನಷ್ಟು, ಸಣ್ಣ ನೀರಾವರಿ ಇಲಾಖೆ ವ್ಯಾಪ್ತಿಯಲ್ಲಿ ರೂ 140 ಲಕ್ಷ ನಷ್ಟು, ಸೆಸ್ಕ್‌ನಲ್ಲಿ ರೂ 29.15 ಲಕ್ಷ ನಷ್ಟು. ಒಟ್ಟಾರೆ ಸಾರ್ವಜನಿಕರ ಆಸ್ತಿ ಪಾಸ್ತಿ ಹಾನಿ ಸೇರಿದಂತೆ ರೂ 3612.15 ಲಕ್ಷ ನಷ್ಟು ಅತಿವೃಷ್ಟಿಯಿಂದ ಹಾನಿಯಾಗಿದೆ ಎಂದು ಅಂದಾಜಿಸಲಾಗಿದ್ದು ಸರ್ಕಾರಕ್ಕೆ ವರದಿ ಕಳುಹಿಸಲಾಗಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry