ಬುಧವಾರ, ಮೇ 25, 2022
30 °C

ಟಿಡಿಪಿ ಸಂಸದನ ಮನೆಗೆ ಐಟಿ ದಾಳಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹೈದರಾಬಾದ್ (ಐಎಎನ್‌ಎಸ್): ತೆಲುಗುದೇಶಂ ಪಕ್ಷದ (ಟಿಡಿಪಿ) ಸಂಸದ ನಾಮ ನಾಗೇಶ್ವರ ರಾವ್ ಇವರಿಗೆ ಸೇರಿದ ವಿವಿಧ ರಾಜ್ಯಗಳಲ್ಲಿರುವ ಮನೆಗಳು, ಕಚೇರಿಗಳಲ್ಲಿ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ಶುಕ್ರವಾರ ದಾಳಿ ನಡೆಸಿದರು.



ಬೆಂಗಳೂರು, ಚೆನ್ನೈ, ಮುಂಬೈ,  ನವದೆಹಲಿ ಹಾಗೂ ಹೈದರಾಬಾದ್ ನಗರಗಳಲ್ಲಿ ಇರುವ ನಾಗೇಶ್ವರ ರಾವ್ ಅವರ ಮಾಲೀಕತ್ವದ ಮನೆಗಳು, ಕಂಪೆನಿಗಳ ಕಚೇರಿಗಳ ಮೇಲೆ ಏಕಕಾಲಕ್ಕೆ ದಾಳಿ ನಡೆಸಿದ ಅಧಿಕಾರಿಗಳು ವಿವಿಧ ದಾಖಲೆ ಪತ್ರಗಳಿಗಾಗಿ ಶೋಧನೆ ನಡೆಸಿದರು.



ಆಂಧ್ರಪ್ರದೇಶದ ಕಮ್ಮಂ ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿ ರಾವ್ ಅವರಿಗೆ ಸೇರಿದ ‘ಮಧುಕನ್ ಗ್ರೂಪ್ ಆಫ್ ಕಂಪೆನಿಸ್’, ಇದರ ಅಂಗ ಸಂಸ್ಥೆ  ‘ಮಧುಕನ್ ಇನ್‌ಫ್ರಾ’ ಉದ್ಯಮಗಳೂ ಇವೆ. ಎಲ್ಲಿಯೂ ಶೋಧನೆ ನಡೆಸಲಾಗಿದೆ. ಸಂಸದ ರಾವ್ 173 ಕೋಟಿ ರೂಪಾಯಿ ಮೌಲ್ಯದ ಆಸ್ತಿಪಾಸ್ತಿ ಹೊಂದಿದ್ದು, ಲೋಕಸಭೆಯ ಹಾಲಿ ಸಂಸದರಲ್ಲಿಯೇ  ಹೆಚ್ಚು ಶ್ರೀಮಂತರಾಗಿದ್ದಾರೆ. ಭಾರಿ ಮೊತ್ತದ ತೆರಿಗೆ ಪಾವತಿಸದ ಕಾರಣ ನಾಗೇಶ್ವರ ರಾವ್ ಅವರ ಮನೆ ಮೇಲೆ ದಾಳಿ ನಡೆದಿದೆ ಎನ್ನಲಾಗಿದೆ.




 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.