ಟಿಬೆಟನ್ನರ ಸ್ವಾಯತ್ತತೆಗೆ ಕರೆ

7

ಟಿಬೆಟನ್ನರ ಸ್ವಾಯತ್ತತೆಗೆ ಕರೆ

Published:
Updated:

ಧರ್ಮಶಾಲ (ಐಎಎನ್‌ಎಸ್): ಟಿಬೆಟನ್ನರ ಧಾರ್ಮಿಕ ಗುರು ದಲೈಲಾಮ ಪ್ರತ್ಯೇಕತಾವಾದಿ ಅಲ್ಲ ಎಂದು ದಕ್ಷಿಣ ಆಫ್ರಿಕಾದ ವರ್ಣಭೇದ ನೀತಿ ವಿರುದ್ಧ ಹೋರಾಟ ನಡೆಸುತ್ತಿರುವ ನೊಬೆಲ್ ಪ್ರಶಸ್ತಿ ಪುರಸ್ಕೃತ ಆರ್ಚ್‌ಬಿಷಪ್ ಡೆಸ್ಮಂಡ್ ಟುಟು ಹೇಳಿದ್ದಾರೆ.



`ಅವರ (ದಲೈಲಾಮ) ಬಳಿ ಸೇನೆ ಇಲ್ಲ. ಜನರಿಗೆ ಬಂದೂಕು ನೀಡಿ ನಿಯಂತ್ರಿಸುವ ಶಕ್ತಿಯೂ ಇಲ್ಲ~ ಎಂದು ಟುಟು ಚೀನಾಗೆ ಸಂದೇಶ ನೀಡಿದ್ದಾರೆ.



`ನಿಮ್ಮನ್ನು (ಚೀನಾ ನಾಯಕರು) ಬೇಡಿಕೊಳ್ಳುತ್ತೇವೆ. ಟಿಬೆಟ್ ಜನರಿಗೆ ಸ್ವಾಯತ್ತತೆ ನೀಡಿ. ನಿಮ್ಮ ಸಂವಿಧಾನದಲ್ಲಿ ಇದಕ್ಕೆ ಅವಕಾಶವೂ ಇದೆ.  ದಲೈಲಾಮ ಮತ್ತು ಟಿಬೆಟ್ ಜನರ ಬೇಡಿಕೆಯನ್ನು ಈಡೇರಿಸಿ~ ಎಂದು ಮನವಿ ಮಾಡಿದರು. `ನಾವೀಗ ನೈತಿಕ ಜಗತ್ತಿನಲ್ಲಿದ್ದೇವೆ. ಹಾಗಾಗಿ ಅನ್ಯಾಯ ಮಾಡಲು ಯಾರಿಗೂ ಹಕ್ಕಿಲ್ಲ. ದಬ್ಬಾಳಿಕೆಗೆ ಅವಕಾಶ ನೀಡಬೇಡಿ~ ಎಂದೂ ಹೇಳಿದರು.



`ಸ್ವಾಯತ್ತ ಟಿಬೆಟ್‌ಗೆ ಭೇಟಿ ನೀಡಬೇಕು ಎನ್ನುವ ಹಂಬಲ ಇದೆ. ಆ ಅವಕಾಶಕ್ಕಾಗಿ ಕಾಯುತ್ತೇನೆ~ ಎಂದು ಟಿಬೆಟನ್ನರನ್ನು ಕುರಿತು ಹೇಳಿದರು.



ದೀರ್ಘಕಾಲದ ಸ್ನೇಹಿತರಾದ ದಲೈಲಾಮ ಅವರನ್ನು ಭೇಟಿ ಮಾಡುವ ಸಲುವಾಗಿಯೇ ಟುಟು ಇಲ್ಲಿಗೆ ಭೇಟಿ ನೀಡಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry