ಭಾನುವಾರ, ಜನವರಿ 26, 2020
29 °C

ಟೆಕ್ಸಾಸ್‌ ಕಾರ್ಯ­ದರ್ಶಿ ಹುದ್ದೆಗೆ ಭಾರತ ಮೂಲದ ನಂದಿತಾ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವಾಷಿಂಗ್ಟನ್‌ (ಐಎಎನ್‌ಎಸ್‌): ಹೈದ­ರಾ­ಬಾದ್‌ ಮೂಲದ ಅಟಾರ್ನಿ ನಂದಿತಾ ವೆಂಕಟೇಶ್ವರನ್‌ ಬೆರ್ರಿ ಅವ­ರನ್ನು ಅಮೆರಿಕದ ಟೆಕ್ಸಾಸ್‌ ರಾಜ್ಯದ ಮುಖ್ಯ ಕಾರ್ಯ­ದರ್ಶಿಯಾಗಿ ನೇಮಕ ಮಾಡಲಾಗಿದೆ.



ಈ ದಕ್ಷಿಣ ರಾಜ್ಯದ ಮೂರನೇ ಅತ್ಯು­ನ್ನತ ಶ್ರೇಣಿಯ ಹುದ್ದೆ ಅಲಂಕರಿ­ಸಿರುವ ಮೊದಲ ಭಾರತೀಯ ಇವರಾಗಿದ್ದಾರೆ. ಜ. 7ರಂದು ನಂದಿತಾ ಅಧಿಕಾರ ವಹಿ­ಸಿ­­­-ಕೊಳ್ಳಲಿದ್ದಾರೆ. ಈ ಹುದ್ದೆ­ಯೊಂದಿಗೆ ರಾಜ್ಯದ ಮುಖ್ಯ ಚುನಾ­ವಣಾ ಅಧಿಕಾರಿ ಹುದ್ದೆಯನ್ನೂ ಅವರು ನಿರ್ವಹಿಸಲಿ­ದ್ದಾರೆ.



ಗಡಿ, ಮೆಕ್ಸಿಕನ್‌ ವ್ಯವಹಾರ ಮತ್ತು ಅಂತರರಾಷ್ಟ್ರೀಯ ವಿಷಯಗಳಿಗೆ ಸಂಬಂ­ಧಿಸಿದಂತೆ ರಾಜ್ಯದ ಮುಖ್ಯ ಶಿಷ್ಟಾಚಾರ ಅಧಿಕಾರಿಯಾಗಿ ನಂದಿತಾ,  ರಾಜ್ಯ­ಪಾ­ಲ­ರೊಂದಿಗೆ ಸಂಪರ್ಕದಲ್ಲಿರುತ್ತಾರೆ.



21ನೇ ವಯಸ್ಸಿನಲ್ಲಿ ಟೆಕ್ಸಾಸ್‌ಗೆ ಬಂದ ನಂದಿತಾ, ಕಾನೂನು ಪದವಿ­ಪಡೆಯಲು ಶ್ರದ್ಧೆಯಿಂದ ಕೆಲಸ ಮಾಡಿ­ದರು. ಬಳಿಕ ರಾಜ್ಯದ ಹೆಸರಾಂತ ಅಟಾರ್ನಿಗಳಲ್ಲಿ ಒಬ್ಬರಾದರು.



‘ಟೆಕ್ಸಾನ್‌ನ ಮೊದಲ ಕಾರ್ಯದರ್ಶಿ ಸ್ಟೀಫನ್‌ ಎಫ್‌. ಆಸ್ಟಿನ್‌ ಅವರು ಸಾಗಿದ ಮಾರ್ಗದಲ್ಲೇ ಸಾಗಬೇಕೆಂದು ನಿರ್ಧ­ರಿಸಿದೆ’ ಎಂದು ನಂದಿತಾ ಹೇಳಿದರು.

ಪ್ರತಿಕ್ರಿಯಿಸಿ (+)