ಟೆನಿಸ್: ಭಾರತದ ಸವಾಲು ಅಂತ್ಯ

7

ಟೆನಿಸ್: ಭಾರತದ ಸವಾಲು ಅಂತ್ಯ

Published:
Updated:

ತಾಷ್ಕೆಂಟ್ (ಪಿಟಿಐ): ಯೂಕಿ ಭಾಂಬ್ರಿ, ವಿಷ್ಣುವರ್ಧನ್ ಮತ್ತು ಸನಮ್ ಸಿಂಗ್ ಅವರು ಇಲ್ಲಿ ನಡೆಯುತ್ತಿರುವ ತಾಷ್ಕೆಂಟ್ ಎಟಿಪಿ ಚಾಲೆಂಜರ್ ಟೆನಿಸ್ ಟೂರ್ನಿಯ ಮೊದಲ ಸುತ್ತಿನಲ್ಲೇ ಸೋಲು ಅನುಭವಿಸಿದರು. ಇದರೊಂದಿಗೆ ಟೂರ್ನಿಯಲ್ಲಿ ಭಾರತದ ಸವಾಲಿಗೆ ತೆರೆಬಿದ್ದಿದೆ.



ಯೂಕಿ ಅವರು ಇಲ್ಲಿ ನೇರವಾಗಿ ಪ್ರಧಾನ ಸುತ್ತಿನಲ್ಲಿ ಆಡಲು ಅರ್ಹತೆ ಪಡೆದಿದ್ದರೆ, ಸನಮ್ ಮತ್ತು ವಿಷ್ಣು ಅರ್ಹತಾ ಸುತ್ತಿನಲ್ಲಿ ಗೆದ್ದು ಬಂದಿದ್ದರು. ಆದರೆ ಎರಡನೇ ಸುತ್ತು ಪ್ರವೇಶಿಲು ಮೂವರೂ ವಿಫಲರಾದರು.



ಯೂಕಿ 1-6, 3-6 ರಲ್ಲಿ ಸ್ಲೊವೇಕಿಯದ ಕರೊಲ್ ಬೆಕ್ ಎದುರು ಪರಾಭವಗೊಂಡರೆ, ವಿಷ್ಣು 3-6, 4-6 ರಲ್ಲಿ ರಷ್ಯಾದ ಇಗೋರ್ ಕುನಿಸ್ತಿನ್ ಕೈಯಲ್ಲಿ ಸೋಲು ಅನುಭವಿಸಿದರು. ಒಲೆಕ್ಸಾಂಡರ್ ನೆದೊವೆಸೋವ್ 6-0, 6-4 ರಲ್ಲಿ ಸನಮ್ ವಿರುದ್ಧ ಗೆಲುವು ಪಡೆದರು.



ಡಬಲ್ಸ್ ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಏಕೈಕ ಜೋಡಿ ಯೂಕಿ ಮತ್ತು ದಿವಿಜ್ ಶರಣ್ ಮೊದಲ ಸುತ್ತಿನಲ್ಲೇ ಎಡವಿತು. ಜರ್ಮನಿಯ ಆಂಡ್ರೆ ಬೆಗೆಮನ್ ಮತ್ತು ಮಾರ್ಟಿನ್ ಎಮ್ರಿಚ್ 6-4, 6-4 ರಲ್ಲಿ ಭಾರತದ ಆಟಗಾರರನ್ನು ಮಣಿಸಿ ಎರಡನೇ ಸುತ್ತಿಗೆ ಮುನ್ನಡೆದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry