ಭಾನುವಾರ, ಆಗಸ್ಟ್ 1, 2021
26 °C

ಡುಗಾಂಗ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಡುಗಾಂಗ್

ಇದೊಂದು ಬೃಹತ್ ಬಂಡೆಯಂಥ ಪ್ರಾಣಿ. ನೋಡಿದಾಕ್ಷಣ ಭಯಹುಟ್ಟಿಸುವಂತೆ ಇರುವ ಇದು ಸಸ್ಯಗಳನ್ನು ತಿನ್ನುವ ಸಾಧುಪ್ರಾಣಿ.ಅದರ ಹೆಸರು ಡುಗಾಂಗ್. ಬೆಳಗಿನ ಹೊತ್ತು ವಿಶ್ರಾಂತಿ ಪಡೆಯುವ ಡುಗಾಂಗ್ ರಾತ್ರಿ ವೇಳೆ ಆಹಾರ ಹುಡುಕುತ್ತದೆ. ಅದು ತುಂಬಾ ಪರಿಣತ ಈಜುಗಾರ. ಪ್ರತೀ ಮುಳುಗಿಗೂ ಗಾಳಿಯಲ್ಲಿ ಉಸಿರಾಡಲು ನೀರ ಮೇಲೆ ಬರುವ ಇದು ನಾಚಿಕೆಯ ಸ್ವಭಾವದ ಪ್ರಾಣಿ. ಹಾಗೆಯೇ ಮೌನವಾಗಿ ಈಜುವ ನಿಧಾನದ ಪ್ರಾಣಿ. ತಮ್ಮ ಬೃಹತ್ ಗಾತ್ರದಿಂದ ಭಯ ಹುಟ್ಟಿಸುವ ಇವು 3 ಮೀಟರ್ ಉದ್ದ ಬೆಳೆಯುತ್ತವೆ.



ಆಸ್ಟ್ರೇಲಿಯಾದಲ್ಲಿ ಕಂಡುಬರುವ ಈ ಪ್ರಾಣಿ ನೀರಿನಲ್ಲೇ ತನ್ನ ಜೀವನದ ಹೆಚ್ಚು ಅವಧಿ ಕಳೆಯುತ್ತದೆ. ಆದರೆ ಅದು ಮೀನಿನ ಜಾತಿಗೆ ಸೇರುವುದಿಲ್ಲ. ಸಸ್ತನಿಯ ಗುಂಪಿಗೆ ಸೇರುತ್ತದೆ. ಕೂದಲಿರದ, ಕಠಿಣವಾದ, ಗಟ್ಟಿಯಾದ, ನೆರಿಗೆಗಳಿಲ್ಲದ ಚರ್ಮ ಅದಕ್ಕಿದೆ.



ಅದರ ಕೊಬ್ಬಿನಿಂದ ಮಾಡಬಹುದಾದ ಎಣ್ಣೆಗಾಗಿ ಮತ್ತು ಮಾಂಸಕ್ಕಾಗಿ ಅದನ್ನು ಬೇಟೆಯಾಡಲಾಗುತ್ತಿದೆ. ಅದರ ಹಲ್ಲುಗಳಿಂದ ಮಾಡುವ ಹಾರವನ್ನು ಧರಿಸಿದರೆ  ದೆವ್ವಗಳ ಕಾಟ ಇರುವುದಿಲ್ಲ ಎಂಬ ನಂಬಿಕೆಯೂ ಆ ಭಾಗದ ಕೆಲವು ಜನರಲ್ಲಿದೆ. ಅದರಿಂದ ಅವು ಅವನತಿಯ ಹಂತ ತಲುಪುತ್ತಿವೆ. ರಕ್ಷಿಸದಿದ್ದರೆ ಅವು ಕೆಲವೇ ವರ್ಷಗಳಲ್ಲಿ ನಾಶವಾಗುತ್ತವೆ ಎಂದು ತಜ್ಞರು ಅಂದಾಜು ಮಾಡಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.