ಮಂಗಳವಾರ, ಜೂನ್ 15, 2021
20 °C

ತಗ್ಗಿದ ಸಕ್ಕರೆ ತಯಾರಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ(ಪಿಟಿಐ): ಪ್ರಸಕ್ತ ಮಾರು­ಕಟ್ಟೆ ವರ್ಷದ (ಅಕ್ಟೋಬರ್‌–ಸೆಪ್ಟೆಂಬ­ರ್‌) ಮಾರ್ಚ್‌ 15ರವರೆಗೆ ದೇಶದ ಒಟ್ಟಾರೆ ಸಕ್ಕರೆ ತಯಾರಿಕೆ ಶೇ 8.5ರಷ್ಟು ಕುಸಿದಿದ್ದು, 193.8 ಲಕ್ಷ ಟನ್‌ಗಳಿಗೆ ಇಳಿದಿದೆ ಎಂದು ಭಾರತೀಯ ಸಕ್ಕರೆ ಕಾರ್ಖಾ­ನೆಗಳ ಒಕ್ಕೂಟ (ಐಎಸ್‌ಎಂಎ) ಹೇಳಿದೆ.

ಕಳೆದ ಮಾರುಕಟ್ಟೆ ವರ್ಷದಲ್ಲಿ 251 ಲಕ್ಷ ಟನ್‌ ಸಕ್ಕರೆ ತಯಾರಿ­ಸಲಾಗಿತ್ತು.



ಈ ಬಾರಿ, ಮಧ್ಯಪ್ರದೇಶ, ಉತ್ತರ­ಪ್ರದೇಶ, ಆಂಧ್ರಪ್ರದೇಶ ಮತ್ತು ಗುಜರಾ­ತ್‌ನಲ್ಲಿ ಸಕ್ಕರೆ ತಯಾರಿಕೆ ಕಡಿಮೆ ಆಗಿದೆ. ಹಲವು ರಾಜ್ಯಗಳಲ್ಲಿ ಕಬ್ಬು ಅರೆ ಯುವಿಕೆ ಕಾರ್ಯ ಇನ್ನೂ ನಡೆ­ಯುತ್ತಿದೆ. ಮಾ.15ರವರೆಗಿನ ಅಂಕಿ ಅಂಶದಂತೆ ದೇಶದಾದ್ಯಂತ 428 ಸಕ್ಕರೆ ಕಾರ್ಖಾ­ನೆ ಗಳಲ್ಲಿ ಕಬ್ಬು ಅರೆಯುವಿಕೆ ನಡೆಯು ತ್ತಿದೆ.



ಮಹಾರಾಷ್ಟ್ರದಲ್ಲಿ ಮಾ.15ರವರೆಗೆ 64 ಲಕ್ಷ ಟನ್‌ ಸಕ್ಕರೆ ತಯಾರಿ­ಸಲಾಗಿದೆ. ಕಳೆದ ವರ್ಷದ ಇದೇ ಅವಧಿ­ಯಲ್ಲಿ 72 ಲಕ್ಷ ಟನ್‌ ಸಕ್ಕರೆ ತಯಾರಿ­ಸ ಲಾಗಿತ್ತು. ಉತ್ತರ ಪ್ರದೇಶ­ದಲ್ಲೂ ಸಕ್ಕರೆ ತಯಾರಿಕೆ 58 ಲಕ್ಷ ಟನ್‌ಗಳಿಂದ 50 ಲಕ್ಷ ಟನ್‌ಗೆ ಇಳಿದಿದೆ.  ಗುಜರಾ­ತ್‌ನಲ್ಲಿ 9.70 ಲಕ್ಷ ಟನ್‌ ಮತ್ತು ಆಂಧ್ರಪ್ರದೇಶ ದಲ್ಲಿ 8.80 ಲಕ್ಷ ಟನ್‌ ಸಕ್ಕರೆ ತಯಾರಿಕೆ ದಾಖ­ಲಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿ ದರೆ ಇದು ಶೇ 4ರಷ್ಟು ಕಡಿಮೆ ಇದೆ. ತಮಿಳು­ನಾಡಿನಲ್ಲಿ ಸಕ್ಕರೆ ತಯಾರಿಕೆ ಕಳೆದ ವರ್ಷದ 11.50 ಲಕ್ಷ ಟನ್‌ಗ ಳಿಂದ ಎಂಟು ಲಕ್ಷ ಟನ್‌ಗಳಿಗೆ  ಇಳಿದಿದೆ ಎಂದೂ ‘ಐಎಸ್‌ಎಂಎ’ ಹೇಳಿದೆ.



ಈ ನಡುವೆ, ಕರ್ನಾಟಕದಲ್ಲಿ ಸಕ್ಕರೆ ತಯಾರಿಕೆ ಶೇ 8ರಷ್ಟು ಹೆಚ್ಚಿದೆ. ಮಾ. 15ರವರೆಗೆ ರಾಜ್ಯದಲ್ಲಿ 3.45 ಲಕ್ಷ ಟನ್‌ಗಳಷ್ಟು ಸಕ್ಕರೆ ತಯಾರಿ­ಸಲಾಗಿದೆ.

ಅಕ್ಟೋಬರ್‌–ಫೆಬ್ರುವರಿ ಅವಧಿ ಯಲ್ಲಿ ಸಕ್ಕರೆ ಕಾರ್ಖಾನೆಗಳು 10 ಲಕ್ಷ ಟನ್‌ ಕಚ್ಚಾ ಸಕ್ಕರೆ ತಯಾ­ರಿಸಿವೆ. ಇದ ರಲ್ಲಿ 6 ಲಕ್ಷ ಟನ್‌ ರಫ್ತಾ­ಗಿದೆ ಎಂದೂ ‘ಐಎಸ್‌ಎಂಎ’ ಹೇಳಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.