ತಪ್ಪಿತಸ್ಥರಿಗೆ ಉಗ್ರ ಶಿಕ್ಷೆ ನೀಡಿ

7
ಅತ್ಯಾಚಾರ: ಸಂತ್ರಸ್ತೆ ಪೋಷಕರ ಆಗ್ರಹ

ತಪ್ಪಿತಸ್ಥರಿಗೆ ಉಗ್ರ ಶಿಕ್ಷೆ ನೀಡಿ

Published:
Updated:

ನವದೆಹಲಿ (ಪಿಟಿಐ): ಕೋಲ್ಕತ್ತದಲ್ಲಿ ಸಾಮೂಹಿಕ ಅತ್ಯಾಚಾರಕ್ಕೆ ಒಳಗಾಗಿ ಕೊಲೆಯಾದ ಬಿಹಾರದ ಯುವತಿಯ ಕುಟುಂಬದವರು ರಾಷ್ಟ್ರಪತಿ ಪ್ರಣವ್‌್ ಮುಖರ್ಜಿ ಅವರನ್ನು ಮಂಗಳವಾರ ಭೇಟಿಯಾಗಿ, ತಪ್ಪಿತಸ್ಥರಿಗೆ ಉಗ್ರ ಶಿಕ್ಷೆ ನೀಡಬೇಕೆಂದು ಒತ್ತಾಯಿಸಿದರು.



ರಾಷ್ಟ್ರಪತಿ ಭವನದಲ್ಲಿ ಮುಖರ್ಜಿ ಅವರನ್ನು ಭೇಟಿಯಾದ ಕುಟುಂಬದ ಸದಸ್ಯರ ಜತೆ ಸಿಪಿಎಂ ಪಾಲಿಟ್‌­ಬ್ಯುರೊ ಸದಸ್ಯೆ ಬೃಂದಾ ಕಾರಟ್‌್ ಮತ್ತಿತರ ಮಹಿಳಾ ಮುಖಂಡರು ಕೂಡ ಇದ್ದರು.



ಅಕ್ಟೋಬರ್‌ನಲ್ಲಿ ಈ ಯುವತಿ ಮೇಲೆ ಎರಡು ಬಾರಿ ಸಾಮೂಹಿಕ ಅತ್ಯಾಚಾರ ನಡೆದಿತ್ತು. ನಂತರ ಕಾಮುಕರು ಆಕೆಯನ್ನು ಸಜೀವದಹನ ಮಾಡಲು ಯತ್ನಿಸಿದ್ದರು. ಸುಟ್ಟಗಾಯಗಳಿಂದಾಗಿ ಡಿಸೆಂಬರ್‌್ 23ರಂದು  ಆಕೆ ಕೊನೆಯುಸಿರೆಳೆದಿದ್ದಳು.



ತನಿಖೆಗೆ ಆಗ್ರಹ: ‘ಯುವತಿಯ ಕುಟುಂಬದವರನ್ನು ಕೆಟ್ಟದಾಗಿ ನಡೆಸಿ­ಕೊಂಡ ಪೊಲೀಸ್‌ ಅಧಿಕಾರಿಗಳನ್ನು ಅಮಾನತು ಮಾಡಬೇಕು ಮತ್ತು ಅವರ ವಿರುದ್ಧ ತನಿಖೆಗೆ ಆದೇಶಿ­ಸಬೇಕು’ ಎಂದು ಪಶ್ಚಿಮಬಂಗಾಳ ಸರ್ಕಾರವನ್ನು ರಾಷ್ಟ್ರೀಯ ಮಹಿಳಾ ಆಯೋಗ ಆಗ್ರಹಿಸಿದೆ.



‘ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರಿಗೆ ಈ ಸಂಬಂಧ ಪತ್ರ ಬರೆದಿದ್ದೇವೆ’ ಎಂದು ಆಯೋಗದ ಅಧ್ಯಕ್ಷೆ ಮಮತಾ ಶರ್ಮಾ ಹೇಳಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry