ಸೋಮವಾರ, ಆಗಸ್ಟ್ 3, 2020
27 °C

ತಾಲಿಬಾನ್ ಉಗ್ರರ ದಾಳಿ : 11 ಸಾವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತಾಲಿಬಾನ್ ಉಗ್ರರ ದಾಳಿ : 11 ಸಾವು

ಕಾಬೂಲ್ (ಐಎಎನ್‌ಎಸ್) : ನ್ಯಾಟೋ ಪಡೆಗೆ ಅಗತ್ಯ ವಸ್ತುಗಳನ್ನು ಪೂರೈಸುತ್ತಿದ್ದ ಅಮೆರಿಕ ಮೂಲದ ಪ್ರಮುಖ ನೆಲೆಯೊಂದರ ಮೇಲೆ ಮಂಗಳವಾರ ಬೆಳಗ್ಗೆ ತಾಲಿಬಾನ್ ಉಗ್ರರು ನಡೆಸಿದ ಪ್ರಬಲ ದಾಳಿಯಿಂದಾಗಿ ಕನಿಷ್ಠ 11 ಮಂದಿ ಸಾವನ್ನಪ್ಪಿರುವುದಾಗಿ ಪೊಲೀಸರು ತಿಳಿಸಿದರು.

ಇಬ್ಬರು ವಾಹನ ಚಾಲಕರು, ನೇಪಾಳದ ನಾಲ್ವರು ಮತ್ತು ಆಫ್ಘಾನ್  ಓರ್ವ ಗಾರ್ಡ್ ಹಾಗೂ ನಾಲ್ವರು ಉಗ್ರರು ದಾಳಿಯಲ್ಲಿ ಮೃತಪಟ್ಟಿರುವುದಾಗಿ ಕ್ಷಿನುವಾ ವರದಿ ಮಾಡಿದೆ.

ಕಾಬೂಲ್‌ನಿಂದ ಬಗ್ರಾಂಗೆ ಸಂಪರ್ಕ ಕಲ್ಪಿಸುವ ಮುಖ್ಯರಸ್ತೆಯ ಬಳಿಯ ನೆಲೆಯ ಪ್ರವೇಶದ್ವಾರದ ಬಳಿ ಟ್ರಕ್ ನಲ್ಲಿ ಬಾಂಬ್ ಇಟ್ಟು ಸ್ಫೋಟಿಸಲಾಯಿತು. ಈ ವೇಳೆ ಮೂವರು ಶಸ್ತ್ರಸಹಿತ ಆತ್ಮಾಹುತಿ ದಾಳಿಕೋರರು ಒಳನುಸುಳಲು ಪ್ರಯತ್ನಿಸಿದರು ಎಂದು ಕಾಬೂಲ್ ಪೊಲೀಸ್ ವರಿಷ್ಠಾಧಿಕಾರಿ ಮಹಮ್ಮದ್ ಅಯೂಬ್ ಸಾಲಂಗಿ ವರದಿಗಾರರಿಗೆ ಮಾಹಿತಿ ನೀಡಿದರು.

ಸ್ಫೋಟದಿಂದಾಗಿ ಹಲವು ಕಟ್ಟಡಗಳಿಗೆ ಹಾನಿಯಾಗಿದ್ದು, ನೆಲೆಯ ಕಾಂಪೌಂಡ್ ಮುಂಭಾಗದಲ್ಲಿ ದೊಡ್ಡದಾದ ಕಂದಕ ಏರ್ಪಟ್ಟಿದೆ. ಈ ಸ್ಫೋಟದ ಹೊಣೆಯನ್ನು ತಾಲಿಬಾನ್ ಉಗ್ರರ ಸಂಘಟನೆ ಹೊತ್ತುಕೊಂಡಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.