ಶುಕ್ರವಾರ, ಮಾರ್ಚ್ 5, 2021
30 °C

ತಿಪಟೂರು: ಜೆಡಿಎಸ್ ಅಭ್ಯರ್ಥಿ ಕಾರು ವಶ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತಿಪಟೂರು: ಜೆಡಿಎಸ್ ಅಭ್ಯರ್ಥಿ ಕಾರು ವಶ

ತಿಪಟೂರು: ಚುನಾವಣೆ ನೀತಿ ಸಂಹಿತೆ ಪ್ರಕಾರ ಕಾರು ಬಳಕೆಗೆ ಪರವಾನಗಿ ಪತ್ರವನ್ನು ಜತೆಯಲ್ಲಿ ಇಟ್ಟುಕೊಳ್ಳದ್ದ­ರಿಂದ ಜೆಡಿಎಸ್ ಅಭ್ಯರ್ಥಿ ಎ. ಕೃಷ್ಣಪ್ಪ ಮತ್ತು ಜೆಡಿಎಸ್ ಜಿಲ್ಲಾಧ್ಯಕ್ಷ ಡಾ.ಹುಲಿ­ನಾಯ್ಕರ್ ಅವರ ಕಾರು­ಗಳನ್ನು ಅಧಿಕಾರಿಗಳು ವಶಪಡಿಸಿ­ಕೊಂಡರು.



ನಗರದಲ್ಲಿ ಶನಿವಾರ ಆಯೋಜಿಸಿದ್ದ ಜೆಡಿಎಸ್ ಮೆರವಣಿಗೆ ಮತ್ತು ಪ್ರಚಾರ ಸಭೆಯಲ್ಲಿ ಪಾಲ್ಗೊಳ್ಳಲು ಆಗಮಿಸಿದ್ದ ಎ.ಕೃಷ್ಣಪ್ಪ ಮತ್ತು ಹುಲಿನಾಯ್ಕರ್ ಕೆಂಪಮ್ಮದೇವಿ ದೇಗುಲ ಬಳಿ ತಮ್ಮ ಕಾರು ನಿಲುಗಡೆ ಮಾಡಿದ್ದರು.



ಪ್ಲೇಯಿಂಗ್ ಸ್ಕ್ವಾಡ್ ಅಧಿಕಾರಿ ಎಸ್.ಬಿ.ನ್ಯಾಮೇಗೌಡ ಅದೇ ಸಂದರ್ಭ­ದಲ್ಲಿ ಮೆರವಣಿಗೆ ಮತ್ತು ಸಭೆಗೆ ಸಂಬಂಧಿಸಿ ಪಕ್ಷದವರು ಪಡೆದ ವಿವಿಧ ಅನುಮತಿಗಳನ್ನು ಪರಿಶೀಲಿಸುತ್ತಿದ್ದರು.



ಅಲ್ಲಿಗೆ ಬಂದು ನಿಂತಿದ್ದ ಜೆಡಿಎಸ್ ಅಧ್ಯಕ್ಷರ ಕಾರುಗಳ ಪರವಾನಗಿಯನ್ನೂ ವಿಚಾರಿಸಿದರು. ಚಾಲಕರಾಗಲಿ, ಮುಖಂಡ­ರಾಗಲಿ ಪರವಾನಗಿ ಪತ್ರ ತೋರಿಸಲು ವಿಫಲರಾದರು. ಪಡೆದಿದ್ದ ಪರವಾನಗಿ ಪತ್ರವನ್ನು ವಾಹನ­ದೊಂದಿಗೆ ತಂದಿಲ್ಲ ಎಂಬ ಕಾರಣ ನೀಡಿದರು. ಇದಕ್ಕೆ ಒಪ್ಪದ ನ್ಯಾಮೇ­ಗೌಡ ಕಾರುಗಳನ್ನು ವಶ ಪಡಿಸಿಕೊಂಡು ಪೊಲೀಸರ ಸುಪರ್ದಿಗೆ ಒಪ್ಪಿಸಿದರು.



ಬಹಿರಂಗ ಸಭೆ ಮುಗಿಯುವಷ್ಟರಲ್ಲಿ ಎರಡೂ ಕಾರುಗಳ ವಾರಸುದಾರರಿಗೆ ನೋಟಿಸ್ ಸಿದ್ಧಪಡಿಸಿ ಸಂಬಂಧಿಸಿ­ದ­ವರಿಗೆ ತಲುಪಿಸಿದರು. ಅಷ್ಟರಲ್ಲಿ ಎ.ಕೃಷ್ಣಪ್ಪ ಅವರ ಕಾರಿಗೆ ಸಂಬಂಧಿಸಿ ಪಡೆದಿದ್ದರೆನ್ನಲಾದ ಪರವಾನಗಿ ಪತ್ರದ ನಕಲು ಪ್ರತಿ ಬೆಂಗಳೂರಿನಿಂದ ಫ್ಯಾಕ್ಸ್ ಮೂಲಕ ಇಲ್ಲಿನ ಚುನಾವಣಾಧಿಕಾರಿ ಕಚೇರಿ ತಲುಪಿತು. ಆದರೂ ಮೂಲ­ಪ್ರತಿ ಹಾಜರುಪಡಿಸುವಂತೆ ಚುನಾವಣಾ­ಧಿಕಾರಿ ಸೂಚಿಸಿದರು.



ಸಂಜೆ ವೇಳೆಗೆ ಮೂಲ ಪ್ರತಿ ತಂದು ತೋರಿಸಿದ್ದರಿಂದ ಚುನಾವಣಾಧಿಕಾರಿ ವಾಹನ ಬಿಡುಗಡೆಗೊಳಿಸಿದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.