ತೈಲ: ಮೊಯಿಲಿ ಸಭೆ

ಬುಧವಾರ, ಜೂಲೈ 17, 2019
27 °C

ತೈಲ: ಮೊಯಿಲಿ ಸಭೆ

Published:
Updated:

ದುಬೈ (ಪಿಟಿಐ): ಭಾನುವಾರ ಇಲ್ಲಿ ನಡೆಯಲಿರುವ `ಭಾರತ-ಇರಾಕ್ ಆರ್ಥಿಕ ಮತ್ತು ತಾಂತ್ರಿಕ ಸಹಕಾರ' ಸಭೆ ಯಲ್ಲಿ ಪಾಲ್ಗೊಳ್ಳಲು ಕೇಂದ್ರ ತೈಲ ಸಚಿವ ಎಂ. ವೀರಪ್ಪ ಮೊಯಿಲಿ ಶನಿವಾರ ಬಾಗ್ದಾದ್‌ಗೆ ಆಗಮಿಸಿದರು.



ಇರಾಕ್ ಜತೆಗೆ ತೈಲ ಮತ್ತು ಇತರೆ ಕ್ಷೇತ್ರಗಳಲ್ಲಿ ಪರಸ್ಪರ ಸಹಕಾರ ವಿಸ್ತರಿಸುವ ಉದ್ದೇಶದಿಂದ  ಮೊಯಿಲಿ ಪ್ರಧಾನಿ ನೌರಿ ಆಲ್ ಮಲಿಕಿ ಜತೆ ಮಾತುಕತೆ ನಡೆಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಮೊಯಿಲಿ ಅವರ ಜತೆ ತೈಲ, ಇಂಧನ, ಕೃಷಿ, ಶಿಕ್ಷಣ ಮತ್ತು ರೈಲ್ವೆ ಸಚಿವಾಲಯದ ಹಿರಿಯ ಅಧಿಕಾರಿಗಳೂ ಸಭೆಯಲ್ಲಿ ಭಾಗವಹಿಸಲಿದ್ದಾರೆ.



ಸೌದಿ ಅರೇಬಿಯಾ ನಂತರ ಭಾರತಕ್ಕೆ ಅತಿ ಹೆಚ್ಚು ತೈಲ ಪೂರೈಸುವ ದೇಶ ಇರಾಕ್.  ಅನಿಲ ಕೊಳವೆ ಮಾರ್ಗ ಅಭಿವೃದ್ಧಿ, ಮೂಲಸೌಕರ್ಯ ಸೇರಿದಂತೆ ಹಲವು ವಲಯಗಳಲ್ಲಿ ಬಂಡವಾಳ ಆಕರ್ಷಿಸಲು ಇರಾಕ್ ಪ್ರಯತ್ನಿಸುತ್ತಿದೆ. ಭಾರತ ಕೂಡ ಈ ಕ್ಷೇತ್ರಗಳಲ್ಲಿ ಪರಸ್ಪರ ಸಹಕಾರ ವಿಸ್ತರಣೆಗೆ ಆಸಕ್ತಿ ತೋರಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry