ದೇಹದ ಏರುಪೇರುಗಳ ಪತ್ತೆಗೆ ಹೊಸ ಸಾಧನ

7

ದೇಹದ ಏರುಪೇರುಗಳ ಪತ್ತೆಗೆ ಹೊಸ ಸಾಧನ

Published:
Updated:

ದೇಹದ ಏರುಪೇರುಗಳ ಪತ್ತೆಗೆ ಹೊಸ ಸಾಧನ

ಲಂಡನ್ (ಪಿಟಿಐ):
ಮನುಷ್ಯನ ಶರೀರದಲ್ಲಾಗಿರುವ ಏರುಪೇರುಗಳೇನು ಮತ್ತು ಕಾಡುತ್ತಿರುವ ಬಾಧೆಗಳೇನು ಎಂಬುದನ್ನು ಕರಾರುವಕ್ಕಾಗಿ ಕೇವಲ 30 ಸೆಕೆಂಡುಗಳಲ್ಲಿ ಪತ್ತೆಹಚ್ಚುವಂತಹ ಸ್ಕ್ಯಾನರ್ ಒಂದನ್ನು ಜರ್ಮನ್ ವಿಜ್ಞಾನಿಗಳು ಇದೀಗ ಅಭಿವೃದ್ಧಿಪಡಿಸಿದ್ದಾರೆ.



ಈ ಯಂತ್ರವನ್ನು ಬರ್ಲಿನ್‌ನ ಚಾರೈಟ್ ವೈದ್ಯಕೀಯ ಶಾಲೆಯ ವಿಜ್ಞಾನಿಗಳ ತಂಡವು ಅಭಿವೃದ್ಧಿಪಡಿಸಿದೆ ಎಂದು  ಡೈಲಿ ಮೇಲ್ ವರದಿ ಮಾಡಿದೆ.



ಮಾನವ ಶರೀರವು ಧೂಮಪಾನದಿಂದ, ಅಮಲಿನಿಂದ ಅಥವಾ ಕಡಿಮೆ ಪೌಷ್ಟಿಕಾಂಶವುಳ್ಳ ಆಹಾರವನ್ನು ಸೇವಿಸಿ ತೊಂದರೆಗೊಳಗಾಗಿದ್ದರೆ ಹಾಗೂ ರಸಾಯನಿಕ ಏರುಪೇರುಗಳಿಂದ ಕಿರಿಕಿರಿ ಅನುಭವಿಸುತ್ತಿದ್ದರೆ ಅದನ್ನು ಈ ಯಂತ್ರವು ಕೂಡಲೇ ಪತ್ತೆಹಚ್ಚುತ್ತದೆ.



ಕೈಯಲ್ಲಿಯೇ ಹಿಡಿದುಕೊಳ್ಳಬಹುದಾದ ರೀತಿಯಲ್ಲಿರುವ ಇದು ಕಂಪ್ಯೂಟರ್‌ನ ಮೌಸ್ ತರಹದ ಪುಟ್ಟ ಸಾಧನವಾಗಿದೆ. ಈ ಸ್ಕ್ಯಾನರ್ ಶೀಘ್ರದಲ್ಲೇ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದ್ದು ಇದರ ಬೆಲೆ 175 ಪೌಂಡುಗಳಷ್ಟಿರಲಿದೆ ಎಂದು ವಿಜ್ಞಾನಿಗಳು ಹೇಳಿರುವುದಾಗಿ ಡೈಲಿ ಮೇಲ್ ತಿಳಿಸಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry